مشعل الذايدي
10-26-2009, 05:12 PM
لنفوسكم الطيبه
ولكل الانقياء هنا
شكرا من الشعر وللشعر الذي جمعني بكم
الا ياطير كم غرّك على حدْ السما سمّار= وكم خانك من أحبابك كريم وصحت من دونه !!
غسلت ايدك من اصحابك ورقصت الاماني زار؟!= تبي تعرف من اللي طاح ومن اللي تأثم ظنونه؟!
تعال أعلمك كيف الحنين اليا غدا مسمار != وكيف الليل لادكّه وبلّلْ دمعك جفونه!!
تعال أعلمك كيف الحبايب لاغدوا كفّار= يصرون الوفا ملح وعلى جرحك يذرونه !
تعال أعلمك كيف الغياب اليا غدا جبّار!=وحط أبهامك بحلق الوداع وصكّت سنونه!
تعبت أدري ! رموك أدري ! على بساط الوجع زوّار=جفوك وهمّك البارح على دمعك يحدّونه!
وأنا ياطير من خيّر شقاه من الشقا وأختار= يجرْ الآه من جب الحنين و تشرب عيونه !
وأنا صوت الحصاد اللي بكى في حنجرة بذّار= تعداه المطر يسال عليه وروح بدونه !!
وأنا هاك البسيط اللي زرع.. سدر وحمامه طار= وشرّع كل آهات الغياب وناحت غصونه
وأنا يا صاحبي مولى الحنين وربعه الفجّار= يسنون الوتد هم وعلى صدره يدقّونه
يمر الريح في جوفه غناوي و يحِدى مزمار=ويبكي داخله طفل وتمنى لو يهدنونه
وأنا اللي كسّر شداده برجوى صيدته للنار= طفت ناره وضاع اللي رجاه وكلت متونه !
وأنا ياطير لو تسأل عن اللي صار أو ماصار=تعال وشوف بعيونك جزايه كيف يوفونه ؟!
حملت أوزارهم طيبه وعابوا حملي الأوزار= تعشوا لحمي البارح ولا زالوا يلوكونه !!
على كبر الخوي لا طاح.. تجي كلمة (أفا) منشار=وتبكي المرجله صاحب قصر ثوبه عن ردونه
واذا ياطير غنوا لك على حد السما سمار=تعوذ همك لربك .. تعوذ لايغنونه
ولكل الانقياء هنا
شكرا من الشعر وللشعر الذي جمعني بكم
الا ياطير كم غرّك على حدْ السما سمّار= وكم خانك من أحبابك كريم وصحت من دونه !!
غسلت ايدك من اصحابك ورقصت الاماني زار؟!= تبي تعرف من اللي طاح ومن اللي تأثم ظنونه؟!
تعال أعلمك كيف الحنين اليا غدا مسمار != وكيف الليل لادكّه وبلّلْ دمعك جفونه!!
تعال أعلمك كيف الحبايب لاغدوا كفّار= يصرون الوفا ملح وعلى جرحك يذرونه !
تعال أعلمك كيف الغياب اليا غدا جبّار!=وحط أبهامك بحلق الوداع وصكّت سنونه!
تعبت أدري ! رموك أدري ! على بساط الوجع زوّار=جفوك وهمّك البارح على دمعك يحدّونه!
وأنا ياطير من خيّر شقاه من الشقا وأختار= يجرْ الآه من جب الحنين و تشرب عيونه !
وأنا صوت الحصاد اللي بكى في حنجرة بذّار= تعداه المطر يسال عليه وروح بدونه !!
وأنا هاك البسيط اللي زرع.. سدر وحمامه طار= وشرّع كل آهات الغياب وناحت غصونه
وأنا يا صاحبي مولى الحنين وربعه الفجّار= يسنون الوتد هم وعلى صدره يدقّونه
يمر الريح في جوفه غناوي و يحِدى مزمار=ويبكي داخله طفل وتمنى لو يهدنونه
وأنا اللي كسّر شداده برجوى صيدته للنار= طفت ناره وضاع اللي رجاه وكلت متونه !
وأنا ياطير لو تسأل عن اللي صار أو ماصار=تعال وشوف بعيونك جزايه كيف يوفونه ؟!
حملت أوزارهم طيبه وعابوا حملي الأوزار= تعشوا لحمي البارح ولا زالوا يلوكونه !!
على كبر الخوي لا طاح.. تجي كلمة (أفا) منشار=وتبكي المرجله صاحب قصر ثوبه عن ردونه
واذا ياطير غنوا لك على حد السما سمار=تعوذ همك لربك .. تعوذ لايغنونه