يافلااااااااااانه....

[أحمد حياء]

الحظ العاثر


كـل ماقلت ابتسم لي حظي العاثر ....تنكـر
وكــل ماقلت انتهت ذيــك الليـالي عودت لي



وكل ماقلت ان حظي قام يمشي بي... تعثر
وكـل ما قلت المشاكل روحــت عني ...لفتلي



ماتجي الدنيا بكيفي وان تجبرت ...اتجبــر
عكس تمشيبي وربي لو وقفت لهـا... وقفتلي



صرت اكابرها ولكن ....كل ماحاولت مقدر
والله اني صــرت اردد صافيه لو ما صفتلي



والله اني من شقــايه... بس اردد تاتيسر
حتى لو شفت الحيــايـا في طريقي تلتفت لي



من شقايه في غرامي كل من حبيت ادبر
ذيك ماتت.. ذيك راحت.. ذيك ولّت ماارجعتلي



لين مره في (منامي) شفت لي بدر مدور
كامله- والكامل الله- قالت اسمي واندهت لي



شعرها يلمس قدمها اشقر وممزوج بأحمر
واقفه قـدام عيني قلت انا!! ...ثم اضحكت لي



طولها يمكن بطولي؟ يمكن اطول؟ يمكن اقصر؟
بس انا الـي منه واثـق انهــا اجمل من بدتلي



قالت اسمع... ليه تشكي من زمانك و اتذمـــر؟
وانت شاعر في قصيدك كل معنى…( واهـتفـتلي)



قلت اسمعها قصيده ..من قصيدي ها المسكر
قبل اخلص من قصيدي- ما تصدق- صفقتلي



ثم قالت لازم ارحل ....وقتي الليله تأخر
وإن طلع صبح الخلايق ..وقتها بيحل قتلي



قلت انا الي لــو رحلتي ...صدقيني بأتدهور
ثم قفت.. قلت لحظه…( يافلانه)… ماسمعت لي



وادخلت في باب مذهب عقب ما دشت تسكر
صرت ادق الباب متعب يا (فلاااااااااانه) مافتحت لي



انتظرت وملّ صبـري .... قلت انا كيف اتصبـر
راح انادي بصـوت عالي ياتجي... ياهي اسمحتلي



وارتفع صوتي... (فلااااااااانه) والا انا صاحي معكر
لاهـي الدنيـا عطتنـي… لا ولاهي رفـرفـتلي



ثم عودت بهجوسي مثــل ماكنت متكــدر
اشتكي نفسي لنفسي….. وان شكيتلها بكتلي



وكـل ماقلت ابتسم لي حظي العاثر تنكـر
وكــل ماقلت انتهت ذيــك الليالي عودت لي



وكل ماقلت ان حظي قـــام يمشي بي تعثر
وكـل مـا قلت المشــاكل روحـت عني لفتلي



ماتجي الدنيا بكيفي وان تجبرت.... اتجبــر
عكس تمشيبي وربي لو وقفـت لها وقـفـتلي


كل العطر والود والورد..

احمد حياء

[حلم]

.. ابيات عذبة سلسة ..

.. أحمد حياء ..

.. أهلاً بك وبحضورك الألق ..

[ديم]

إحساس يُرفرف يجمع النور للصبح

شكرا لك

[خلف المهيلان]

،، حياك يااحمد نص مدهش نورت بطلالتك وبعد اخر لنا مبدع

أحييك احترامي

[فيصل الكردي]

حضور رائع كـ المطر تماماً
ونص فاخر للغاية . .

[فهد الغبين]

أحمد

لله درك

[عبدالله العويمر]

حُضُور مُعَبّر ويُنَبئ بِالنّور

صح لْسَانك
وأهْلا ً ، وأكْثَر

[أحمد حياء]

.. ابيات عذبة سلسة ..


.. أحمد حياء ..


.. أهلاً بك وبحضورك الألق ..

حلم

حضور عاطر يشبه زخات المطر ..
اشكر لك هذا التواجد الكريم هنا..

كل التحايا ..

[أحمد حياء]

إحساس يُرفرف يجمع النور للصبح



شكرا لك

الشاعره الرائعه

ديم

الأجمل هو مرورك من هنا ...

لك كل الشكر وباقه عطر على مرورك العذب ..

تحيتي وامتناني لك...

[هيفاء الخالدي]

ماتجي الدنيا بكيفي وان تجبرت.... اتجبــر
عكس تمشيبي وربي لو وقفـت لها وقـفـتلي



::. أحمد حياء .::

صح نبضك اشبعت الذائقة والله ..

بالغ تقديري
..

[أحمد حياء]

،، حياك يااحمد نص مدهش نورت بطلالتك وبعد اخر لنا مبدع



أحييك احترامي


اخي الشاعر خلف المهيلان

اشكر لك مرورك من هنا وتعقيبك يثري متصفحي بالنور والجمال

دمت بخير دائما ..

تحيتي واحترامي