الشاعر الفوتغرافي

[أكرم التلاوي]

الطنايا



ياربعنـا مايعتـذر كـود غلـطـان=وانا عجزت القى خطـا فـي خطايـا
ان كـان قلتـوا ماتعـوذت شيطـان=نفسي لانـي شفـت سـود النوايـا
قدامكـم ربـي بلانـي بمـن شـان=فعله معي لين اظلمـت بـي سمايـا
زل وكتمـت .. وزل وازددت كتمـان=وازداد فـي غيـه وجانـي بـلايـا
اعطيته الصافي من العلـم خلصـان=من غير ما اسال من معـاه ومعايـا
وان كان هو من رشفة ابليس سكران=سكـران انـا بغبـار خيـل الطنايـا
عاداتها تقبـل تقـل مالهـا ارسـان=وعاداتنـا نهـدي ضحانـا ضحايـا
من مثل شمر علقوا يـوم الاكـوان=ارواحهـم عقـد بجـيـد المنـايـا
حنا الضياغـم والزقاريـط نيشـان=فـي جبهتـي زاد المزايـا مـزايـا
وانا ولـد عافـت سلايـل كحيـلان=على اسم جدي والاسامـي وصايـا
ياشين يوم الطيـب نجـر وضيفـان=منـا العطايـا تستـمـد العطـايـا
ياشين يـوم العـز خيـل وفرسـان=ربعي عصا موسـى وربعـك حيايـا
ويومك قنعت بسقف واهي وجـدران=الضيغمـي للشمـس حـث المطايـا
لاانته بجنبي طيـب اوعـز او شـان=ولاانتـه بقدامـي ولا انـت بورايـا
الله بلانـي بـك ولانـي ببلـشـان=لاشــك ودي ينطحـونـي قـوايـا

[أكرم التلاوي]

" هينه "


هينه دام هي هـذي فهـي هينـه=والله اني حسبت العاقبـه عاقبـه
عاد تدري هي من أول وهي بينـه=شوفها مايبي لـه نظـرة ثاقبـه
بنت ستين كلب وزفـت ومطينـه=قصة النجم والخبل الـذي راقبـه
مابعد شفت من همي سوى عينـه=كيف أجل لو همومي جتك متعاقبه
جيتك بغصن طيب زهرتـه لينـه=كيف لو ييبس وتصفر الأوراق بـه
من رجا خير في شرواك ماعينـه=لاأنت سباق طيب ولاأنت لحاق به
مومس الوقت لو صلت ماهي دينه=يعرف البير واللي فيه ومن واق به
لا تحلف اليمين .. ولا نبـي بينـه=فارق الصدر يالسر الذي ضاق به
كل شخص له من الـذل مافينـه=وكل شخص له من العز مالاق به
زين اللي تبي واللي تبـي شينـه=ماانت حول الطنايا لحيتك عاقبـه

[أكرم التلاوي]

" حي المنازل "



يابحر الاحباب جـزرك شيـن=حـي المنـازل تحيـة مــــــد
ما به على القلب كثـر الليـن =قاسي متى ما الحنيـن اشتــد
ان وصل عد الفراق سنيـــن=فوق العشر00 لا تكمل عــــد
ينعق براسي حمـــام البين=ماكـــنه غرابها ...غــــــــرد
كلمه ولا تسألون لميــــن=شكرا جزيلا ..على الـــــلاورد
ياشعر ياشعر وف الديـــن=ماجيتك الا وانـــــا منحــــــد
حرفك حطبته مــن التخمين=واشعلتني له فليلة بـــــــرد
يدفيني الضم في التنويــن=واو حضنت واو قلب وخــــــد
قال الألف قلت: راية ديـــــن=والميم: قمرا00 تبيح الســــد
والسين :دعس الحمام العين:=تلويحه 00الياء : حالة فقــد
اللام ..عكاز..عمـــرٍ هيـــــن =والكاف :رجل احتمل وانهـــــد
الشعر جولـه اثنيـــن اثنيـــن=قبلـي وبعـدي وجيتـه فـــرد
من قبل اجي له وانا : البعدين=جيته وعلمني المــــا بعـــــــد
الحر تدري تجيـــه منيــــــــن=والعبد ما ينعرف له عبــــــد
لا تشبك اسمي معك يا شين=وش00 شا عر وشاعر00 اركد 00هد
لااقرب من ( الحمد ) كثر آمين=ولاابعد من ( آمين ) كثر الحمــد

[أكرم التلاوي]

" هدوء الأرض "



سلامي ياهـدوء الأرض هـذا أول الإعصـار=توحدت بجراحـي والمـدى وجهـي وآياتـي
تشربت الهموم وبعض حلم في عيون صغـار=وسميت الفضى جلدي وسميت الشجـر ذاتـي
لذا يممت وجهي عكس وجه الريـح والتيـار=نعم مادام ذيب الوقـت عمـدا مطلبـه شاتـي
رميتك ياحطب ذكراي في برد المسافـة نـار=وشفتك ياحطب تخلص وأنـا بـأول مسافاتـي
رمادك في يدي شلته سؤال وشوكة استفسـار=يجدد بـي حريقـة وأشتعـل تولـد بداياتـي
وكملت الطريق بحلـم باكـر تنبـت الأشجـار=على أرض تسميهـا احتضاراتـي حضاراتـي
وباكر أضرب برجلي الصحاري تنفجـر أنهـار=وأشق البحـر بعصـا مـن غصـن آهاتـي
أقول مسامحك ياللي رفض يدخل معي في الغار=وأقول مسامحـك ياعنكبـوت عـد خطواتـي
بعدها يرجع العشق القديـم لجمـرة الأسفـار=وأيمم وجهتي ومن ثانـي أفـرش مصلاتـي
أنا وش أطلبك خـلاص ماعـاد بـي أعـذار=ألا ياسمعـي أجمـل دروبـي درب زلاتــي
كتبت اللي كتبت ولا قصدت ألفت لـي الأنظـار=ولكن قصدت ألفـت لجـوع النـاس نظراتـي
وأنا عامد أوضح شي وأترك شي خلق استـار=ولا أقعـد ليلـة إلا وأغيـر قـاع مرساتـي
وأنا شفت الجمال يكون أجمل لو عليه أغبـار=لـذا لـف الغمـوض أوراق لفتهـا كتاباتـي

[أكرم التلاوي]

" أخيذة ضحى "



هذا القلم وش كتب .. هذا الندم وش محى=في ايدي رعشه ولاظني على شي قـاوي
حبيبتي قربـي هاتـي يدينـك .. صحـى=في داخلي طفل مري به .. حمام وغنـاوي
الحب حنطه هقيـت ان المفـارق رحـى=فارقـت زاد الغـلا رديـت ولا بــلاوي
أثر الهوى لاتمكـن منـك اخيـذة ضحـى=اثر الغلا الصدق صدق ان ضج ماعاد ياوي
ونا اخـر اللـي يـدور صادقيـن نصحـا=في الحب ياشينها تنوي تقل مانـت نـاوي
لاهي صعيبه ولانـي لاقـي اللـي وحـى=ولاهي قريبه .. ولاهي اللي تجي بالهقاوي
ولاهي بحـب الخشـوم ولابدقـم اللحـى=ولالقينـا لهـا عنـد المطـوع فـتـاوي
ماعـاد ينفـع خجـل فيهـا ولامستحـى=برد يفطر خشوم البـل وعاشـق خـلاوي

[أكرم التلاوي]

" جمعتك والحطب "



جمعتك والحطب بينـي وبيـن الذاكـره فـواح=وشبيت الكـلام بدفتـري .. واحرقـت خلانـي
شكت عيني من اثار الدخان وجفن عيني صاح=وشديت الجفـون لبعضهـا لاشـك مامدانـي
بكيت ويوم شفت اني لحالـي ماكتمـت نـواح=وسيلـت الاحبـه كلهـم واحـد ورا الثـانـي
من اول مانت خابر ..لاخر اللي مانت خابر طاح=ولاخليت احد منك انت ليـن العـاذل الشانـي
اذا الجرح انخلق لانسان نا انسان انخلق لاجراح=واذا الاحزان لابن ادم ..انا ابـن ادم لاحزانـي
عزيـز القـوم ذل بلعبـة الغفـران والتفـاح=ولانـي سائـل رب العبـاد يجيـك ماجـانـي
ولاني طالب الا انـي الا منـي بكيـت ارتـاح=ولاني طالب الا ان انـت ماتشمـت بوجدانـي
لقيتك تلتفت لي في الدموع وغامرتـك افـراح=ومت من القهر .. حتى بهـذي .. وتحدانـي .

[أكرم التلاوي]

" أنا لولاي "




انا .. انا .. لولاي انا من تكونيـن=اقولها وانـا نعـم فيـك مغـرور
انا جعلتك نور وانتي مـن الطيـن=جرة قلم وامحيك من عالم النـور
انتي بدوني وردة فـي البساتيـن=والورد في دنيا البساتين مغمـور
لكن معي صرتي كما الشوف للعين=والعين لولا الشوف ماظن لها دور
هذا وقصدي تعرفي موقعك زيـن=وحذرا ترى من انذرك صار معذور
اما اشتري ودي على العسر واللين=والا ترانـي بايعـك بيعـة البـور
بسطور خليتـك شعـار المحبيـن=وامسحك من دنيا المحبين بسطور

[أكرم التلاوي]

" الدليل "





أضحكتني كلمتك : ويـن الدليـل=عن هواي اللـي تقـول وتدعـي
الدليل : الهم...والجسـم النحيـل=وارتعاش الصوت لا صرتي معـي
الدليل : الدمع من عينـي يسيـل=يوم هزيـت بوداعـك مسمعـي
الدليل: الجرح ... والصمت الطويل=بانتظـار انـك عليـا ترجـعـي
الدليـل أنـي ركبـت المستحيـل=لجل أغير فـي عيونـك موقعـي
يوم كل عـاش فـي فـيّ ظليـل=كنت أسافر وآخذ أحزانـي معـي
واعبر الدنيا كمـا عابـر سبيـل=شايل جرح الهوى فـي أضلعـي
أدري أن الوقت لو يعطـي بخيـل=بس أحاول ...يمكن أنسى موجعي
كل هذا ...وتسألي: ويـن الدليـل=عن هواي اللـي تقـول وتدعـي
أعتذر ...كلي أسف ..ما كو دليل=أقنعـي بالـحـب أو لا تقنـعـي