غربة وميعاد

[سعد البردي]

ياهيه ضيّعك الشقـا وانـت بعنـاد=عزة مكابـر يابّـدوي وش وراهـا
تطرد ورى مجهول وابعادك أبعـاد=ومستقبلـك عايـش يتيـم برجاهـا
من حاضرٍ مشؤوم من واقعٍ سـاد=عاجز ولكن راضيٍ فـي قضاهـا
خلك كريم بوجـه الايـام وعتـاد=جلدٍ مـع الغربـة وطلـق بمداهـا
ولاعارضت سود الليالي والانكـاد=دامه مصيـرك ياشموخـي تباهـا
ولاصار ما عندك على كسرك شداد=صبرك على اللي بالضمد ما نساها
والا انت ياجرح بدوي سقمك اجداد=حطوبـك العلـه وماتـوا وراهـا
لك في حنين الجذع منفى وميـلاد=وجرحك حنان السارحة في ضماها
ولك في صحاري نجد غربة وميعاد=قُدسيّةٍ.. ؟والحـال عاشـق ثراهـا

[نواف العطا]

سعد البردي
صح لسانك وسلم نبضك جميلة كلماتك وشجيه
ودمت بود

[نايف السميري]

.
.
سلسه وخفيفه على الروح / ياسعد ..

جميل مثل هذا الاحساس ..!
.
.


تحاياي

[ميــرال]

ياهيه ضيّعك الشقا وانـت بعنـاد
ــــــــــ عزة مكابر يابّـدوي وش وراهـا


الله ياسعد
مرحباً باالغربه وبــ الميعاد

هذه القصيده لاتقراء فقط بل تسمع وبوجد

شكراً لهذه اللحظه العذبه جداً

[محمد الغشام]

,

,

الغَالي والصَديِق : سَعَد البَردي
للغُربَه ميِعَاد
نقُوم بِتكِرار عَاداتنا بِجمَال الِشِعر

عاطِر التَحايا

[شوق الحمد]

والا انت ياجرح بدوي سقمك اجداد=حطوبـك العلـه وماتـوا وراهـا
لك في حنين الجذع منفى وميـلاد=وجرحك حنان السارحة في ضماها





إبدَآع ألثَم الشكُر عجزاً

لله دَر الحَرف بمَا حوى


تحيتِي ..’

[خلف المهيلان]

b]


الشامخ سعد،، عانقت سماء الجمال،،

وماهذا الصمود الا لاإنك ،، اصيل،، ودايمـ(ن)الا نقياء ،،

لا يملكون،، سوى كنزالقناعه ،، والايمان بالله ،،


ابدعت وامتعت،، ايه العذب،،

لك الود والورد ،،
والغلاخ م

[/b][/QUOTE]

[خالد علي اليامي]

سعد

حضورك بالقلب

نص جميل

ودي وتقديري