جـــــاذبـيـة التــنافــــر

[فايز بن جبيل]

هنا احس ابهدوء واحيان احس ابضياع

.. هنا عرفني المـــــكان هنا نكرني الزمان

هنا عرشت الحروف يوم القصايد جياع

.. هنا شبع كل جايع من الخماص السمان

لكن شربني الملل واعياني الانصــــياع

.. وانا الملول الزعول يا ام الرهاف الثـمان

[فايز بن جبيل]

ابعاد لكنا اجــمعتنا المــواجع .. اقــراب ونتصفح وجعنا على ابـعاد

احباب نتعارف انصافح انوادع .. واغلا مكاسبنا على الـنت الاجـــواد

[فايز بن جبيل]

تعال لك عندي سوالف ولك شوق

.. ولك وحشتً بين المعاليق تنطرك

ودي اضمك بين حدبً ومعلوق

.. واصافحــك واتفقدك حيل واشبرك

هذا غلاك اللي نما بقلب مخلوق

.. مخلوق حبك وانت تلعب ابظافرك

[فايز بن جبيل]

مدري وش اكتب وش اخلي وش ازيد

.. هــذا مساها يــلعن ابـــــــــــــــــــــــــو مساها

احســها بالقـــــلب بالعـــــــــين بالأيــــــد

.. جمرة ومدري ويــــــــــــــــــــــن ينبت غـضاها

ياشوق مانـــــــوخ اركابي على الـــبيد

.. لـــــــــــين اوعـــــر ادروبي تكسر حــصاها

[فايز بن جبيل]

ول ياقلب ول كم تحملت ذل ؟ وانا حسبك ضعيفً ماتحمل وذا

والله انك قويً للحمل تحتمل / حمل مبطي تشيله وحمل توه بدا

يالله ودك تجمل خلها تكتمل / المواجع اليا جت كلها بـك فـــــدا

[فايز بن جبيل]

انت ضيعت الطريق وجيت يمي // ها حبيبي انت ضيعت الطريق

تحسبً الحب بعــــــــــــروقي ودمي // لا حبيبي مايبــل الدمع ريق

المواجع ماحــــــــداً فيها يســــمي // حـل عني لا تـحن ولا تضيق

[فايز بن جبيل]

اكذب عليك البارحة كنت ابا اقهرك

. والا انت غالي والمحبه من الله

مثل ماتسهرني من العام ابسهرك

.. واسقــيك فنجالك على جال مـــله

هذا الهوى لو ما تبيحه بيجهرك

.. اما ارشفه ولا انت جنب وخله ..

[فايز بن جبيل]

الكرم حسن الضيافة ضحكت احجاج المضيف // والمعازيب النفوس الحاتميه في عــــطاها

ماتمد الا السمين ولا تصد عـــــن الكـــــفيف // ولاتعذر في مغيب الشمس والغيم وبطاها

نارها بين الظلوع ولا يطفيها الــــخريــــــــــــــف // بالفصول الاربعه الضيفها ينبت غـــــضاها