نصوص اعجبتني !

[باتل عبدالعزيز]

ياليل ياسقف الحكايات قلّي
.................................. ليه السهر .. يشبه خميسه .. لـ سبته

وليه الحزن لا صرت دربه يدلّي
................................. وليه الفرح ما اخطيت يوم وكسبته

للصبح .. لأحلام العصافير .. هلّي
.................................. للشيح .. لعروق الخزامى .. ونبته

ياشمسي اللي تجعل الليل ظلّي
................................ ويا دمعي اللي : .. لاكتبته .. سكبته

عصفورتي .. تعبت ارتب محلّي
................................ مرّي بصوتٍ .. من زماني .. نهبته

غني لي الما .. للظما .. واستهلّي
.............................. لا يذبل احساسي .. وانا .. ماكتبته

وان عذربوا في صوتك الناس يللي
.................................... صوتك يساوي كل لحنٍ طربته

قولي لهم من كثر ما احب خلّي
.................................. ذوّبت صوته في يديّ وشربته




لمحمد العمري

[باتل عبدالعزيز]

اذكر .. ومبتل السكوت اطفـاك واشعلـك الحـوار
ليلـة شتـا فيهـا تقاسمنـا ظنـون الأرصـفـه

قلت انـك اطـول مايسـور قامتـك ظـل الجـدار
قلـت انـك اجمـل ماتشوهـك الحيـاة المترفـه



الحميدي الثقفي

[باتل عبدالعزيز]

هذا شهر عدّى وانا ما ذقت طعمٍ للسهاد

......................................... انام نومات البليد اللي من الدنيا خلي

لنّي وعيت لخمّةٍ تحسب مدى كلمة ( ستاد )

......................................... تحمل وراها شيٍ اكبر من ( أجب عمَّ يلي ) !!

زرنيخهم ما موّهوه الا وبيّن في المداد

......................................... واحساسهم ما زخرفوه ... وكان عن عيني جلي

بس الغبي دايم يحس انه يزيد من الرشاد

.......................................... وهو يزيد من الغباء .... يعني غباءه مرحلي !!

مابين ( قوسين الغباء ) تستذكي ( قلوب الجماد )

.......................................... ياحليل ... هذاك الغبي .... ما ذاق لذة مقتلي !!

يا آخر سوادٍ مرني كنت ادري انك من سواد

......................................... بس انت والله ما دريت ان آخري مثل اولي

تعيش كنه ما خلق ( للشعر ) ( مثلك في البلاد )

...................................... واعيش عمري ما آعرف وش يطلع ( محمد علي )

احيان اجوع .. لدفتري .. وتمرني ( سبعٍ شداد )

.................................. واحيان لسنين بتجي ... اقول ..... ياسنيني كلي !!

ازرع نصوصي قمح .. لكن ... ما انتظر يوم الحصاد

................................. لو عاتبوني .. في ضياع القمح .. ناسٍ من هلي

للطير .. تاكل من سنابل قمحي .. بيوتٍ جداد

................................. تسقيه روحٍ ... نبعها ... لا زاد نزفه ... يمتلي

مدري ... نطقت الشعر ... آهة جوع .... في سن المهاد

............................. والا .. لقيته يوم .... نابت .... في حديقة منزلي !!

[باتل عبدالعزيز]

من طرت به فوق الثريّا/ وهو تحت
...... على الثرى/ قال: الثريا بلادي

ما طاح وجهي في غيابه/ ولا طحت
كنت اشتعل لين انطفي في سهادي

وأنا ادري إني لو جرحته ، تجرّحت
خطاه (عذر)/ وعذر غيره (تمادي) !!

قال: (الغياب) ومثل ما جيت روّحت
لي من مدادك نشوتي وامتدادي

قلت: (الحضور) بلهفة العاشق البحت
وملامسة سقف الجنون الحيادي

يسعد عيونه كثر ما امسيت واصبحت
على هدبها هاربٍ من رقادي

واللي على بالي لو أقوله ارتحت
لكني ألقى عزتي في عنادي !

لو الحجر له قلب .. ويحس بالنحت
ما كان وجهه لعبةٍ للأيادي !!


...

[باتل عبدالعزيز]

الشعر درب ٍ الى مني طرقته فرحت ** ماله نهايه وانا ماقد هويت الحسم

هو بيتي اللي لو انه ضاقبي مابرحت ** لو آتشكل على دروب الغنا وارتسم

علقت همي على جداره صور واسترحت ** وعلقني الوقت روح ن ضاق فيها الجسم

وانتي تقولين وشبك يا محمد سرحت ** واقول ...ما احس لي بين الخلايق اسم

جيتك عدد بنجمع في داخلك وانطرحت ** ولا عاد به رقم يقبل قسمتي وانقسم

انا سكوتي .. قصيدي.. دامني لا شرحت ** سقوني الناس من كاس الملامات سم

اذكر وانا صغير من كلمة ملام انجرحت ** والحين ياطى على وجهي العتب وابتسم

[باتل عبدالعزيز]

هات من لهفة العاشق ومن دفتره
ذكريات .. الرسايل/ والصور/ والغرام
غربة الليل: (ليل وشاعر يسهره)
وحدة الليل: (ليل وعاشق ما ينام)
يعتريني شعور لو كتبت أكثره
سال جمر العتب لرضاك برد وسلام
ما نسيتك، وربي، لكن المعذرة
..ان جبرنا الخواطر .. ما كسرنا العظام
ارتحالي لحالي ما قدرت انكره
حجتي .. حاجةٍ بين الرضا والخصام
اختصرت الطريق ، وجيت من آخره
وأنت ما كنت بعيوني على ما يرام!
وقتها، والورق في ذمة المحبرة
نزوةٍ ليتها مرت مرور الكرام!!
ضاق صدري/ وضقت/ وضاقت الحنجرة
قلت امرّر سكوتي في ضجيج الزحام!!!
صرخةٍ في الورق تغني عن الثرثرة
لا غدا حزني أكبر من حدود الكلام
شاعرٍ ما ارتهن للزيف والشوشرة
ان غدا (النور زور) اختار (صدق الظلام)!

[باتل عبدالعزيز]

اينعت والثمر في كل الاغصان ثاير

....................... طاب لي كل غصنٍ بالمودة نبض

جيتها العاشق المغرم وضليت زاير

..................... مثل كل الورود وكان من المفترض ..

اقطف من السما عشرين نجمة واساير

................... حفلة الشمع .. بس .. الشمعدان اعترض

قلت ويحق لك لو تعترض وانت صاير

.................... عقد من عمرها واصل الهدية عَرَض ..

للهوى اللي بحمى الشعر دار الدواير

..................... والتهب قاع غرفتها بها وانتفض

تشبه العشق غرفتها مثل .. عش طاير

.......................... مالها باب لنّه ماله اية غرض

وش يرد الخشب لا صار قلبك حراير

................... واصلاً البنت لا حبت عليها العوض

كيف واللي لعاشقها تزف البشاير

..................... طفلةٍ تحسب ان الموت الاحمر مرض !!

من صحى الليل بآخر ليلةٍ من يناير

.............................. كل حلمٍ من احلام الطفولة نهض

وانطفى الشمع .. والشباك .. فل الستاير

............ واصبح .. الهمس .. شوف العاشقين لبعض

[باتل عبدالعزيز]

يا ذود شوقي لقيت من الغلا حادي

................................. والجرهدية .. كساها العشب .. عانيها

مبطي وغيم الورق ما داعب الكادي

................................ حتى بغى القيظ ... يمحاها .. ويفنيها

تبسم الغيم .. ثم .. حيّا .. برعادي

.............................. واستقبلته .. اليمام ..... بحلو أغانيها

وانا اركض .. بطيش خبل .. وفجعة الهادي

................................ بين .. اول سطورها .... واول معانيها

ما اذكر تمنيت ..ليل .. اقضيه بسهادي

............................... الا بعد .... ما اتمثنى .... في مثانيها

وشلون ابهنا بنوم ... وحلم برقادي

............................. والعلم .. قدام عيني ..... مثل امانيها

للشرق ... لو قلت .. باسم الشوق .. بـ آنادي

............................ توايق الشمس ....... من قمة مبانيها !!

لي رفقةٍ ... لو رجع بي الدرب .. لبلادي

............................ ماقلت ... طال الطريق .. وصرت شانيها

ساعاتي .. اللي معاهم .... كنها زادي

.......................... ارهن حياتي .... على تكّة ...... ثوانيها

والله ياعبدالله ... اني قبلكم ... غادي

......................... ياكم ضلوعي .... تلقّت ....... في محانيها

إن قلت عدله .... يميل الوقت ... بشدادي

......................... وإن قلت موجي هدا ......... ضاعت موانيها

تخيل أنك تصادق (( موجة الرادي )) ؟؟!!

............................. تخيل بصدق ؟! .... والله جد ...... اعنيها !!

ناسٍ .. مع كل ( فرّه ) .. تصبح بوادي

............................... وتذيع الاسرار ...... لا وصلت لاذانيها !!

صداقةٍ ... كل ابوها .. حرب وجهادي

......................... والمشكلة .... من بدايتها .... ما ادانيها !!!

لين الله ارسلك ... ياللي بالوفا بادي

....................... ياللي ... لك الروح .. فاولها .... وثانيها

ماهي غريبة .... يجي منك الوفا ... عادي

....................... تطيب .... هالناس ........ لا طابت مجانيها



.
.

[باتل عبدالعزيز]

لا حرام أكرهك وانت الحلال الحرام
ليه احملك ذنب الحب وذنوبي

ليه أجي كارهٍ نصفي وصوتي هدام
احفر عيوب غيري وادفن عيوبي

[باتل عبدالعزيز]

وقظ الصوت حلم(ن) غافي(ن) في الحنين ** وثار بارود شوق(ن) في الحنايا خبي
وارجع الحلم طفل(ن) طاولته السنين ** عاد يبكي وعادوا مادروا وش يبي
ماتهيا ليوم(ن) فيه يمكن تجين ** كنت اصعب سؤال وكان طالب غبي
في هدوء انسحبتي شعرة(ن) من عجين ** تحسبينه فهمها وهو حسبها سبي
قال هاتي يدينك والشدابد تلين ** وطوح الصوت عالي بالفراق تهبي
كم ترجاك خايف قال لاتكبرين ** لاكبرنا نسينا كيف كنا نحبي
تذكرين الجدارالطين.. لا ماتذكرين ** لو ذكرتي صفالي في الهوى مشربي
لو ذكرتي سمعتي في عيوني رنين .. ** ضحكتك من هبالي يوم خط شنبي
تذكريني ولكن كيف تستوعبين ** طفل والشيب في مفرقه يدبي دبي
يفهم الحب لكن ليه ماتفهمين ** من خلقني محمد(1) مااصطفاني نبي

[باتل عبدالعزيز]

هنيّك يا السحايب وإن بكيتي ما لحقك عتاب
وأنا للدمع فيني مثل للأرض في سيلك

أحبك والسما تمطر أحبك والجروح أعشاب
أحبك يا سحابة روّحت والأرض تبكي لك

[باتل عبدالعزيز]

أزرق العود .. عودٍ لا إشتعل وإحترق
فاحت صدورنا مـن ريحـه الطيّبـة
والبحر من يعَرْفه .. ما يخاف الغـرق
والشعر موج .. والتجديف بالموهبـة
قالوا: اللي سبح والريح عكسه شَـرَق
قلت: واللي مع التيـار وش مكسبـه ؟
وش جديد الكتابة ، والشعر ما إخترق
سقف فكرٍ تليد .. يعـج بالأتربـة ؟!!
والإله الحكيم .. اللي خلقنـا .. فـرَق
في إختلاف الوجوه/ وفي وجوه الشبه
وجه عيضه: ملامح نرجسيّ الـورق
ايتشكّـل مـع أبعـاده ويستوعبـه !!
وجه عيضه: ملامح بارقٍ لـو بََََـرق
أعشبت بـه دفاتـر فكرنـا المجدبـة
وجهه .. الوجه الآخر للسهـر والأرق
شعرٍ أعذب من أصدق هالشعِر وأكذبه
إمتطى الفكر صهوة وإنفـرد وإفتـرق
عن خيول العقـول السـذّج المتعبـة
بين أصابعْه .. شيطان التمرد طَـرَق
ألف باب إبتكار .. وصك باب الشبـه
إتّفلسف يدينـه: حبـر ولا عـرق !!
فوضوية الأصابع .. كفٍ مرتّبـة !!
صوت عيضه: يدين السارق اللي سرق
إنتبـاه الجميـع ..بدهشـة التجربـة

[باتل عبدالعزيز]

ماني بمن يقرا الصور حتـى ينـام اللـون
ولامن يهدم اسوارالشمـوس ليبنـي ظلالـه
انا الليل البهيم اللي خرج من كاحل العرجـون
صباح اطراف اصابعكم تنـز بطينـة اطفالـه
جنوني حكمتي .. والحكمه اولها صلف بجنون
لذا صوتي رما دلـو الكـلام وقطّـع حبالـه
صحيح النار تاكلني .. ولكني عرفـت اشلـون
اموت .. وكيف يختال الرمـاد بعـزة اشعالـه
وداعاً يالسيوف الطاعنه في جثـة المطعـون
وداعاً يالمرايا .. وجهى اول وآخـر اشكالـه
وداعاً للمكان المستوي فينـي وفيـه الكـون
هلا بك يامكان ٍ قبلـي اسمـك ماحـد ٍ قالـه
مخاليقه تعيش بدون اساميها عشان آكـون :
انا اول من يدق طبول عرس الشمس في رماله




الحميدي الثقفي

[باتل عبدالعزيز]

ايه في منحنـى درب الحجـاز اعتـراف
أيه والسالفـه تغـري لسـان الكـذوب
حاصروني من اول سطر بعـد الغـلاف
صرت انا حرف يبحث عن مساحة هروب
أيه وتعطـروا دمـي خجـل وانكسـاف
مثلمـا البحـر يتعطـر بـدم الغـروب
قوم ترمي عبثها في المسامـع هتـاف
يذبحون القصيـده فـي سبيـل الذنـوب
بس ماخذت من وقتـي نهايـة مطـاف
دمي اخضر ورمـاي القفـا مايصـوب
ترعد قلوبهـم لكـن مطرهـا جفـاف
وش يميت القلوب الا .. جفاف القلـوب
من يصدق نهر يغتال حلم الضفـاف ..؟!
بين جزر الشمال .. وبين مـد الجنـوب
ماهقيت ان في عشق الرمـال انحـراف
لين خانتني الخطوه .. وخنـت الـدروب
بعدها صـرت للصفيـن معنـى وقـاف
وابتسامه على ثغـر المواجـع تـذوب
الامانـي سنابـل ينتظـرهـا قـطـاف
والمواسم تعاني جـوع كـل الشعـوب


الحميدي الثقفي

[باتل عبدالعزيز]

ليلة مطر شق الرعد جـو الانفـاس
وامطر جنون العاصفه من حروفـي
اعد واذكر ناس .. وانسى بعض ناس
اشباح ذكرى تسكن اطـلال شوفـي
كان الزمان لصادق الحـب نبـراس
وكان المكان اطهر مكـان لوقوفـي
طفولتي ياحلـم ياغربـة احسـاس
يابعد شـق بخنجـر البعـد جوفـي
اصرخ ولكن تحتضن صوتي اقـواس
وجمرة قلم مرتـد تشعـل كفوفـي
كل ماتكسـر للقلـم بيـدر المـاس
حدر السنابل تورق اغصان خوفـي
وكل ماخرج من معطف الليل نسناس
احاول اخـرج مـن ثنايـا ظروفـي
واكتب شعر تنزيل من وحي الانفاس
لعلها تقلـب حروفـي .. حروفـي


الحميدي الثقفي

[باتل عبدالعزيز]

يارب هذا الطريق افعى تفـح وعتمـة اعشـاب
ظلمه وطين وبلل وعظـام نـاس امـوات حيـه
الليل غابة ونبض انفاس صـدري فـاس حطّـاب
تستنبت النـار فاكهـة الشتـا شمـس ابجديّـه
من سلّة الريح من غيـم الصـدف لابلـل ثيـاب
من رجفة اللـون مـن تفّاحـة البـرد الشهيـه
والشارع الصمت نهر اسود من المطـاط جلبـاب
يقرا صـدى خطـوة العابـر ملامـح سرمديـه
ياموت وبيوت حارتنـا علـب سرديـن وتـراب
تـرى التعـدّي لغيـر اوّل قرابيـنـك زريــه
الريح تصفر وينعـق طيـر بـوم وتنبـح كـلاب
ويضـج صمـت المدينـة كلنـا نـذر المنـيـه
قلت المدينه تثاوب في وهـن ونعـاس الابـواب
والناس من غيـر تلقـي بـال تلقـي بالتحيّـه
ابسألـك صاحبـي خايـف ومتـردد ومـرتـاب
كم من سؤال يمـوت وينولـد ويمـوت فيـه ؟
هذا الحذر والتوجّس في الملامح مالـه اسبـاب
هذا الترقـب وهـذا الريـب والخـوف المعيّـه
الصبر طبع الجمل طيّب عرفنـا سـر الاعجـاب
هذا الوفا في الكـلاب الوافيـة طبـع وسجيّـه!!
ابسألك صاحبي واقسى كمـا يقسـون الاحبـاب
وجهك هو القاتل المقتول مـن فيـك الضحيّـه ؟
عمرك مجرّد زمن تافه غبي جـوف الزمـن ذاب
من منبع الليل الـى صبـح المصبّـات القصيـه
للجوع مخلاب من قال ان ماللجـوع مخـلاب ؟
لا في الثـرى ضاجعتـك ولاارضعتـك الرازقيـه
ياحكمة الطيش ليش نخلـد الاسمـا والالقـاب ؟
مايمكن اسم الورود اشواك واسم الشمـس فيـه
لو للغموض المبيـن وللبيـان الغامـض كتـاب
محـدٍ بقـى لـي عليـه ولابقـى لاحـدٍ عليّـه
عرفتني كنت انا صاحبك واصحابك لـي اصحـاب
امـد لمصافحـك يـدّي تصافحـنـي يـديـه ؟
ابسألك عن ملامح وجه طفلٍ في القـرى غـاب
غيّبت .. والا القرى ياطفـل غابـت فيـك هيـه
قلت القرى واجهشت لك في البلاد رعوش الاعناب
والمشمش المسقوي واغصـان لـوزه عثريّـه
والما تقول بـكظايمها زبرجد فـي المـدى راب
والعشـب مجـدول بخيـوط الصباحـات النديـه
ابسألك صاحبي غمّـض عليهـا جفـن واهـداب
ياما لصبح القرى مـن وشوشـات المـا هنيـه
الحميدي الثقفي

[باتل عبدالعزيز]

لا حرام أكرهك وانت الحـلال الحـرام
ليـه احملـك ذنـب الحـب وذنوبـي
ليه أجي كارهٍ نصفي وصوتـي هـدام
احفر عيوب غيـري وادفـن عيوبـي
ليه أناديك حلم العمـر تحـت الظـلام
وانت وجـهٍ تلاشـى فيـه عذروبـي
عيبك إنك تشب النـار بـرد وسـلام
ما تقول احرقـي يـا نـار محبوبـي
ما حيا الصدق فيك إلا بمـوت الكـلام
ولا رضيت الشروق إلا على غروبـي
قبل اعرف السهر من قبل اعرف المنام
كنت أحبـك وأحـب الليـل ودروبـي
جيت أبكرهك طاح القلب عشب وحمام
والتوى طفل يبكي فـي طـرف ثوبـي



الحريص سعد

[باتل عبدالعزيز]

بعد عامين جيت وصوتـك حطـام
كنـك اللـي يذكرنـي بـروحـي
شدّ عنك البحر يـا شـط الأوهـام
وألف ساحل يرحب فـي نزوحـي
إنكسر حلم!! لكـن تجبـر أحـلام
لا أنت موتي ولا أنت أقصى طموحي
كنت للقلب.. صرت لحبـر الأقـلام
صرت للناس, وأوراقي , وبوحـي
سكر الليـل كنـت وملـح الأيـام
صرت حزني, وتنهيـدي, ونوحـي
سافر الورد.. من صيف أول العـام
مثل ما سافـرت منـك جروحـي
مـال صوتـي إذا راودنـي لجـام
مـال هـذا الفضـا.. إلا جموحـي
يا النوارس وصوتـك ملـح وألام
البحر راح عـن شاطيـه روحـي




الحريص سعد

[باتل عبدالعزيز]

وينك نحل صوتي من الحزن والصم
يا ضحكة الدنيا وضحـك الليالـي
باسمك بكى صوتي وباسمك تبسّمت
للي بقى للحب منـك وبقـى لـي
شفني على كثر الجفا مـا تعلّمـت
لو ما ورا فرقـاك هـذا وصالـي
شفني ذكرتك همت بك كثر ما همت
ما ضاق بك قلبي ولا ضاق بالـي
عن كل عين ما لها دمعتك صمـت
يا عيد قلبي حاجبـك هـو هلالـي
انا حرمني منـك وقتـي وحرّمـت
عقبك اعشق عيونهن يـا حلالـي





الحريص سعد

[باتل عبدالعزيز]

جيت هارب تطاردني الهجوس
وكـل شـيٍّ جميـل ٍ كبّنـي
يا حبيبي وانا خوفي ضروس
أطو رمشـك علـي وخبّنـي
ريح عينك ملت عيني طعوس
والبكا في حشـاك يصبّنـي
كم تعذبت في فهـم النفـوس
من كرهنـي يقـول يحبّنـي
وكم حلمٍ تغربلـه الهجـوس
وانت حلمٍ طفى ثـم شبّنـي

الحريص سعد

[باتل عبدالعزيز]

ومرت سنه .. على فراقك
على صوتك .. واشواقك
غريب كيف االزمن يرحل
واحلام العمر .. تذبل ..
سنه مرت .. وانا أول ..
حبيبٍ يوقد الشمعه
لجرحه في يوم ميلاده
هلا .. بالحب .. واعياده
وكل عامٍ .. وجرحي بخير

مشيت دروبنا .. خطاوي قلوبنا
ومريت الوعد .. وعدنا العام
ماكان الوعد .. ولا الأيام .. هي الايام
وما ادري ليه هالشارع .. نسوه الناس
ومتى هالمقعد الخالي .. يجوه الناس
حبيبي .. ليه فـ غيابك .. يغيبوا الناس
حبيبي .. ايه والله حبيبي .. ايه والله
نساني العمر.. لو انساه
نساني الفرح .. لو انساه
احبه .. ما ظهر نجم .. ونبت عشب .. وسرى براق
أحبه .. لا زمن يشقي جروحي .. لا جفا .. وفراق
أنا هذا الهوى كله .. وقلبي آخر العشاق ..


البدر

[باتل عبدالعزيز]

ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..



البدر

[باتل عبدالعزيز]

استبد..استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك..
وابتعد..ابتعد

واحيان ما املك العواصف .. ولا الزلزال
ولا حتى .. فـ الهجير .. ظلال
لكن استبد..استبد باللي عندي
اضرب بيدي فـ الهوى..بجبيني فـ الصخر
لين اتعب ..اتعب..وانهمد
مثل طفل اضناه البكا.. والسهر
وانتي آخر ماأعد في عمري
واجمل ما أعد

اعشقي ظلم الغصون الخضر للحطاب
والجلد للأنياب..والجفن للسكين
اعشقي هـالظالم المسكين...
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك
وابتعد .. ابتعد








البدر