(( وجـه الـشـوق ))

[متعب آل حشيان]

احسني من ضيقة الصدر مخنوق
ودي اسيــر اشــوي بس اتعــثـــر
**
كني صغير امه وممشاه به عـوق
لاطـــاح دمعه فـــوق خــده تنثــر
**
من سبتك يامبعثر الحب والشوق
قلبك من احــزاني ابــد مـاتــأثــر
**
كم لي اتوق مشاهدك دايم اتـوق
واتــردني نص المـدى واتبعثــر
**
هذا جسد شوقي به جروح وافتوق
والمــوقف السايــد حقـيقـه مــؤثـر
**
خليت لك ميزه عن الغير وافروق
وخليت فورة حـب متعب تــخثــر
**
سريت كني حادي الليل والنـوق
ومريـت الامس وقال لي لاتكثر
**
مافي كثير الحب في هالزمن ذوق
الا الجــروح اللــي بقلـبـك تــدثــر
**
خلك اسير البرد والورد وابروق
لاصار وجه الشوق بالصد تبثر
**
محبكم / متعب آل حشيان الروقي

[عبدالعزيز سحل]

خليت لك ميزه عن الغير وافروق
....................وخليت فورة حـب متعب تــخثــر

متعب الخشان

صح لسانك

نص عالي الجوده

مودتي

[متعب آل حشيان]

نومان سحل ..
كم اسعدتني بحضورك الجميل ..
دام تواصلك الغالي ..
مودتي ..

[جُمان]

،
شِعرُك يا متعب يَعرِفُ جيداً كيفَ يعبُر إلى أرواحِنا باقتِدار..
ويَترُك عذوبةً لا تَنتهي

شُكراً لك
.
.

[متعب آل حشيان]

الغاليه / جمان
مازال لحضورك اثر من عطر ..
دام تواصلك الورد ..
مودتي ..

[سليمان عشيان الرويلي]

سريت كني حادي الليل والنـوق
ومريـت الامس وقال لي لاتكثر
**
مافي كثير الحب في هالزمن ذوق
الا الجــروح اللــي بقلـبـك تــدثــر
**
خلك اسير البرد والورد وابروق
لاصار وجه الشوق بالصد تبثر
.
.
.
الله عليك يامتعب
قلــم يركب المتبعثر ليتلقى أعجاب الجميع
صح لسانك ألى يوم القارعه

[متعب آل حشيان]

سليمان عشيان الرويلي ..
كم اسعدتني بحضورك الراقي ..
دام تواصلك الغالي ..
مودتي ..