(أهـلــــــــــــــــــه)

[خلف المهيلان]

من تلا شوقه ورى دهشته ذهله=كيف يكتب لحظة أغماه واعجابه
وطئة الهفه بروحي ماهي سهله=والسؤال أحتار ماحصل أجابه
ذا زلال يشد بالغيمه ارهله=لين حتى البرق مايملك أعصابه
بودعه قلب ٍ يعده مكان أهله=لو طعن سيف الهدب فيه لانصابه
أتركوه يجر روحي على مهله=واتركو مسحوب شعري لاغنابه
يرتشف شهد الملامح ويندهله=مع حضور إناقة الذوق وغيابه
دام روحي في يد الصبح منزهله=عن هجيره تزبن بفية أهدابه
مفضل ٍأهداية العاذل بجهله=أتركو حر المشاعر ومخلابه
مع سماء الا حساس مابغا يتنبه له=حاسد ٍحقده ملا جونا اسرابه
الغلا ياعاذي صوته وصهله=بالمحاني كن تقنب لها ذيابه
والزلال الي ظما شوقي لنهله=كيف يكتب من يعله ويقرابه
شي أعرفه غير شين سبب جهله=من كثر ماتفسر اشيا وتلقابه

[خلف المهيلان]

b]


هالهدوءمليان ،كله بالمطر وابهدوء
...............................ياخذك من حيث لا تدري لمدري لوين

خ م

[/b][/QUOTE]

[خلف المهيلان]

والهمسه الي لهاقوست كل اضلعي=تمرها إنفاس صدري مادرت عنها
مادام فيني ولا يشعربها الي معي=بتظل فيني ورى الانفاس اكنها

[خلف المهيلان]

برب البعاد إن أقرب بعاد نجمك=إلى عكس نورك عرف من يقاصر
ومن يحرقه عذره لمن مات قدمك=ماحصل لقتله عداله وناصر
يقول البدر يستصغرالنجم عدمك=لروايته ياشوف مبلس وقاصر
والانت حتى عداك لازم تخدمك=لدبعيونك واغض وادع بخناصر
يدك ومن تاثير جذبك وصدمك=لاعطيتهم نظرات تقدر تحاصر
من الي يبا يقاوم بصرحه لهدمك=يالي بضعفك جيش قوه وهاصر
ادري تعذب وانت ماقلقك ندمك=وظلم العيون الازلي ذا معاصر
ورغم احتدام الخلق ماكتظ حدمك=لجله ولا يلقا من الظلم ناصر

[خلف المهيلان]

ترى سحل ماهو زحل ياعطارد=قل للجدي يثبت نبا نزين الكون
دم الشعر به حر والحسد بارد=وحكي شكسبيرالبدو اوأفلاطون
ذلول مثله مع هل الهجن حارد=سبب شياطينه والعباد يقرون
وبعض الخواطر ماتسمى توارد=وناس ٍ من شبه الناس والشرك يبرون
أعوذ في رب الفق من مقارد=خلقك ياربي والي يشبه لفرعون
ومن كل راعي غل ومن مرد مارد=والي تصنت والي بالكفريوحون
ماحرك الاحساس سرد السوارد=الي يامبدع من مغرر يغرون
ياوبل شعري خل مثله تصارد=والثور الادجم والي متعكف قرون
لاصرت هداج ونهر كل وراد=خل الضوامي من قراحك يشربون
وياذهني الي باعمق الشعر شارد=ولا يهمونك هل الحشو يبنون
من ماتراكم بالسنين الجوارد=والرجعي الي بالتحساس مفتون
خل المهارد ويش كسب المهارد=سوى الذنوب وجمع دايم يقولون
فضول واتطفل جمع من موارد= منجمين ٍبالتخلف يخوضون

[خلف المهيلان]

بعاد كيف التقي بك وانتي بعاد=والدروب الطيوله دون نولك
ودي اظفر بصدفه دون تنعاد=بس تخلو من الي سولفولك
عن مدى الود والهفه النشاد=ومن يسكر على قلبي وصولك
العرب لوملامح وجهها اجواد=قاصرين ٍ وابالنمه تطولك
بالبلد ماسعو بالصلح بفساد=وارتكى لضخم نمتهم نحولك
ماعلينا من المجبول بانكاد=خلنا وسط مفردك وشمولك
يالي جرحك عجزت القا له ظماد=وطول نزفه سواله عن قبولك
مانشد ليه سيفك ماله غماد=يدري إنه عن المنطق يقولك
ودي اكتب لعمر الفرح ميلاد=واعزم الشعر يكتب عن ميولك
لحظة ٍ بين برق وبين رعاد=والثراء المجدبه تشرب سيولك
وكل صمت ٍ علا بوحه تمراد=وسط صبح ٍ عطا الانفاس لؤلك
لين الاحساس خلا الشوق وقاد=واشتعل من ترفك ومن ذبولك
وفاح عطرالمشاعر وابتدى الكاد=يمزج بالغلا واروى نهولك
والله إن الغياب وشذرته حاد=وإن كسر سور صمتك وانت حولك
من هل الخبث غير عيون حساد=والزمن غربة ايامه تهولك
مالك أيا عزا ياجرح وظماد=غير صمت ٍ قساه يفوق قولك
والنمايم فضول وجمعة أفراد=قاصرين ٍ وبالنمه تطولك