بوح....ي ؟!

[عبدالله صلال العساف]

للتنويه... هو بوح...اقرب للاستدراج
متمنيا ان تقعوا في مداراته

غربتي طالت وتعّبْك الرحيل !!
وين يامركب رحيلي وجهتك ؟؟
شاطئك منفاك لاي مرسى تميل
والمراسي كـل ابـوها عـافـتـك

[عبدالله صلال العساف]

اشوف بك مأساة عمري وألاقيك...؟
مثلي يتيم ابلاوطن في زمانك !
مثلي اتعاني من مجافاة اهاليك
ومن صاحبٍ لمّا تنخيت خانك
مثلي ابعينك شفت موتت امانيك
مثلي تلقّا طعنتك من بنانك
مثلي تجامل درب يكره خطاويك
مثلي تحن إلخاينين ابحنانك
مثلي لـقيـتـك هايـمٍ فـي ليالـيـك
تبحث عن اعيونن تود احتضانك
تشري اقلوبٍ مابها قلب شاريك
تـعـطي ولافـكّرت تاخـذ مـكانـك

[عبدالله صلال العساف]

البارحه بعيوني نمت
غطيتك ابرمشي ...!!
ياللي على اهدابي رقدت
مابيك ابد تمشي

[عبدالله صلال العساف]

وينك ياقاسي ؟؟ شوفني عند بابك
أدق باب الجرح وايردني الصمت
انا حبـيـبـك صـفـحـة فـي اكـتابـك
سهّرْتلك عيني ونوّمْتك وقمت !!
داعبت خصلات الشعر في غيابك
بالطيف والاّ ابواقعي جيت مارحت

[عبدالله صلال العساف]

جيت اسولف لك
ورديت ابسكوتي...؟؟
كل هذا الصمت
صوتي...!

[عبدالله صلال العساف]

انا عبدالله العساف .....ماغيره..؟
هذاك الطيّب المتغرّب...الواهم.....!
جوازي مابقابه ختم تأشيره..!
على كل حرْف ختم إمغادر وقادم..؟

[عبدالله صلال العساف]

ضحكت وضحكة الولهان ..تكشيره؟
وتوارى ابهالشفايف داخلي ابنادم ..!
وبكيت ومابدى للدمع اي...سيره..
وسيل إوجوه احبّه ابخدّي اتزاحم..؟

[عبدالله صلال العساف]

احبك بس ما اقدر اعبرلك عن اشعوري ؟؟
قـبل لا قول يـخذلـني كلامٍ فـيك جمّـعــتـه !!
ياليتك مثل ما هالطيف زار إلواقعي اتزوري
وتشوفي ابعينك اشعورٍ انا ما اتقنت ترجمته
تعبت من التردد وارتبكت وضجّة اسطوري
وطـارت كـل عـصافـيـر الـكـلام الـمابـعـد قلته

[عبدالله صلال العساف]

امانتك؟؟..قلبٍ بخلّيه ويّاك
لانّه.. حتى لوْ معكْ...توحشينه؟؟
قي شنطتك..في دفترك..وسط يمناك
دامه حلالك ..وين ما تاضعينه !!

[عبدالله صلال العساف]

اغيب لكن ماتغيبين عني؟؟
واردلك اكثر من الشوق مشتاق

[عبدالله صلال العساف]

ارتشفْتك
من اطراف الخيال
وعل بعْض الشوق فيني
والمخده من وهم طيفك روت
بعْض القليل
لاتميل ...ياشعاع الشمس
خلْني ابغفوتي..اروى
واسييييل....!!

[عبدالله صلال العساف]

ليت الجروح اللي تجيبك اتوديك
وليت السهر لامر جفني يمرّك
تعال شوف اشلون حالة اراضيك
لاجيت كل شي بضلوعي يتحرّك
عدّيت غيرك بس مقدر اعدّيك
ياقمة الذوق الرفيع استسرّك
عن كل عيون الناس هذي وهاااذيك
ماودي اشفاه العواذل تضرّك
سد التردد ردني عن شواطيك
ناطرك تبدى لجل اسولف واسرّك

[عبدالله صلال العساف]

تعاليلي ...؟
معك تحلا تعاليلي..!!

[عبدالله صلال العساف]

على اطرافي ...؟
وقفت انطر هطولك..!!

[عبدالله صلال العساف]

بيني وبينك غصن..؟
ماظمّني فرعه
من علّمه عالضن..!
وهذا الفضا شوسعه ؟

[عبدالله صلال العساف]

مادرابي
نامت اعيون السهر
بأطراف بابي
وهوّه نام
لملم اطراف المسا
وارخى اللثام
ومادرابي

[عبدالله صلال العساف]

بالذمّه محّد قاللك
منك...بكت فرقاك

[عبدالله صلال العساف]

مابين ايه ويمكن ولكن وليه وانما
تاه الحكي والشعر آسف قالي مامن جديد

[عبدالله صلال العساف]

مال رمش وعانقت...خدّي سحابه
وابتدى ظلّك على خدي....يتيه؟
بالسما انجومٍ كثيراتن تـشابـه
والقمر مثلك حبيبي ابلا شبيه ..؟

[عبدالله صلال العساف]

تسولفني على اطراف الحكي تلويحة الماشين ؟
واتمتم للـمناديل وتتمتملي
خـذيـنا مـن الـمنافي بس قولة ويـن...؟
وخذت مني ثراي وحلمي وظلّي

[عبدالله صلال العساف]

لاتصدّق
كلهم متشابهين
سافروبك
وابعدوبك
وارجعوْا من دونك البارح
وخلّوك ابهبوبك؟
للحنين
العذر واجد على شماعة اليمكن
ابناسٍ ماتلين
كم سهر مثلي على هالطاوله
فنجال قهوه...وشمعتين

[عبدالله صلال العساف]

اغيب لكن ماتغيبين عني...؟
وأردلك اكثر من الشوق مشتاق
وان كان نامن هالعيون ونسني
انا هدب عيني إبطلّتْك ماضاق

[عبدالله صلال العساف]

البارحه صوتك على مسمعي نام..؟
وصحّيتله كل الحلوم الغضيضه ..!
وسدّته اسماع الترف كل ماهام
وحاولت قدر امكاني انّي استريضه
صوتٍ مثل همس المطر عذب الانغام
اشربْه ود ويستشفّن جضيضه
حاولت ادورلك شبه بين الاقلام
اطلالتك عأوصافها مستفيضه

[عبدالله صلال العساف]

في عيد ميلادك غدى شهْر مايو..؟
اشهورنا كله ابعيدك اتهنّيه..؟
تسابقوا كل الحروف وتعايو..!
كل يبيك ابهالشفايف تقوليه ..!
الشمع لوّح من بعيدٍ ي يا يو
يبيك في عطر الشفايف تأفّيه؟؟
شوفي غصون الورد دونك ترايو
منهو يدق الباب حتى تشمّيه

[عبدالله صلال العساف]

رديت لك والعذر يسبق خطاياي ..؟
وأدريبك العذر ان لفا تقبلينه..؟
الشوق منفى والوطن صار نسّاي!!
والليل ماهو مثْل ما تخْبرينه ..؟
أمدلك قلبي على كف يمناي
وانتي ابكيفك وين؟...ماتاضعينه
وآخذ بعض بعضي واعوّد على اقصاي
وآشوفها جردى غدت هالمدينه
تنام عين اللي سكن في حناياي
وآقول ياعيون السهر تقبرينه
الصيف ليه يضحك على لسعة اشتاي؟؟
يعني غبا هالسالفه من يدينه
على مشارف دمعتي يضحك الناي
الناي من خلّك خذا دمعتينه..!!!

[عبدالله صلال العساف]

لاشفت احلامك بدين المستحيل
لعبه ..وتلاعبه هبوب اللا قرار
تتداخل الاشياء فيك وتستميل
للوحده ..وتبعد بعيد اعن المدار
وتشوف هالعالم سوالفها تعيل
ع احساسك ..اتحاول تجنّب هالغمار
تخلّي الضبابيّه المربع مستطيل
واحيان تنسجله على افكارك.. خمار
ربحان من ياخذ من الطاعه دليل
وصلى توالي الليل لله واستخار

[عبدالله صلال العساف]

كثييير لكن ويش اسوي ابظروفي
تعزف خطاويي على ادروب فرقاي
كم لوّحت لاحباب قبلك اكفوفي
وكم باي جاوبته ابدمعه وبيْباي
اغيب والقالك شذى في حروفي
وآرد شايلّك دفاتر هداياي
ماقولّك يابنت الالماس شوفي
خلّك خياليه مثل واقع الماي
مرات يجنحبي الخيال الوقوفي
معاك في شاطي البحر ..واتعب الناي
تعالي لعيون الحسا ياهفوفي
اهنيه حتى الصيف مغتاض بشتاي

[عبدالله صلال العساف]

تعاليلي....؟
معك تحلا ...تعاليلي..!
ويذوب الصمت
بإكليل الكلام الابيض النيلي..!!
انا وانتي على هالغصن
منفيّين
من..فيّيين..!
نسكن في سوالفنا
على اطرف عاصمه من هالكلام
الفيه....تدويلي

[عبدالله صلال العساف]

طاوله وشال وانفاس وهبايب عطر
وكاستينن من الشاي المصفّا اهناك
ايتنفس مسانا من هوانا شعر
واكتبك وانكتبّك واقرءك وانقراك
يرقص الشاي بين الملعقه والحبر
وكل كلمه تسابقني عليك..إل رباك

[عبدالله صلال العساف]

رديت طرفي صوب ماضي مضالي
وتعلقت باطراف هالجفن غيمات
راحت تراود واحة في ضلالي
كنيتها بين الجفون الغضيضات
عالم صراعات الحضارات بالي
وانا ابالي عايشٍ ماضيٍ فات
رسمتله هودج وبدو وحلالي
واهو تركني بين شلّة فراغات

[عبدالله صلال العساف]

ناي..بلا راعي..

للطاوله وجه..للكرسي هنا وجهه
للبعثره لون..صار إلميّّ..نا ريحه؟
للضوء دهشه..هنا بارجاء مترفهه
كل ساع يجذب مآقينا ابتلويحه
والورد مانام والاغصان مـنتبهه
هالمزهريه زهت..في حلم تسريحه
كـوبٍ ابكفّين والانظـار متّجـهـه
عليه..وبالضبط في مغبضه تشبيحه
انغام واجد تمر وماعرف كنهه
السمع يمك ولك هزهز مراجيحه
قمتي ابواجب اعيونن فيك متشرهه
وغضتي اعيونن حضورك زاد تجريحه

[عبدالله صلال العساف]

للزفرات احياننا لغه ..تعبيرها ابلغ من الكلمات

تنهيده....!

خفوقٍ ماقدر يجرح نبا سمْعك ابتنهيده
كتم مابه من اشواقس تلضّا الخاطر اعيونك
وعينن غصت ابدمع الوله واعياه تقييده
على حد الهدب ذابت مشاريه العتب دونك
حنيني في كنيني لجل ماغثّك ابترديده
مابي ينكسر خاطر هناك وتكثر اشجونك
انا آدوّر فرحْك وصاحبك في بسمتك عيده
لجل هذا تحمّل مايكن وذاااب من دونك...!
انا آعاني انا اتعب انا اللي عاشقٍ غيده
عسى تدري ابحقيقة مايدور ابروح مضنونك..؟
افكر فيك آهمْ بك ادور ارضاك آآريده
واكـابـدلك وأتعنّا واعاند ...باليضدّونك ...؟
اشوفك منشغل بالك واشوف اشياء ما ريده ...؟
واضل احمل تناقضْك الغريب وثورة..اظنونك
مدامك شجْرة احلامي وانت اجمل عناقيده
ابي منك جواب ايريّح اعيونن يظمّونك...!
انا مقدّر اظروفك قبْل تشرحلي ولا اتعيده
انا مليت من هالعذر بردوني وردونك..!
تعال انفض اغبار العمر عن حلمي ومواعيده
عشان ارجع مثل ماكنت انام ابداخل اجفونك..!
عساك اتقدّر احساسي وتذكرني ابتغريده
على الهاتف تذكرني ابهلوه وقولّي اشلونك ..؟

[عبدالله صلال العساف]

اشتقت لك حيل..يصرخ عداد الرزنامه
في تكسي الروح...ويرن جرس الشوق..
فاطوف الاشاره الحمرا...واقول
تبعد خاطي ..وتنتميلك ضلوعي
ويمل مني الملل ..واتعيّد الغربه
وأزيد شوق الياقرنّك ادموعي
وتذوب مابين الشفايف...تحبّه؟؟
واقول احبه ليت هالبنت توعي.؟.؟
ولاتقولي حب اشعرا ..؟ اليوم كذبه.!!

[عبدالله صلال العساف]

تي سي يا إليوت في ادلجتنا
نكتب ولانقرا ونحكي بلا صمت
كثر السؤال اللي ابصداه انسكبنا
تأرجحت مابين قمنا ولاقمت
تأكد ان التمتمه تمتمتنا
والصوت بانت نبرته من ترنّمت
البارحه مر الفرات وسكبنا
وصدق على كثر الوله بي تلعثمت
مي كثير وزاد فينا عطشنا
ماكل مي ..مي في ضفّته همت
دجله تغار وحقها من ولعنا
شوف البلابل هاجرت من تقسّمت
جبت الورود ومعْ حمامه سجعنا
مع انتظاري في غيابج تأقلمت

[عبدالله صلال العساف]

جيتك ابي عينك وطن وارض وعناوين ومكان
تصبح هوية شاعرن ماله هويه ابعالمه..!
ترضين اصير امواطنن ببلاد عينيك الفتان
ترضين اشيّد منزلي بجفون عينن حالمه
ردّي تراني منتظر جوابك بلهفه وحنان
ردي ترى قلْب اليتيم عنّته نارٍ كاتمه

[عبدالله صلال العساف]

ياحاضري وش قيمتك دون ماضيك؟؟
وش قيمة البحر الحمر دون جده..؟

[عبدالله صلال العساف]

وانتم بعيد ..
الشوق يذكرني
وينساني القصيد؟

[عبدالله صلال العساف]

( أخو إفلانه؟؟)
خلّك مثل ناي الحزن
في لجّة الأفراح
يهنّي الناس بأحزانه
خلّك وطن
لاجاع الفقير وصاح
يلقاك أهْله وأخوانه
خلّك بيت
يِحظن أهْله والاغراب
واذا للضيف طيفٍ لاح
في وجهه
تضاحك كل بيبانه
خلّك اذا مال الرّفيج
في وجه الزمان وطاح
كفوفٍ تحمل أحزانه
خلّك جبل
الكل في ذراه يرتاح
وّوفي مايعرف إخيانه
خلّك سر
ماله بالبشر مفتاح
ويهاب الكل بركانه
خلّك يم
لو كل البشر ملاّح
ماتعرف إشبحضانه
خلّك لوْ تروح أزمان
لو يتْبدّل الانسان
لو تذبل وجوه
وتنكشف ألوان
خلّك دوم أخو إفلانه
خلّك دوم أخو إفلانه
خلّك دوم أخو إفلانه

[عبدالله صلال العساف]

يافايز الليل تتعبني مجاراته
وعجزت لا اقرى ملامح طلّته فيني؟
منفي خويّك غدى حتى من ابياته
اذرّي الغير فيها وماتذرّيني..؟؟

[عبدالله صلال العساف]

افتكرتك نعم والسخريه مانسيت
الوله عود والنسيان طفل ايحبي
كل ما اشتاق هالدمعه تجي اترانزيت
لهفتي امدلّله والرمش خبلٍ ..غبي
من يشرب الفودكا لازم يعرْف السوفيت
لا تغابا مدامك تلعب ابملعبي

[عبدالله صلال العساف]

ذات مساء غنيت لك
طفلٍ خذا من رمش عينك عيادي؟؟
ماشاف له وصف ابجميع الهدايا

[عبدالله صلال العساف]

خلخالها رن والانظار مشدوده
انسحبن اللي معاه وضلت الحاله
فنانتن تقل هالخطوات معدوده
عجزت تساير من الكورال واظلاله
تهز خصر تثاقل فيه عنقوده
كن النواظر اكفوف ابتجني اقلاله
الثوب لو ماتشاكا بان مجهوده
سولف لنا عن عناه ..وشي ماقاله

[عبدالله صلال العساف]

ادعوكم الى متابعة هذا اللقاء
الذي عملته...مع نفسي
(..لقاء معْ شاعر..)
لقاء معْ شاعر
لكن مُهو مشهور!!
الاسم لوْ تِسْمح ؟
مقهور بن مقهور !!
وظيفتك؟؟؟
عاااااطل !!
العمْر ؟؟
ستْ إشهور!!
من أي برج ؟؟
بُرج الاسد!!
وشْ حكمتك ...قلْ يا ولدْ؟؟
أصدق دموع إبهالزّمن
هِي دمعة المقهور !!
لون العيون ؟؟
اسود !!
ولون الشعر ؟؟
وردي!!
والحظ؟؟
متردّي
حبيبتك ؟؟
نجمه ...وبيني وبينه إبحور!!
والأمنيه؟؟
ماتت ...إبتابوتها المغرور
مصايفك؟؟
فوووق الرّصيف!!
نجلس نواعد صيفنا إبجوٍ لطيف
صيفٍ يذكّرنا إبفرااااغ إجيوبنا !!
صيفٍ يذكّرنا بقسوة ظرْفنا
وبعْض الأمور
شهادتك؟؟
شعْر .... لكن مُهُو منشور
وموْهبتي خيّاط الحروف
أنظم من إحروف اللغه أجمل ثياب !!
لا صارت إسطوري رفوف
ودّك تشوف!!
تعال شوف
دوّر على قدّك حروف
عندي إلكل حجمٍ مقاس
للغربه
للدّيوان
لعيون الهنوف
شعري وأعرفه زين حارتبه الوصوف
لكن مُهُو منشور
النشر يبغيله لقب قبل الاسم
النشر يبغيله لقب بعد الاسم
وانا ياحضرة قارئي أنا بس اسم
انا بس اسم
وهذي التّشوفه مي حروف
احلام منثوره على اخدود الورق
آمال وأشواق وأرق
وغربه وفرقا وشيْ قليل إمن الغرور!!
سد المسجّل وإمتعض
لمْلمْ أوراقه وإنتهض
وتمتم إبهرجٍ ماسمعته وقال يُحفظ
لقاء لكن ماأكْتمل
معْ شاعرٍ مغمور

[عبدالله صلال العساف]

http://zoom.maktoob.com/showImage.php?setID=&groupID=&showPrivate=&ImageID=1000479053&size=500
جبْها شماليّه..اذا طاعك القوس؟؟
الليل هوّد والمفارق شمالي
خل عنْك لحن الجاز ورتابة الروس
وعوّدبنا على هذيج الليالي

[عبدالله صلال العساف]

فيني شيٍ كل ماتطري ايتحرّك
ما اعرفه.؟ جابني يمّك ..وجاك..!

[عبدالله صلال العساف]

الى متى ؟ والحلم خبز الفقارى..!!
والمشكله كلما تزايد ...يجوعون..؟

[عبدالله صلال العساف]

تمتم وفنجاله المغلوب
لا سب حظّه تقهواني
يسهب مدى نظرته وايلوب
ويلقى حظوره بنسياني
يقولي وش تبي بالكوب
واقول خلن على ماني
الشاي والغوري المحبوب
لامرني الشعر يقراني

[عبدالله صلال العساف]

على رغم الضجيج اللي ملا الشارع خطى..واطلالة الانوار
تغط هذي المدينه بالسبات..الماذكر..عيني..
تكسي حلم شاعركم لا رنجٍ ولا فكسار
أأشّرله واقول ابكم للجهرا اتودّيني..؟
انا حلمي اوفّر نص واهو متمني الدينار..!
خدعه البوك شافه ممتلي ابعنوان ناسيني
فتخت الباب صافحة المسافه وابتدى المشوار
وترنّم هالمسجّل في نشازٍ ما يغنّيني...!

[عبدالله صلال العساف]

لليل لاهداب العيون الحزينه..؟
خذني كحل ..خذني لأفراحك إكليل
او شمعةٍ بأنفاس ثغرك رهينه
او لوحةٍ بين التّحف والتماثيل
او وردةٍ والاّ للافراح زينه..؟؟
خذني ترنّم طار خذني هلاهيل

[عبدالله صلال العساف]

ياصاحبي لي رغبةٍ بين ...لائين.!!
يوم استحمّت..بالمحال اظفرت به
للحينها متأرجحه بين ..غصنين
استشمل اظروفي اذا غّررت..به
اوطان حلمي رازحتبه احتلايين
وكف الفشل يوم الحصاد اكتتبّبه

[عبدالله صلال العساف]

البارحه مرّت اطيوفك على سكّته
وانسكبتي خيالٍ عذب واصبح غمام
يلفت الناي سمعي لاكسر ونّته
في لحن ذكّر المنفي ابهم الحمام
وشوف سيل المدامع كل ما سلّته؟
طاحت اوجوه خلاّني وصارت زحام

[عبدالله صلال العساف]

يوم خنتي...؟
ماجرحتيني وبس..!
انتي خليتي ابعيوني
كل شي قابل يخون
صرت اشك ياخاينه ابهمس الحروف
صرت اشك باي كلمه حلوه
وخفت من كل الكفوف
وصرت اشك حتى بكلمات السلام
من سبّتك...من سبّتك
اجتاحني نهر الظنون
واصبحت حكمة حياتي
لو بقيت الراحه خون

[عبدالله صلال العساف]

بعد التعديل والنسيان
( يوم خنتي...)
يوم خنتي
ماجرحتيني وبس!!!
انتي خليتي ابعيوني
كل شي قابل يخون
صرْت اشك ياخاينه
ابهمس القلم!!
صرت اشك بأي كلمه حلوه
صرت اشك في كل فم؟
صرت اشك
في كل شي حولي يدور
في كلامي بالحروف
في عيون النااااس
في كل الكفوف
صرت اشك حتى ابكلمات السلام

من سبتك .............من سبتك
اجتاحني نهر الظنون
واصبحت حكمة حياتي
لو بغيت الراحه
خوووووووووووووووون
لو بغيت الراحه

خوووووووون
لو بغيت الراحه
خون

[عبدالله صلال العساف]

تعبت ارتّب دمعتي بين الاوراق
وانطر مناديل الرضا من كفوفك
جفني يغص ابصورتك كل مافاق
ماودي افتح رمشي وما اشوفك

[عبدالله صلال العساف]

باكر يجونك من وراي..؟
يروولك اشعاري
باكر يبوقون اسمي من تحت الحروف
ومأيجيبوا لك طاري
باكر يخونوني ويخونون الكلام

[عبدالله صلال العساف]

هناك اناس يغترفون لؤم الاسئله ...لانهم يسألونك وهم يعرفون اجابتهم سؤالهم ولكنه اللؤم والمطعم بشيء من الخبث
المعتق ...هذه الاسئله واهلها لا اطيقهم
( لؤم الاسئله )
إشلون ترضا غيرك إيْذكّرن فيك؟
يقولّي ماعايدك من تودّه!
إشلون ترضا؟ يجي غيرك إبطاريك!!
يجيبلي أخبارك خفوقن نضدّه
يسألني عنّك شاامتن في تجافيك!!
يسأل سؤالن عنْده إمن أمْس ردّه
يقولّي وشهي آآآآخر أخبار مغليك؟
مامرّك اليومين؟؟؟ مارحت عنده؟؟؟
حبيبك اللي ساكنن في مآآآآقيك
خلٍّ رسمت إبليل الأشعار خدّه؟؟
خلٍّ غفت كفّه على جال أياديك؟
البارحه مامرّتك ريح ودّه!!!!
والشارع اللّي غرّدتبه خطاويك؟؟
عن كسْرة إظلاله لك اليوم مدّه!!!
ياصاحبي ماظن هالحال ترضيك ؟؟
هرج العواذل ما قوينا نردّه!!
تعد للفرقا؟؟ ويعد إلتلاقيك؟؟
قلبن غدت كل المساااافات ضدّه؟
لا اتشمت العذال بعيون غاليك
الطير مهما طار للعش مردّه
وياحاظري وش قيمتك دون ماضيك؟؟
وش قيمة البحر الحمر دون جدّه!!!
عبدالله صلال العساف

[عبدالله صلال العساف]

ايا صاحب
ذبل بجفاه واهداني
قساوة وجهه الشاحب
امر الشارع الخلفي
وارسم عالجدار ..احروفك ابكفي
واكتب تحتها...محبوبك الكاتب
ولاتفتحلي الشرفه ..ولا الشباك
ولاتقراني...ياجادب

[عبدالله صلال العساف]

ابيات كتبتهم مجاراه للعذب فالح الدهمان
جيت اعشّي الحنايا من قليل القليل؟
يوم ليل المفارق عوّد ابمنهلي!
ايه يافالح الذكري تهيل وتهيل؟
داخلي من حصاد اللي اتركوني ملي!!
شوفني كلمة حره ابشفّة بخيل؟؟
شح حتى ابهلا واشلون يذبح طلي!!
عبدالله صلال العساف

[عبدالله صلال العساف]

لا ..المطر يستاذن اوجوه الاكواخ؟؟
عشان تقراه العيون بجداره!!
كم حرف لامنه وقع قالك آآخ؟؟
وحاول يجمّعله وطن من سماره!!
ايه يالسمي والليل عاعيوننا شاخ؟؟
وعيا يقاسمني القلم والزقاره!!

[عبدالله صلال العساف]

روحي تهيم ابحب ناسٍ مقفين
غريبةٍ تولذعت في غريبه
احيان من ثغر العطش يورق التين؟
واحيان ماعشّا المضرّس قنيبه!!
هنيّكم ياأهل الفلل والملايين
العود شاريكم ومقنع قريبه..؟
استنتجي من وضعنا ماتودين
ابوك مايرضابي اصبح نسيبه

[عبدالله صلال العساف]

كسيتني طيب وحنان وحبه
ورويتني من شفّتك ما تمنّيت
وسكّنتني في موطنن حيل احبّه
عينك غدتلي ارض قلبك غدى بيت
وخذيت فكري إلعالمٍ ماسمعبه
ورّيتني دنيا جديده ورديت
وظيتني في راحة اكفوف رحبه
مليون مره ذبت فيها وجفّيت
حدب الضلوع اللي هدبكم غنصبه
ليتك دريت ابحالها ويش سويت
كسيتني طيب وحنان ومحبه
وسقيتني من شفّتك ماتمنّيت
اضحك على اعيون الوهم بألف كذبه
وآقول مر البارحه وانت ماجيت

[عبدالله صلال العساف]

ماهو ابعادي تغيب وتشرق الفرقا
تعال واترك عصافيرك على اغصاني
مادام خد الورق به دمعة زرقا
شف حطوة الرجْل...دمعه ابوجنة اوطاني

[عبدالله صلال العساف]

سود العيون اليا جفانا وطنّا...!!
نسكن بهن لاضاقت اعيون الاوطان..؟

[عبدالله صلال العساف]

http://t3.gstatic.com/images?q=tbn:QaMT3rsbgsxqqM:http://www.parisnajd.com/backgd/data/media/15/PARISNAJD_romance_3306.jpg (http://www.google.com.kw/imgres?imgurl=http://www.parisnajd.com/backgd/data/media/15/PARISNAJD_romance_3306.jpg&imgrefurl=http://www.parisnajd.com/backgd/img1538.htm&usg=__qlMlvVYQkeZPAVkHgQYx5s6gCug=&h=768&w=1024&sz=50&hl=ar&start=34&um=1&itbs=1&tbnid=QaMT3rsbgsxqqM:&tbnh=113&tbnw=150&prev=/images%3Fq%3D%25D8%25B5%25D9%2588%25D8%25B1%2B%25D 8%25B1%25D9%2588%25D9%2585%25D8%25A7%25D9%2586%25D 8%25B3%25D9%258A%25D9%2587%26start%3D18%26um%3D1%2 6hl%3Dar%26sa%3DN%26ndsp%3D18%26tbs%3Disch:1)
نامي على حد الهدب لاتبوحين
في سر كنيته على اطراف عيني
وافي ولكن بعضنا مو وفيين
ويتعبني النكران من عاشقيني
اللي على شانه جمعت النقيضين
امدح بنكرانه واشوفه ايهجيني
يشد بالقسوه واجازيه باللين
احتر ت به من كل صوبٍ يجيني

[عبدالله صلال العساف]

http://t0.gstatic.com/images?q=tbn:GZUkBIjq-_tPgM:http://up.arabseyes.com/upfiles/mBd97208.jpg (http://www.google.com.kw/imgres?imgurl=http://up.arabseyes.com/upfiles/mBd97208.jpg&imgrefurl=http://vb.arabseyes.com/t52374.html&usg=__ZRKLlhAoCG66FpkUMZ6JKCZWqqE=&h=768&w=1024&sz=256&hl=ar&start=20&itbs=1&tbnid=GZUkBIjq-_tPgM:&tbnh=113&tbnw=150&prev=/images%3Fq%3D%25D8%25B1%25D9%2588%25D9%2585%25D8%2 5A7%25D9%2586%25D8%25B3%25D9%258A%25D9%2587%26star t%3D18%26hl%3Dar%26sa%3DN%26gbv%3D2%26ndsp%3D18%26 tbs%3Disch:1)
محتاجلك ارض وعناوين وابيوت
عساني القابك وطن مانساني
فيضي الحنان ولا تشحين بالصوت
ودي اشوف ابوسط قلبك مكاني

[عبدالله صلال العساف]

ياليل قربلي بفضفضلك اشوي
سولف واسولفك وقرّب واحاجيك
احس بي للبوح ياصاحبي شي
وعجزت اترجم مايجول ابمحانيك
الشمع ذاب وما روى هالعطش مي
عطشا المواصل مايفيده امانيك
نسيتني البارح وسهّرت هالحي
في سامريّة منفي مر ساريك
وسدتني بعده ووسدتك ايدي
واتقولي لجل السهر خوط شاهيك

[عبدالله صلال العساف]

ماعادت اعيونك وطن يحتويني؟
تزاحمت فيها المشاهد والازوال
اشوف به غيري هنا من تجيني
واظنون واحداسٍ على احداس تختال
مو بس حرْف الواو بينك وبيني
بعيـدةٍ مهما تقرّبْـك الامـيال
ياجارة الجرح القديم اتركيني
ماعادلك في واحة الروح مدهال
خلاص هالوادي معاد ايعنيني
ياجارته شوفيلك اليوم منزال

[عبدالله صلال العساف]

تغيّر الطعم والاذواق والامزجه
في سرعة البرق اصبح حاضرك ماضي
ياسيدة هالمسا سوالفك مزعجه
لا تتعبين الفراغ ابكوبك الفاضي
بعض السوالف مع الكورال مو منتجه
ليه مطرب الحي مايطرب ومتغاضي
لك من خيوط الحروف ولمة الانسجه
نسجتلك ثوب حرف امتونه اعراضي

[عبدالله صلال العساف]

ضباب هذا التغلي حيل ما اثقله
اتعبت عينن ابكل لدّاتها تحتريك
احس بك شوق..بانت ميلة السنبله؟
افصح عن اللي تكنه لي وريّح يديك!!
تعال رش الحنان بروحي الممحله
عشان تزهر زواياها بأحبّك وأبيك

[عبدالله صلال العساف]

رديتلك والعذر يسبق خطاياي
وادريبك العذر ان لفا تقبلينه
الشوق منفا والوطن صار نساي
والليل ماهو مثل ماتخبرينه
بامدلك قلبي على كف يمناي
وانتي ابكيفك وين ماتاضعينه
حبيبتي دارك ترى في حناياي
صارتلك اضلوع اليحبك مدينه

[عبدالله صلال العساف]

آآآسف اذا تعّبتك ابقسوة ال ليه
لولا غلاتك..صدّقي ما ابوحه
مايشره الانسان الاّ ع غاليه
آعاتبك واطلب خطاك السموحه
ودامك زرعتي وردتك في محانيه
تحملي به فوضويّة جنوحه
ليل الوله ينشر علينا مباديه
وعلاّ بنفس اللي يودّك اصروحه
يقيضني الفنجال لامن شربتيه!!
كل ماجمع هالشفّتين ابسفوحه

[عبدالله صلال العساف]

ادبنا ظل حبيس ادراجنا في زحمة الاصفار ..؟؟
وللتنويه كم واحد اصفاره اليوم كبّرْته..!!

[عبدالله صلال العساف]

(تؤم الفتنه؟؟؟؟)
شسولف والسوالف من يمر طاريك بهْ تكثرْ
شوصّف والوله والشوق فيني حارت إبحوره
هلا ياتؤم الفتنه هلابك ياشذى العنبر؟؟
هلا ياحلمي اللّى فارضٍ في واقعي إحظورهْ
بدى الحلم البعيد اللي على هالبال يتْأطّرْ
وبدى قلبٍ يراااااهن عالّلقا يتحقّق إشْعورهْ
غديتي واقعٍ قدّام عيني والوجود إخْضَرْ
غدى كل جوْ ربيع وغرّد إبكل عش عصفوره
ياعمري والسّوالف معْج مهما طوّلت تقْصرْ
إيْحلا فيك القصيد ويكثر إلهالهمس جمهوره
عليْ كنتي أمْس ممنوعه وشذى طاريك ماينْمر
وأثارى لوْ يطول الوقت مرد الغصن لجذوره
تهنّيني البلابل وإحتفلْ في خدّك المرمر
وتسامر بالشفايف معْ لهيب الجمْر بلّوره
تعطّر من شذاااك العطر وإتطيّبك العنبر
وتباها فيك ثوبٍ تلْبسيه وزدتي إغروره!!!
هلابك ياحلا هذي السطور ومتعة الدّفتر ؟؟
مدامك فكرة أبيات القصيد وفتنة إبحوره ؟؟
رجع للغصن ورده عوّد الرمان للسكّر ؟؟
وتلاقا من بعد غيبه فراش الرّوض وزهوره
تلاقابك نهار وليل تلاقا فيك بحْر وبرْ
جُمعْ فيك التّناقض والحلا أصبحتي ماموره
إشرحتلي إعيونك المنطق وودّعنا حروف الجر
وتعلّمت التّفلسف من هدبْك وفزت بالدّوره ؟؟؟
رقيقه ناعمه ترفه جميله حلْوه وأكثر؟؟؟؟
وفيّه طيّبه بالحيل جذّااااابه وأمّوره
تغاااار الشمس من لمعة جبينك يبهره المنظر
إذا من مفرق اللّيلين!! بدا نورٍ كسر نوره؟؟؟

عبدالله صلال العساف

[عبدالله صلال العساف]

العالم المخملي سوداوي النيّه؟؟
عنده المشاعر بليا عمق انساني!!
اتقيّم الناس بالحسبه التجاريّه
وحده ابوحده ولافي شي مجاني
ابرود المشاعر باهلها صار ماريّه
ياحيف يومنّها مالت لك اغصاني
روحي إل لندن وخوذي جولةٍ حيّه
وانا ابمنفاك خل اتصيّف اجفاني

[عبدالله صلال العساف]

ودّيلي طيفك
مع هبوب الريح
لاهب الشمال
من الحين انا مشتاقلك
وشلون من يرمي الوله باحظاني اهناك السؤال

[عبدالله صلال العساف]

البارحه وريح الشمال امعسوفه...؟
بجْفاك ياللي ما تساءلت عني
رميتلك رمشٍ تمايل اكفوفه ...؟
بصْورّك اللي شلتهن وانثرنّي
هالحلم عيّت لاتشيلن اكتوفه...؟
ياما كتبت اعيونك الماقرنّي..؟

[عبدالله صلال العساف]

كان بس الشمال بريح عطرك يسيل؟؟
لكن اليوم كل ريح بشذاك اتقنّد..!!

[عبدالله صلال العساف]

غيض الدلال وقرّب الحرف للنار
غيّر ابهالاشعار بعْض المفاهيم
بعض الصور ماهي للاهداب تذكار
لكن وطن تقيم به وين ما اتقيم؟
شلته ابالبومك وتسقيه الاخبار
من غيمةٍ عسا مطـر شوقها ديـم
ابقيثارة افكارك تلاعب بالاوتار
واعزف لحن خل النوارس به اتهيم
كل النوارس تشتكي قسوة الدار
وياليتها تدري ابهم المظاليم

[عبدالله صلال العساف]

اسافر ابّعدي وتبعدْك الاميال
وارتّب اطيوف السهر لا لفنّي
اوله ولكن لاتحيّلت مااحتال
كل الدروب اللي تجي رجّعني.؟
واشوفك ابكل الخلايق والازوال
لك صورةٍٍفي كل وجْه ايعرفني !!

[عبدالله صلال العساف]

فاجأتني بالسواد اللي تكلّلت فيه
الناس تصعد وش الطيّحْك من عيني
يااسود القلب ماشرّهك في قول ليه
يفضح فراغك ..فراغك ..مايعنّيني

[عبدالله صلال العساف]

فاجأتني بالسواد اللي تكلّلت فيه
الناس تصعد وش الطيّحْك من عيني
يااسود القلب ماشرّهك في قول ليه
يفضح فراغك ..فراغك ..مايعنّيني

[عبدالله صلال العساف]

هل السحاب وماطرك ما وحيته
وراك غيّبتي الملامح ابهالليل
السر صدقيني كماني وكميته
حتى ولو ضجت عليك الهلاهيل
احيان اهذري ابشي لوماعنيته
اهوى المزاح وبعض ناسك مغاليل
وايؤلون الهرج عكس اللنويته
وايصير شعري لعبة القال والقيل

[عبدالله صلال العساف]

يا....غضي سمْعك اشوي وأوحي
نايٍ لك اضلوع الغريب اعزفتْبه
على السجيّه ما ارتّب وضوحي
ابوح باللي اهواه وال ما احبّه
تميل لأسماعك عناقيد بوحي
وتعجبني احروفك كثير واحبّه
ماني مراهق لاتخافي جموحي
وصداقة المثلك كثير افتخربه
قامت تهادلّك عصافير دوحي
وكل رمش عينن طيّر اليوم سربه

[عبدالله صلال العساف]

جفنٍ خذا ليل الخلايق سماره
صار ال شعاع الشمس غيم وستاير ؟
الجفن ليل ودمع عينك نهاره
في طلّته عكّر مزاج الظفاير

[عبدالله صلال العساف]

فكرت شرسلّك مسج للتهاني
وقررت ادزلك صورتك لاجل اهنّيك..!!
ياجمل من احروف الشعر والاغاني
اهلال عيدي طلّته من حجاجيك...؟
تشوف نفسك بالهلال وتراني
في كوكب الارض اتحرّى لياليك
شاور شبيهك قول ذاااك الشراني
من شان لاوشوشتله شفت اشافيك

[عبدالله صلال العساف]

انا قلت اباركلك قبل ليلة العيد...!
وآآقولّك كل عام وانتي اهلاله..؟

[عبدالله صلال العساف]

سولفي صدر هالليله فسيح...!
اوّل ايار والمطرب شجي..؟.

[عبدالله صلال العساف]

آسف اذا تعّبتك ابقسوة ال ليه
لولا غلاتك صدّقي ما ابوحه..؟
مايشره الانسان الاّ ع غاليه..!
آعاتْبك واطلب خطاك السموحه ؟
يغيضني الفنجال لامن شربتيه..!!
كل ماجمع هالشّفّتين ابسفوحه ؟
ياما خذا من شفّتك ما يكفّيه ..!
بشويش عاللي زف يمّك اشبوحه ؟
ويغريني السلسال لاداعب التّيه
كن الذهب عالجيد ياكل ابروحه

[عبدالله صلال العساف]

ياطفلة الما يذوب الصمت بالفضفضه؟؟
وانتي شفايفك قيثاره ...وبوحك ذهب..!
سكة شفايفك سمعي كل مايركضه
يرد عطشان من هالبوح..كل ماشرب
جيتي خيال وتلعثم هالمسا ببعضه
وشلون لاصرتي واقع في دجاه انسكب؟؟

[عبدالله صلال العساف]

البارحه روح اسهرت تنتظر روح
واتعلّق احلامه ع شمّاعة ال ..لو
البارحه ناي القلق تعّب الدوح
ومن مرّت الساعه12 فيك لجّو

[عبدالله صلال العساف]

مانبت غير الوله بأغصان روح
كل ماهبت نسايم لهفتك
له حفيفٍ كل ماتسجع يروح
يطوي ادروب العيون إل سكّتك
داخلي ياداخلي عشٍ ودوح
لاترنّم في هديله اتهجّتك

[عبدالله صلال العساف]

ياطير ماحاشك من الوكر تقدير
انته اتلاقي حشمتك في مطيرك
انته على اطيور السما صاير الزير؟؟
واهنيه صار الكل ياطير زيرك!!
شمّل وشرّع للرياح الازارير
وان طالت ادروب الجفا لايضيرك؟
خل الجناح يصبّح الريح بالخير
واندب على درب المجافاة عيرك
احلامنا احيان تصبح مزاغير
لكن وهم!! مابل شفّة بعيرك

[عبدالله صلال العساف]

تعال مل السهر من هين مضنونك
متى تمل العناد وتروي اضلاعي
آحب ايّارك الرايق وكانونك
وآذوب في كل جهاتك وألوي اشراعي

[عبدالله صلال العساف]

اجمّع لك سوالف من تجين ويستفيق البال
وألاقيني على اطرافك سؤالٍ هايم ابنصّه!!
اظمك في عيوني من بعيد وانتشي واختال
وغدالي ابكل كتر منّك على كثر الغلا حصّه!
هلابك الف مره قلتها من قبل كيف الحال
وتلعثمت ابسؤالٍ ماقدرت ابوحك ابنصّه
عبدالله صلال العساف

[عبدالله صلال العساف]

تقول فيروز جوك اولاد؟؟
واقول جاها ولد مثله!
تمرجح ابغصنها الميّاد
ويطلع لها يوم تنزلّه
في صغرها تشبه إل ميعاد
والحين كل زين يشبهْله!!
كل مالمحته بلاميعاد
بيبان روحي تفتّحْله
لدت عليْ والعيون ابلاد
ياما توطّنت في كحله
واقول ياطفلة التوباد
ليه الجبل ماحظن ظلّه
وسهرت في قهوة الروّاد
ع اطلال ذاك المضا كلّه

[عبدالله صلال العساف]

هذي السوالف هوّدت والحكي ذاب
والشمع من قبل انتهامس خذلنا!!
البارحه كان السهر كله احباب
ناي وموسيقى ومطرب ما عجبنا

[عبدالله صلال العساف]

اذا رحلتي رافقتك السلامه؟
واذا رجعتي رافقتك السلامات؟؟
الصمت للمنديل يعطي كلامه ؟
صارت حقايب عيننا للفلذّات؟

[عبدالله صلال العساف]

ذائقتي الرياضيه قوسيها مانشستر يونايتد وريال مدريد
....................
غلطة الشاطر كبيره يالريال
لو خسرْت ابخمس بالخمسه تفوز
فوزهم غلطه ولمْعتهم خيال
لكن التاريخ يبقى للرّموز

[عبدالله صلال العساف]

تروم عيني مبعدات المخايل
له فترةٍواهي عليهم تنوّا
معذور لاحن الشمالي إل حايل
ماعنها ياطفلة المي سلوا
في دلة الذكرى تفوح الرسايل
وهزّيت فنجالي قبل لاتقهوا !!

[عبدالله صلال العساف]

حتى ولد جيرانهم بالي
لا شافني يركض عليه ويسده !!
ناس على الفرقا يديرون الاسباب
وتضيق عين اصدورها من الموده

[عبدالله صلال العساف]

حتى ولد جيرانهم بالي
لا شافني يركض عليه ويسده !!
ناس على الفرقا يديرون الاسباب
وتضيق عين اصدورها من الموده
حتى ولد جيرانهم بالي الباب
لاشافني يركض عليه ويسده

[عبدالله صلال العساف]

بيت دااائما اتذكره في عيد زفاف ؟
كل الاغاني في زفافك حزينه؟
حتى التهاني في عيوني مواويل

[عبدالله صلال العساف]

مشْره على وجهٍ كذوبٍ حكابي
اشره عليك اشلون صدّقة كذْبه
يكْره واهو من قبْل هذا مرابي
دايم ايسوّي من حبابيه قبّه
في سكة الغيبه إلسانه مشابي
وراك خاويته ابدربٍ حدرْبه!!
قلبي اكتفا في قلبك المااكتفابي
شوف التناقض بين حبك وحبه

[عبدالله صلال العساف]

اذا خويّك بالزّعل صار فايز؟
شرّع مساحات الرضا للمشاريه
قنّد فناجيل العتب بألف جايز
ولا تمدّه لين الاعذار تمليه
ثوب الصداقه مالبسناه عايز
لخويّنا فينا نصيبٍ ايكفّيه
انا معاهم ضد نفسي امتحايز
والحوض واحد وين ماصب جاريه!!
خل حاصد الحنطه يعد الرّوايز
اطيور السما مي سائله عن مخابيه!!

[عبدالله صلال العساف]

البارحه كنت انا وانتي ونكراني؟
قلة في لقاءات في زحمة منافذ!!
جمّعْت وجه المسا بعْيون خلاّني
لين اثمرت فيه شرهاتي مآخذ

[عبدالله صلال العساف]

حار القلم مابين ذولا وذولا
وتوزّع المشهد على مسرح البوح
ماهي ابلحية سفن آبٍ وكولا
السالفه كثر الغلا حيّر البوح!!
يقولني حرفي قبْل لا اقولا
وتكتبني اعيون الوله قبْل لافوح

[عبدالله صلال العساف]

غريب والروح ومعاليقها اغراب
ايعاندني ..والعناد اتقننّه
لاجيت ادوّرلي محبين واصحاب
ماكل زولٍ مر يستلطفنّه
وزهابهن نظره من اعيون غيّاب
تذوب شمعة صبْرهن لأذكرنّه

[عبدالله صلال العساف]

هاتلي كلمه وانا بعطيك بوح
ينجذبله كل سمع ويسلكه
شوف كم روحٍ تعيش ابوسط روح
لين ماصار الحشا بك مملكه
كل ماتطري علي بالي افوح
كني مصباح ابيدينك تفركه

[عبدالله صلال العساف]

مدام حفلة مجاديفك بلا قارب
دوّر بحر للشواطي خل تكحّل...به
البارحه والجحود ابمنهلك شارب
اعطا وعدنا بعض مما تكرّم..به

[عبدالله صلال العساف]

تغيّر الطعم والاذواق والامزجه
في سرعة البرق اصبح حاضرك ماضي
ياسيدة هالمسا سوالفك مزعجه
لا تتعبين الفراغ ابكوبك الفاضي
بعض السوالف مع الكورال مو منتجه
ليه مطرب الحي مايطرب ومتغاضي
لك من خيوط الحروف ولمة الانسجه
نسجتلك ثوب حرف امتونه اعراضي

[عبدالله صلال العساف]

(عــمــره.....)
إترك بتايا وخـل لنـدن وبرليـن؟
وخذلك قبل لايمضي العمْـر عمْـرهْ
وبين المدينه والحرم خـوذ يوميـن
بأرضٍ إتْشرّف كل شخـصٍ يمـرّه
تمسح بها ذنبٍ وتوفـي بهـا ديـن
قبل الحساب وقبـل خيـره وشـرّه
وترتاح به نفسٍ وتهجع بها عيـن
ويركد ضميرٍ بـارق الذنـب غـرّه
ريّح ضميرٍ مثـل طيـر البساتيـن
بإغصون نفـسٍ ماهـي إبمستقـرّه
يلعبّـه النسنـاس لامرّبـه حـيـن
ويميل معْ أيّـة هبـوبٍ يمـرّه....؟
وعليك بالتقوى ترى وجههـا زيـن
ساهم بها وإحرص على خير تجْـرهْ
وخل التسامح عادتك بيـن الأدنيـن
وإشقه إليا شفت الجبل خان وكره!!!
وخوذ الكرم صاحب ولاترهَبْ الدين
والـرزق بيديـن الولـي مستَقـرَّه
وبين الشمال وهالجنوب إتجاهين !!
والارض بيت وكل شعبٍ ومصْـره!!
ومافيه سؤال إجابته بيـن قوسيـن
خوذ الصراحه طبْع لـو قيـل مـرّه
نفسي إتوصّينـي وأوصّيبهـا ليـن
جاد الهدب في دمعـةٍ حـار بأمـره
نخطي ونصيب وجِعْلنا مِسْتَغفْريـن
والله يهدينـا إبرحْمـتْـه وأمْــره
عبدالله صلال العساف

[عبدالله صلال العساف]

احبك بس ما اقدر اعبّرلك عن اشعوري؟
قبل لاقول يخذلني كلامٍ فيك جمّعته..!
تعبت امن التردد وارتبكت وضجّة اسطوري
وطارت كل عصافير الكلام المابعد قلْته
ياعمري لمّحيلي عن غلاي وروعة احضوري
عشان اقدر اوضّحلك شعورٍ مل من صمته

[عبدالله صلال العساف]

هالملامح تحداها الشحوب
والوله بالحنايا ..مرتجي
ينتظر من هوى الغربي هبوب
وايتساءل تجي..او..ماتجي

[عبدالله صلال العساف]

غنيت ياليلى على طير ياللي
من خاطرٍ طاريّكم يستفزّه
وانطر متى مدري علي ابتطلّي
واشوفلك في كل الاوقات حزّه

[عبدالله صلال العساف]

لللسؤال ابجديه وللاجابه مسار
وبينهن يلعب الايجاز اما وأو
لا تقول استشف الحرف بين المدار
كم طيور تنوو عالسما وإلتوو

[عبدالله صلال العساف]

تغيّر الطعم والاذواق والامزجه
في سرعة البرق اصبح حاضرك ماضي
ياسيدة هالمسا سوالفك مزعجه
لا تتعبين الفراغ ابكوبك الفاضي
بعض السوالف مع الكورال مو منتجه
ليه مطرب الحي مايطرب ومتغاضي
لك من خيوط الحروف ولمة الانسجه
نسجتلك ثوب حرف امتونه اعراضي

[عبدالله صلال العساف]

في يدينك يغيض المشْط ليلٍ بهيم\\
ماتعوّد على التأطير والادلجه؟؟
خلّي الحر حر ابفوضويّة فهيم
لظْفرتْه الانامل حسّها مزعجه؟
اتركيه ايتطاير في هبوب النسيم
له مزاجيّةٍ ماتشبه الامزجه

[عبدالله صلال العساف]

أجمل أحلام قلبي ماتت إمن القهر
يوم شفْتك إبثوب العرْس تمشي معاه؟
جيت وإعيونهم صوبي تطيل النّظر!
وإسمى قام إيتردّد بين كل الشّفاه
يوم أطالع ألاقى للشّماته أثر
في سنا كل شمعه أنورت في ضياه
في مكان التّلاقي في حفيف الشّجر
في هلاهيل صوتن هز قلبي صداه
في نجوم السّما في أرضنا بالقمر
في خيام الظّلام اللّي إحتوانا دجاه
إبفرحة إمّك وأبوك وبإبتسامة سحر
وإبهنا كل كفٍ قاللك بالرّفاه؟
في عيون المدينه ودربنا والممر
في مكانن حظنّا وإحتظنّا رباه
حاصرتني عيون النّاس وين المفر
عن لظا الغيره اللّى بي وصلْ منتهاه
وعيني لاجيت أطالعْ تعْجزْ إعن النّظر
وصوتي لا جيت أردبه ينتحر في خفاه
لا تعجّب!! حبيبك يوم خنت إنكسر
والظروف اللعينه حطّمت كبرياه

[عبدالله صلال العساف]

رابع سنه والحبل لازال جرّار...؟
اشوفك ابعطري وشالك وبيتك..!
وقفازك الوردي على مر الامرار.؟
كل ما اشمّه في غيابك لقيتك..!

[عبدالله صلال العساف]

الصــمــت نــوعيـة كــلامٍ بليغــه
نجودبه لعيون من يقرؤونـا
اطْيب ادب شعر يجي عالسليغـه
يترك اثر ابلغ بمن يفهمــونــا
شفلك على كسر الرتابات صيغـه
بها ترتّب دلعنة من جفــونا

[عبدالله صلال العساف]

كسيــتني طيب وحنــان ومحبّـــــــــه
ورويتني من شفّتك ماتمنّـــــيت
أضحك على إعيون الوهم بألف كذبه
وأقول مر البارحه وإنت ماجيت

[عبدالله صلال العساف]

البارحه في زحمة اللي جفوني
هلت ادموع الشوق بخدود ذكراك

[عبدالله صلال العساف]

نساني النسيان من يوم رحتي ...؟
وليتك شرحتي غيبتك طوّلت ليه..!!
كانك على اكفوف التجاقي رغدتي
انا السهر صارت عيوني شواطيه..!!
في صحّتك كاس الفراق الشربتي
وانا الوحيد اللي احتفا ابطيف ناسيه
ولا تظنين ابجفاك انمسحتي
البارحه انتي وانا والمشاريه
لا لاتصدي اهناك!!انتي يانتي
عليك اوجه كلمتي دون تنويه

[عبدالله صلال العساف]

الحب ماهو كلمةٍ تنكتبك
والاّ رساله في بريد المشاريه؟؟
الحب جرحٍ في معاليق قلبك
بس تنطق اسمي بالخفا صاح..بك...اييييه

[عبدالله صلال العساف]

البارحه بيني وبيني وبيني؟
ولّعتلك شمعه ...وذوّبتلك روح
بروح بس ارجوك لاتتركيني
خلك معي لو صوت الاشواق مبحوح

[عبدالله صلال العساف]

يستميحك عذر بعْض الشتات
لا استساق التقاءه ابشفّتك...؟
لأرجفة شفّه ويبست لهات
والخجل بيّن حماره ابوجنتك..؟
وانت تعطيني قبل لاقول هات
والتقا نهر الفرات ابدجلتك..؟
وامتزج ظل الملامح بالسمات
وراحت اكفوفي تذاعب قذلتك؟
تسمعيني قصايد واغنيات
واسمعك همس يشبه طلّتك
وانتجادل على كل الجهات
وليه هالنقد ضيّع فكرتك
ليه ياوردتي بعض الروات
لا حكينا ...تأوّل بحّتك.......!

[عبدالله صلال العساف]

نامت اعيون احبابنا يابوجسّوم
والشوق بيّح بالمحبين سدّه
قل للجروح النايمه صحّي النوم
مادام راح اللي نبيه ونودّه
اللي ايريد المشترا يفرق السوم
مايترك احلامه لوجه المخده
وآقول ياظالم ترى اهناك مظلوم
ارفق عليه ان كان حبيت بعده؟؟
لامر طاريّك على باله ايقوم
وايصافح الدمعات لكن ابخده

[عبدالله صلال العساف]

الشعر ياكومار من عصر طاغور
غيمه جميله ماتعرف المواني
ماله وطن يسكن خيالات وابحور
واضفافها روس ونفوس اتعاني
ايلوّن الونّه والاضلاع جمهور
يبوحها في امسيات المحاني
وان كانها ابعينك عبث مالها دور
ياما كتبت إلواحدٍ ماقراني

[عبدالله صلال العساف]

عادت مشاعرنا على البحر الاول
للشاطي اللي ملتحف خطوتينا
اثارنا تثبت ترى ماتحوّل
ومسكين قلب مالقا اي مينا
اعطيتها البيبسي على ماتنوّل
وهي جابت من السندويش وكلينا
نضحك ونترك كل شخصٍ تقوّل
عن كل همسات النواظر سلينا
قالتلي انت اوّل وقلتي انتي اوّل
وتخربط الترتيب لمّ...ن بدينا

[عبدالله صلال العساف]

هات الجواب وخل عنْك التباريح
للحينها اخيول المفارق تهمْهم
ماجيت ادور في عيونك مراجيح
حاولت اجمّع حسبةٍ ماتليّم
خل النوارس واترك الرمث للشيح
وسولف عن اوضاع الغلا لو تكرّم
لا اتقولي مشغول هالبال والريح
تجتاح فيضة حبنا ولا تجهّم
البارحه مرو ابروحي السواريح
وكلّن ندب ذوده وقامت تليّم
لكن بعيرك ظل ياهبّة الريح
يدير اعينه ابكرةٍ ماتوسّم
دوّر عليك وتعبوه المشافيح
اللي اسئلتهم كلبوها غثا هم

[عبدالله صلال العساف]

خطا نلوم الناس ليه ماتثقّف...؟
وامثقفينا ماتعرف الثقافه..!!
في بعْض سواس الثقافه تأرشف
امحنّط وركب الثقافات طافه
يرطن عليك من الكلام المنتّف
ويشهد على اصحابه الجهل واللقافه

[عبدالله صلال العساف]

نامي على صدر الفرح سدي الباب
مادام صارتلك اجروحي مخده
تمتعي بالنوم ياعيون الاحباب
وخلي حبيبك يسهر الليل وحده
البارحه في شفتي اوغل الناب
وكل ما افتح الشباك ارجع واسدّه
فيني الوله صارتله ابيوت واطناب
وضيف الدموع اليالفا مايرده

[عبدالله صلال العساف]

هلّيت بك وان هل دمعي وزارك
مدي الكفوف الحانيات الرقيقه
تعالي بجرح المحبه انتشارك
البعد لوهو لحظةٍ ما اطيقه
هذي ترى بين المعاليق دراك
فرّح مدارات العسل في رحيقه
لا شافتك عيني تذوب ابوقارك
والشوق من طاريك يبتل ريقه
كل المرايا غايره من شقارك
وجهك كسر كل الوصوف ابّريقه

[عبدالله صلال العساف]

على كرسي انتظاري وموقدي الولهان
جلست انطر شروقك ...واغزل ابحلمي
حياتي هالغلا لا شرّع ...البيبان
يدق باب الضلوع ...ويغترف اسمي
اعلّق صورتك واتورّد...الجدران
وتهل قمرى الوله..من كل جهه ابجسمي!!
ربا شوقي طفل والحين صار انسان؟
يادولة غرامي...إلهالطفل ظمي
أشم الشال عقبك ...وأَزْعِل الريحان
ومن شمّك عذرني...وقالّي إشْعِلمي؟
وراح ايوشوش إلغيره من الاغصان
تعالي ياورودي اهنيه واشتمّي

[عبدالله صلال العساف]

صبّيتلك من صافي الود فنجال ؟
اشرب حبيبي ...ودير بالك تهزّه
مادام لك في داخل الروح منزال
تعال شوف ابلادك ابكل حزّه
لك شعب متكوّن من احلام وآمال
ليتك مثل ماهو يعزّك ..تعزّه
الشوق فصّلته على طولك وطال
وفصّلْتلك منّه ملافع وبزّه

[عبدالله صلال العساف]

باكر على درب فرقانا تذكّرني؟
برافق الريح ...دام الريح شفقانه!!
والدمعه اللي بقت في جفني اتغني
خايف تثيرك حبيبي ..بحّت ألحانه
خل عنّك الوين؟؟ فيها لا اتغلّبني
تدري حبيبك هبوب الريح عنوانه

[عبدالله صلال العساف]

باكر على درب فرقانا تذكّرني؟
برافق الريح ...دام الريح شفقانه!!
والدمعه اللي بقت في جفني اتغني
خايف تثيرك حبيبي ..بحّت ألحانه
خل عنّك الوين؟؟ فيها لا اتغلّبني
تدري حبيبك هبوب الريح عنوانه
لا تمتمت وشوشات النيا فوق اذني

جرّيت موال شوق ابروح ولهانه

انثر اطيوف المسا في فلسفة جفني

وألقا اصورّك تلحّف فوق جدرانه

[عبدالله صلال العساف]

ردّيت والدمعه على اطرف الليل
كل ما تحرّا هالهدب مايطيعه
منفيّة مثلي على اطراف منديل
وتخاف من وجناة خدّك تذيعه.!!
ياطفلة الرمان والمسك والهيل
لمّي شتاتي بالعيون الوسيعه
اشرب فناجيل السهر كل ماميل
على وهم طيفٍ ملكني لميعه

[عبدالله صلال العساف]

لبحتك مشتاقه اطيور السما
غرّدي خلي صباحاتي تفوق
كل ماتطرين اغزل عندما
تشرق اعيونك مزاجاتي تروق

[عبدالله صلال العساف]

هذا الشهر افضل اشهورك يالايام
هني من رافق خشوعه اركوعه
الليل لانامـــوبـه الناس مانـام
رافق سجوده واختلا في دموعه

[عبدالله صلال العساف]

كل ما السؤال أغوى وجوه الإجابه
تقنّعت في آخر الشوط واقفت


لمّحت عالمنفى وهم اغترابه
تلّت جناحين التدلّع وهفّت


قولوا لها تعزف لحون الكآبه
ان كانها عنّي ابغيري تكفّت


البارحه بين الشجن والربابه
مكينة الأحلام عيّت تجفّت !

[عبدالله صلال العساف]

اللوحه اللي رسمها واحدٍ للحصان
لاهو ابفارس ولا سيفه ابسيفٍ شطير
في دبلجة صوت ضوضاها ملى هالمكان
صدّق عما قلب فيها واستساقه غرير
جلد الشعر واغتياله واضحٍ للعيان
في مشهدٍ صفّقوله عاشقين الشعير؟؟
واحد يظن المعرّي مطعمٍ او مكان
وآخر ايدوّر ابقاموس اللغه عن جرير!!
اماسي الشعر غادرها الشعر من زمان
ابجمهور يستوعب المعنى ابكثر الصفير!
فيض المشاعر تضحّا من طويل اللسان
في مسرحٍ صغّر اكباره وكبّر صغير
مداركٍ ضيقها واضح وجاله بيان
ابناس ظنّت سنام الامر ظهْر البعير!!

[عبدالله صلال العساف]

( الفقر عيب ؟؟؟)
الفقر عيب ؟؟
ويكسر إعيون البشر!!
هالحقيقه إنشوفها كل يوم
في عدّة صور!!
إنشوفها إبطفلٍ على
جال الحزن
مكسوووور خاطر ؟؟
يشتكي والجوووووع كافر !!
وإنشوفها إبيمنى كريمٍ
قصّرت سود الليالي إبمدّته
ولا نوى ماهو إبقادر؟؟؟
وإنشوفها إبدمعة أبو
يوم جتّه بالمطالب
ليلة العيد
وتعذّر......طفلته؟؟؟
يايبه جارتنا ساره
جابت إمن السوق كل شي جديد
ثوب وألعاب وستاره
وظل ابوها إبسكْتته؟؟؟
حايره إوسط المحاجر دمعته!!!
تشتعل في داخل الاضلاع ناره
قالها إبنفسه إبمراره
لوْ تأخر عيدنا
لو تعذّر عيدنا
وظل بعيونه يشاهد إنكسااااره!!
شوف جار ومادرى عن حااال جاره؟؟
من يرجّعله إعتباره ؟؟؟
الأجار إيريد
واللّقمه إتريد
وظل بين الأوْ
واللّوّات حاير ؟؟
الفقر عيب
ويكسر إعيون البشر ؟؟
هالحقيقه إنشوفها كل يوم
في عدّة صور
انشوفها إبقلبٍ جريح
قصّرت دون الحبايب خطوته؟؟
يوم تم عرض الهدايا !!
مالقوْ إلاّ بقايا دمعته !!
وقااال للحفله إمغاااااادر
وقال للحفله إمغااااادر

[عبدالله صلال العساف]

حبيبتي لاضيّع الشوق بابه؟
والدمع صارتله ارموشك مراجيح
الدمع جا عالعين يكتب إكتابه؟
والخد مسرح لإحتفال المجاريح
من يستبيح السمع لحن الكآبه؟
يفرض حظوره في وجيه المشافيح

[عبدالله صلال العساف]

نامو وحنا للسهر همّلونا
ناسٍ هواهم داخل القلب مانام

[عبدالله صلال العساف]

قال...\ماكنتوش (يابابا ) وتاكلّه ابماكنتوش؟
قلت\\ وانا لولا وجدوك كان شاركته مكنتوشه!
ياخالد لاتحرّك هالبحر خل الحكي مخشوش
ترى آذان البعض قامت تحرّا الهرْج بإرموشه
هنا في داخلي مو بس حمامه..للغرام اعشوش
تناساه الحمام وصبّحتبي خاويه ..اعشوشه

[عبدالله صلال العساف]

كل ماتاثق ابواحد جرحْك
كنّهم عالردى متواصيين
حلم غزه تحطم في رفحْك
فيك فاشل نظام الدولتين
حاز قاعك ولكن مافلحْك
حطّك ابرف مثل الباقيين
في عيون الشماته من اقترحْك
اكتمل هالنّصاب ابدمعتين

[عبدالله صلال العساف]

ذي بطاقة عرْس والاّ آهةٍ بين الضلوع
ليه في قمة افراحك يالقضي ابكيتني
جيت توقد شمعة افراحك على وهج الدموع
ليه من وطّنت نفسك عن ثراي اقصيتني؟
جبتلي دعوة زفافك والفرح طال الربوع
يرقص النوّار باطرافك وانا اظميتني
ماخجل وجهٍ ولا طرف انثنا لا ولاقلت امخدوع؟
قلّت الاعذار حتى لو كذب ما ارضيتني
كيف ترضا آصير ماضي إل تاريخٍ خدوع
انت من ضمن المعازيم ليه عدّيتني...؟
من متى؟؟ قلبك حسودٍ وخفّاقك قطوع؟
وليه حتى في تجافيك ....ماداريتني

[عبدالله صلال العساف]

غاصه
فيها من المال الكثير
واصناف من موت الضمير
ياما ربا فيها الربا..!
وقلّة حلالٍ مايصير
الاّ بإنقاصه

[عبدالله صلال العساف]

البارحه والشمس في اطرف الشال
راحت تداعبها الكفوف ابركاده
تعشّت من الجيد في كل الاحوال
ونامت على خد البخت والسعاده