رايع سنة والعيد والحال يتبع .. (عيدية معنوية)

[سعد مسهوج]

ـــــــــــــــــــــــــــــ
ـــــــــــــــــ
ــــــ






من جاع قبل العيد بالعيد يشبع=الا انا و الجوع واللي تواليه
لا راس مال ولا وظيفه و الأبشع=الاجودي لاضاق محد ٍ يداريه
حتى الطفل بالعيد ما عاد يقنع=ولا دري وش اللي بس اقدر اسويه
كم كنت احاول انشغل وأتصنع=دقت تليفوني! .. واسلـّـم واخليه
بالعيد ما ودي على الناس اطلع=ولا اشوف اللي يحسـّـب عياديه
اخاف لا عيني من الضيق تدمع=لا ناظر بجيبي !! ولا اقدر اعطيه!!
لا شك غبنة داخل القلب تطبع=اليا وقف و (ايديه داخل مخابيه)
رابع سنة و(العيد) و(الحال) يتبع..=وعبد الغني لابد ما الله يغنيه



ـــــــــ
ـــــــــــــ
ــــــــــــــــــــــ



وكل عام وانتم بخير




ســـ ع ــــــد

[عبدالله العويمر]

الله يِغنيه

سَعَد
إحْسَاس بِالآخر ، وضِيْق حَال

شَفّاف يَاسَعَد ، وجَمِيْل

وعِيْدك مبَارك

[شيخه الجابري]

"وعبد الغني الله يغنيه"

يا الله ما أجمل الصورة ،وما أقساها،وأصدقها
النص محمل بكثير من المشاعر النبيلة
والصور المعبّرة،والموسيقى الداخلية التي أضافت
على فكرته الكثير من الجمال،والشفافية
شكرا لهكذا شعر،
شكرا لهذا الإحساس العالي أخي سعد
وعيدك مبارك بإذن الله

[خالد علي اليامي]

سعد

صح نبضك

قافيه سلسه

ونص جميل

سلاااامي

[سعد مسهوج]

الله يِغنيه

سَعَد
إحْسَاس بِالآخر ، وضِيْق حَال

شَفّاف يَاسَعَد ، وجَمِيْل

وعِيْدك مبَارك

اميييين

شكرا لك اخوي عبدالله


وكل عام وانت بخير

[سعد مسهوج]

"وعبد الغني الله يغنيه"

يا الله ما أجمل الصورة ،وما أقساها،وأصدقها
النص محمل بكثير من المشاعر النبيلة
والصور المعبّرة،والموسيقى الداخلية التي أضافت
على فكرته الكثير من الجمال،والشفافية
شكرا لهكذا شعر،
شكرا لهذا الإحساس العالي أخي سعد
وعيدك مبارك بإذن الله

اختي شيخه


والله مدري وش اقولك

لكن الله لا يحرمني من هكذا حضور راقي غير مستغرب من من هم اهل له

وان شاءالله اكون عند حسن الظن


وعساك من العاييدين الفايزيين



حياك الله

[سعد مسهوج]

سعد

صح نبضك

قافيه سلسه

ونص جميل

سلاااامي



هلابك اخوي لاهنت وحياك الله

[نايف السميري]

.
.
وانت بالعيد اجمل وبالشعر اجمل/ ياسعد ..!
.
.
كل عام وانت بخير ..
.
.


تحاياي