(( زمـان المـهـزلـه ))

[متعب آل حشيان]

نشف ريق الكلام ولابقى غيــر الموادع بــوح

تعب وصل الطريق ولابقى غير البكا صاحب

****

هلابك ياقصيدي يارفيـق التايه المجروح

هلابك مابقى الا الدمعتين وشهقة الناحب


****

تلاشى الحلم ياحلمي اليتيم العاثــر المذبوح

وعزاي بدمع ترميه العيون ولوني الشاحب

****

أشيل السامريه من سبايب ضيقي المفضوح

وأغنيها على المسحوب (ل)أجتاح اللحن ساحب

****

أجغرف لوحتي في صفحة ايامي وأمنّي الروح

وأقول القلب حب ولاحيــاة لخافــق(ن) ماحب

****

أســوّف للمشاعر طيــف حلــم ولاعليــه أوضوح

وأصير الضيف والمضياف في مجلاسي الراحب

****

يافالي والاماني ياتجـي والا بعيــد اتروح

أذا ماكان ينبت في زمان المهزله صاحب


****

مع كل الحب لمن مر من هنا ..

متعب آل حشيان

[نواف التركي]

نشف ريق الكلام ولابقى غيــر الموادع بــوح

تعب وصل الطريق ولابقى غير البكا صاحب



والله يا متعب

حتى الأن


لم أستطع تجاوز هذا البيت

فـ هو مبكي

مبكي

صح قلبك

ياغالي

[وائل فهد]

متعب ال حشيان

نص رائع ومبهر
لك الاعجاب والمتابعه
كن بخير

[خالد صالح الحربي]

*
تكفيك.. يامتعب.. صحبة.. الشعر..
وهذا.. النص.. دليل.. هذا الكلام.. وإثباته..
تعجبني لغتك.. وأنسيابيّتة.. عباراتك..
وكأنّك.. تكتب على جِناح : غيمة.
لكَ الإعجاب المُمتد.. بلا حُدود.

[عبدالله الحجيلان]

متعب




جميل هذا البوح




يافالي والاماني ياتجـي والا بعيــد اتروح

أذا ماكان ينبت في زمان المهزله صاحب




صح لسانك يامتعب

[يزيد الماضي]

أتعبتنا يامتعب

نص يعانق السحاب

لك التقدير

[اورنس الهذال]

نشف ريق الكلام ولابقى غيــر الموادع بــوح

تعب وصل الطريق ولابقى غير البكا صاحب


متعب

صح لسانك مليوووون ولايكفون ... شموخ حرفك

اشتاق لما تكتب دائما

واتحرا الجديد بشوق

دمت رائعاً

[أصيله المعمري]

كل ما أشاهد قصيده يذيلها إسمك يا متعب



فقط اكون متاكدة بأني سأصل لشموخ ذائقتي




شامخ حرفك يا أخي





صح لسانك ملايين يالطيب