نواف التركي
02-23-2007, 04:44 AM
.
.
.
بعيداً عن غن / غناء أخر .
سولفت للغيم بعض اللي تحملته= لجّت بروقه بصدره ضيق من حالي
قلت القليل وكثير أهملت ما قلته = وأشوفه أرخى جفونه يبكي قبالي
لو شيّلته السنين السود ما شلته = ما ظل بالأرض نبت ولا لها والي
هذا وأنا راحمه ومطوّف أسئلته = وشلون لو جبت قصّة (مي) بالتالي
ما ظل بالأرض شبرٍ ما بعد جلته = طرقي وأجر اللحون وكنّي الجالي
كم غصن مريت أهيجن لين ميّلته =كم درب غنّيت له حزني وغنّى لي
طفلٍ خذاني زماني غدر وأبحلته = كم مرّبي في سنين البؤس يبرالي
وكم غرّر أعز خلق الله وأهملته = ما يغري ألا عزيز وصاحب وغالي
يرمي بهم ذلٍ بوجهي و ذلّلته = صدّيت ما كن ذا عمّي ولا خالي
وخاواني لكثر ماني طيب جمّلته = يصب لي حنظله وأقول له حالي
راح أوّله مقفيٍ بالعز كلّلته = عن ما ينقّص بقدري شمت متعالي
سكين وقتي يحاول لين ملّلته = والخبل شرهان بيده يقطع حبالي
يارب عطني عدوٍ لا تمقلته = يملى عيوني وكفو يكون لأمثالي
الأثم في مثل هذا ما تحللته = لا صرت عالي فخصمك خلّه العالي
.
.
بعيداً عن غن / غناء أخر .
سولفت للغيم بعض اللي تحملته= لجّت بروقه بصدره ضيق من حالي
قلت القليل وكثير أهملت ما قلته = وأشوفه أرخى جفونه يبكي قبالي
لو شيّلته السنين السود ما شلته = ما ظل بالأرض نبت ولا لها والي
هذا وأنا راحمه ومطوّف أسئلته = وشلون لو جبت قصّة (مي) بالتالي
ما ظل بالأرض شبرٍ ما بعد جلته = طرقي وأجر اللحون وكنّي الجالي
كم غصن مريت أهيجن لين ميّلته =كم درب غنّيت له حزني وغنّى لي
طفلٍ خذاني زماني غدر وأبحلته = كم مرّبي في سنين البؤس يبرالي
وكم غرّر أعز خلق الله وأهملته = ما يغري ألا عزيز وصاحب وغالي
يرمي بهم ذلٍ بوجهي و ذلّلته = صدّيت ما كن ذا عمّي ولا خالي
وخاواني لكثر ماني طيب جمّلته = يصب لي حنظله وأقول له حالي
راح أوّله مقفيٍ بالعز كلّلته = عن ما ينقّص بقدري شمت متعالي
سكين وقتي يحاول لين ملّلته = والخبل شرهان بيده يقطع حبالي
يارب عطني عدوٍ لا تمقلته = يملى عيوني وكفو يكون لأمثالي
الأثم في مثل هذا ما تحللته = لا صرت عالي فخصمك خلّه العالي