محمد المشري
10-14-2009, 01:46 PM
أتمنـى فـقـط , تمـريـرهـا بـِ عنــاية
,
,
..أصابني الهم ّ يا حصّه وجيتك / دخيل = أنا بِوجهك من همومي وقسوة عناي..
..تضيقُ فيني جميعُ السـُبل..ويأبى سبيـل = نجواك / لا طاحت عزومي وخان أصدقاي..
..لا تتركيني وحيد آجابه المستحيـل = إن زارني الليل بأحزانه وخارت قواي..
..ماني على خبرك اللي "طول عمره ثقيل" = جبرني الوقت أعيشه دون عن مستواي..
..جيتك بعد كنت أماري شامخات النخيل = واليوم بين الرجا والياس رايح وجاي..
..وش في يدي كان حظي خصم وحلمي قبيل = مِن يقنع الحلم في حظي ويقبل عزاي..
..نزلتلي في مقام ٍ ما يقرّي النزيـل = حطيت رَكبي على جال الشقا من عماي..
..وين أنت يا سالف أيامي..وعهد ٍ جميل = محتاج لك رد ّ صوتي قبل يرجع صداي..
..ماعاد بي يا ذخر قلبي من الشوق حيل = مِنْ قفّت ضعون وصلك..والمفارق بلاي..
..صفالي الحزن..وإلا الشِعر بعدك / خليل = يكتبني الشعر قبل الحزن يبحث خفاي..
..ماغير لا هب ّ ذعذاع النسيم العليل = تعال شفني وأنا أجمع ما بقالك معاي..
..أذْكرّك لامن تكسّرت .. وفَهَقت الجديل = وتثاقلت يمتك رِجلي وقَصْرت خطاي..
..عليك أخاف آتمادى وأنت مالك بديل = كيف أخذلك..وأنت من عاش العمر في حماي..
..في عين مغليك تلقى لك مقر ّو مقيل = وإن طاب لك خيّم بصدري..ونوّر حشاي..
..أخذتني من هلي من دون ذنب وحصيل = وآخذتك أبرك غرابيلي على مشتهاي..
..كنت أجمع الشوق وآسرج فِكر وآسري بِليل = من خوف لا يفضح الآشواق حرّة بكاي..
..ماكنت مجروح من سيف الفراق الطويل = يجرحني آشوفك تعاني..وضايع جداي..
..ياليتني آقدر ألد ّ العين عنّك .. و آزيل = همّ ٍ تداعت له همومي وضيّق مداي..
..أزوم من لوعة الفرقا وآعاف الرحيل = إللي ماهوب كان في ودّي ولا مُبتغاي..
..فَ لا تجهليني وصوتي عن غرامي دليل = ولا تتركيني بوجه الريح..وإنتي ذراي..
..فإن كان جيتك من همومي و وقتي / دخيل = تجملي بي عساي أرتاح..وأنسى عناي...
,
,
,
,
..أصابني الهم ّ يا حصّه وجيتك / دخيل = أنا بِوجهك من همومي وقسوة عناي..
..تضيقُ فيني جميعُ السـُبل..ويأبى سبيـل = نجواك / لا طاحت عزومي وخان أصدقاي..
..لا تتركيني وحيد آجابه المستحيـل = إن زارني الليل بأحزانه وخارت قواي..
..ماني على خبرك اللي "طول عمره ثقيل" = جبرني الوقت أعيشه دون عن مستواي..
..جيتك بعد كنت أماري شامخات النخيل = واليوم بين الرجا والياس رايح وجاي..
..وش في يدي كان حظي خصم وحلمي قبيل = مِن يقنع الحلم في حظي ويقبل عزاي..
..نزلتلي في مقام ٍ ما يقرّي النزيـل = حطيت رَكبي على جال الشقا من عماي..
..وين أنت يا سالف أيامي..وعهد ٍ جميل = محتاج لك رد ّ صوتي قبل يرجع صداي..
..ماعاد بي يا ذخر قلبي من الشوق حيل = مِنْ قفّت ضعون وصلك..والمفارق بلاي..
..صفالي الحزن..وإلا الشِعر بعدك / خليل = يكتبني الشعر قبل الحزن يبحث خفاي..
..ماغير لا هب ّ ذعذاع النسيم العليل = تعال شفني وأنا أجمع ما بقالك معاي..
..أذْكرّك لامن تكسّرت .. وفَهَقت الجديل = وتثاقلت يمتك رِجلي وقَصْرت خطاي..
..عليك أخاف آتمادى وأنت مالك بديل = كيف أخذلك..وأنت من عاش العمر في حماي..
..في عين مغليك تلقى لك مقر ّو مقيل = وإن طاب لك خيّم بصدري..ونوّر حشاي..
..أخذتني من هلي من دون ذنب وحصيل = وآخذتك أبرك غرابيلي على مشتهاي..
..كنت أجمع الشوق وآسرج فِكر وآسري بِليل = من خوف لا يفضح الآشواق حرّة بكاي..
..ماكنت مجروح من سيف الفراق الطويل = يجرحني آشوفك تعاني..وضايع جداي..
..ياليتني آقدر ألد ّ العين عنّك .. و آزيل = همّ ٍ تداعت له همومي وضيّق مداي..
..أزوم من لوعة الفرقا وآعاف الرحيل = إللي ماهوب كان في ودّي ولا مُبتغاي..
..فَ لا تجهليني وصوتي عن غرامي دليل = ولا تتركيني بوجه الريح..وإنتي ذراي..
..فإن كان جيتك من همومي و وقتي / دخيل = تجملي بي عساي أرتاح..وأنسى عناي...
,
,