قصائد لم تكتمل

[العـنود ناصر بن حميد]

.
.

أول الغيث قطرة

الرائع .. مطيع العوني

أهلاً تليق بحرفك الشامخ

ونبل روحك

.
.

قصائد لم تكتمل

هي أكتملت بحضورك

ولكننا مازلنا نطمع

بكرم مزنك

تحياتي

[اسعد الروابة]

مطيع العوني شاعرنا الرائع

قضائد لم تكتمل ولكنها اكتملت في قلوبنا

اهلاً بك في هذه الواحة ..شاعراً ينثر جمال الحرف وبهاء في كل الامكنة

كل عام وانت بخير

[وائل فهد]

ماقلت لي وينك ولاشفتك اشتقـت
.............احساس حطم كل الاحساس فيني
اكذب عليك إن قلت لك ماتضايقت
..............واكذب عليك إن قلت لك لاتجيني
حطيت عمري في يديك وتوهقت
...............أخاف من طيشك تضيّـع سنينـي


مطيع العوني

ثلاثه ابيات عن قصيده
لله درك
لك الاعجاب والمتابعه
دمت بخير

[شــمــ نـجـد ــس]

قصائد لم تكتمل ..

هي ابيات تحتل مكان بالذاكره ..

لتحاصر الشاعر ترفض الزياه او النقص ..

لتضل مستثناه ..

لذا فهي اعمق الشعر من قصائد قد تكتمل وتتلاشى كالفقاعه ..

الشاعر مطيع العوني ..

سلمت وسلم بنانك ..

[مشعل الوسّامي]

ياناعم العود وش سويت بأحوالـي
شاللي رماني عليك وجيت بدروبـك
لاجيت أسولف بغيرك جيت في بالي
كنك بجنبي..أسولف وألتفت صوبك



مطيع العوني

لايحتاج أن يطيعه الإبداع
فهو ..... الإبداع .............. بعينه

[عائشه المعمري]

اذا كانت هده قصائد لم تكتمل


فما بالكم بالقصائد الكاملة

لله درك يا مطيع العوني




.
.
.
.
.


همس الحزن

[راشد لايح]

شكراً
للقائمين على هذا الصرح الرائع والراقي بمن فيه من أسماء تحمل من الجمال ماتحمل

يشرفني أن اتواجد بين هذه الكوكبه المتألقه
.
.
قصائد لم تكتمل
يشرفني تقديمها لأول مره ،وأتمنى أن ترقى لذائقتكم.


ماقلت لي وينك ولاشفتك اشتقت=احساس حطم كل الاحساس فيني

اكذب عليك إن قلت لك ماتضايقت=واكذب عليك إن قلت لك لاتجيني

حطيت عمري في يديك وتوهقت=أخاف من طيشك تضيّع سنيني





ياناعم العود وش سويت بأحوالي=شاللي رماني عليك وجيت بدروبك

لاجيت أسولف بغيرك جيت في بالي =كنك بجنبي..أسولف وألتفت صوبك






صرت اشوفك في عيون اللي أقبالي=هو يكلمني وأنا ميت عليك

أي حال اللي يشابه فيك حالي=كن قلبي طفل رابي بين ايديك

ياجنوني..ياجوابي..ياسؤالي=مو..عمر..عمرين أنا مفتون فيك




قلت لي "شوي" وركض قلبي وراك=من يهدي فيني رغبات الطفل

أنت يالي ماشغل عمري سواك=شلون ترضي بغير قلبي تنشغل




أستاحش بغيبتك والخوف يربكني=شلون اغمض عيوني وانت بعيوني

وآالله في كل مافيني مشاركني=حتى جنوني احبه فيك ..ياجنوني



مطيع العوني


صح الله لسانك ولاهنت


وإن شاء الله مع الأيام تكتمل هذا الأبيات الجزلة


وتضعها هنا في هذا الصرح الشامخ


نتمنا حروفك الرائعة في أقرب فرصة ممكنه


ودمت بشووووووق

[ضحوي الأسلمي]

مطيع العوني ..




أنت ..فتحت ..باب ..كبير ..والله ..يعينك ..علينا ...:)




جيتك بوادع ..وأرتحل ..للمواجع
......................الضيق ناطرني ..على درب ..فرقاك

خذ المدامع ..بس ..عطني مدامع
.............................أبذكرك فيها اليا حل ..ذكراك

مسكين قلبي ..كيف يقدر يوادع ؟؟
..........................وأنا أعْرفه زين ماراح يقواك !!

خلنا نذوق ..شوي ..شبك الاصابع
.....................قبل الرحيل ..وقبل مااحضن بقاياك

أنشهد ان الموت ..لحظة موادع
.................................واحد تمنيته .. مثل ماتمناك