" جمرة غلاها "

[خالد الوقيت]

أرشيفية لعلّها تروق لكم وتشفع بعد الغياب

........................

انا انفتنت بوحدةٍ من هل الرسّْ =يذوب قلبي تحت جمرة غلاها
عشقتها عشق البخيل الموسوسْ =لفلوسه اللي ضاع عمره وراها
القلب والتفكير والعقل والحسّ= لو هي معي خِلقه .. تراها معاها
حتى الى مني بغيت اتنفّس =اترك هوايه .. واتنفّس هواها
رعبوبةٍ لاقمت فيها تفرّس= كنّ الجمال اليوسفي محتواها
لاهب من يمّه هبوبٍ ونسنسْ= تعيش نشوه رايقه من شذاها
موج البحر يختال بعيونها النِّعسْ =كم من غريقٍ في بحرها فداها
اذا نوت تحكي سبق حكيها الهمْس =واذا حكت كن العسل في اشفاها
ولو تكشف لثام الحيا بانت الشمسْ =واصبحت تذكر خالقك من بهاها
ماكنّك الاّ فروض وردٍ ونرجسْ =لاعرّضت قِدْمك .. وقامت تباهى
لا اللبس جمّلها .. وهي تجمّل اللبسْ =تصبح دعاية لبسها من حلاها
كريمة الجدّين والطبع والنفسْ =في كل شيٍ بالغه منتهاها
بدر السما موجود بحروفها الخمسْ =لو البدر ماهوب في مستواها
البدر يكمل حين .. واحيان يطمسْ =وهي بحلاها مايلحّق مداها
من وجدها تمطر على جوّي الأنسْ = وأسجّ في نزهة حياها ووفاها

.

وكل عام وانتم بخيييير

[نواف العطا]

خالد
صح لسانك وأنت بألف خير
ودمت بود

[خالد الوقيت]

خالد
صح لسانك وأنت بألف خير
ودمت بود

نواف

وأنت بألف خير يابعدي

ومشكور على المرور

تحيتي
.

[خلف المهيلان]

b]

العزيز خالد ،، لاعاد ،، تروح مع طريق القصيم ،، اجل الا ومعك ،، ما تكتب فيه نص كهذا)
حينذن: يكون ،، نسمح لك الذهاب ،، داعين لك تاتي بها بيئابك وانت،، غانم،،وطيب،،


الود وتواضع المروري ياعذب
،،
:
ودي وتحاياي لك ولهذا النص الباذخ،

خ م

[/b][/QUOTE]