لذة بكاي !

[باتل عبدالعزيز]

......... ترنيمة

الأهداء لكراسي الأنتظار ذات موعد !






من تناثر صوتك العذب بحشاي
سامحك قلبي عن الهجر الطويل


المسا برد .. وتمنيتك معاي
وعن كثير الوصل محتاج لـ قليل


قلي بربك وش مسوي وراي !
وين ترمي ضحكتك في كل ليل


لو سعيت وجيت تبحث عن رضاي
قامت انفاسي من الفرحة تسيل


مايموت الحب والله في سماي
مْحرم ٍ قتله مثل دم الدخيل !



للمدى غنيت حزني صوت ناي
لـ الامل لـ الجرح لـ الحلم القتيل


كم تمنيتك تبادلني عطاي
حسبي الله تدري ونعم الوكيل


عزتي تمنعني عن [ لذّة بكاي ]
خذ جروحك ..وارحل ..وصبر ٍ جميل !

[ميــرال]

الآن ايقنت بأن للبكاء لذه ياباتل

المسا برد .. وتمنيتك معاي
وعن كثير الوصل محتاج لـ قليل

وقادر ان تحيل المساء بهجه
ودفئ
وعذب
انت

[منتهى القريش]

ترنيمة موجعة .. كصوت ناي حزين ..

مدهش أنت ..

ود وورد ..

[عبدالله العويمر]

المسا برد .. وتمنيتك معاي
وعن كثير الوصل محتاج لـ قليل

يَابَاتل
وأنْت َ مِمّن يَسْكُبُون الشّعْر فِي كَاس ٍ مِن ذَهَب
"لَذّة بكَاي"
هِي لَذّة ُ شِعْر ٍ بِرَغءم ِ الألَم

مُمْتِع
وكُل عَام ٍ وأنْت بِخَيْر

[نهار بن ممدوح]

المسا برد و تـمـنـيـتــك معاي
...........................وعن كثير الوصل محتاج ل قليل



الجميل باتل عبد العزيز

الله عليك كم انت رااائع

والمسا هذا جميل فيك ونصك رااقي
ومختلف جدا

كل عام وانت بخير

[بسام محمد]

سلطنة واظحة على الشعر .. شكراً لك ياشعر

[خالد علي اليامي]

المسا برد .. وتمنيتك معاي
وعن كثير الوصل محتاج لـ قليل

^
^
مبكي وربي

كل عام وانت بخير

سلام

[باتل عبدالعزيز]

ميرال
حضورك الأول كزخات المطر على الأرواح
انا ممتن كثيرا ً لحضورك : النور


تقديري

[باتل عبدالعزيز]

منتهى القريش
الف شكر لحضورك النور
وكل عام وانتي بخير


تقديري