ارتجاليات.. [الأرشيف] - منتديات أبعاد أدبية

عبدالله العويمر

01-31-2010, 09:43 AM

ماادري احس فكرة الموضوع حلوه جدا ً اذا صدق كل انسان مع نفسه وكتب ارتجاليات لحظته بعيد عن تنقيح وجرح وتعديل:17:

وياصالح العرجان بصفتك المسؤول عن القسم اذا تشوفه الموضوع يستاهل يكون بالعام حطه وأنت مخوّل ٌ بهذا

تعال يابندر نبي نرتجل شي

،،،،،،،،،،،،،،،،،،،، ونقول مايطري على البال بـ الحال

الارتجال آحس به يطرب ولي

،،،،،،،،،،،،،،،،، في مجلسه يابندر الصقر فنجال

ماابي تشذّب بيت أو تسقيه ميّ

،،،،،،،،،،،،،،، ابي على الكيبورد مايطرب البال

واللي يبي يشارك تبي تصفق ايديّ

،،،،،،،،،،،،،،،،، يامرحبا واهلين ببيوت ٍ جزااااال

بندر الصقر

01-31-2010, 10:56 AM

يكفي الموضوع جمال انه يتزين بإسمك يابو عابد ..

عبدالله العويمر

01-31-2010, 11:02 AM

الله يزين ايامك بطاعته

قل امين

بندر الصقر

02-01-2010, 01:14 AM

آمين , ومن يقول ياعبدالله ..

على فكرة انا كتبت الرد بعد ردي اللي فوق بخمس دقايق .. لكن صارت المشكلة ومافتح المنتدى معي الا هالوقت .. والتزمت بشرطك وحفظته عندي وهذا هو بلا تشذيب .. :15:

حلاوة الموضوع يا صاحبي هي
............... يوم انتهى بإسمك على كل الاحوال
الشعر نبض الروح واليا طرا لي
............... كنه كذا دمعٍ على وجنتي سال
مايوم شذّبته يجي كائنٍ حي
............... يحكي على لساني ويوصف لك الحال
تدري وش اللي حبّب الناس في الضي
............... ظلامهم لامن هجم غصب يختال
وتدري وراي اغليك ياصاحبي؟ كي
............... اجلي بنورك ظلمةٍ دامت أجيال

سعيد الموسى

02-01-2010, 02:40 AM

عبدالله العويمر

مبدع بهالفكره والله !

جداً جداً جميله وربي !

وشكراً لك ولبندر :)

عبدالله العويمر

02-01-2010, 10:21 AM

آمين , ومن يقول ياعبدالله ..

على فكرة انا كتبت الرد بعد ردي اللي فوق بخمس دقايق .. لكن صارت المشكلة ومافتح المنتدى معي الا هالوقت .. والتزمت بشرطك وحفظته عندي وهذا هو بلا تشذيب .. :15:

حلاوة الموضوع يا صاحبي هي
............... يوم انتهى بإسمك على كل الاحوال
الشعر نبض الروح واليا طرا لي
............... كنه كذا دمعٍ على وجنتي سال
مايوم شذّبته يجي كائنٍ حي
............... يحكي على لساني ويوصف لك الحال
تدري وش اللي حبّب الناس في الضي
............... ظلامهم لامن هجم غصب يختال
وتدري وراي اغليك ياصاحبي؟ كي
............... اجلي بنورك ظلمةٍ دامت أجيال

يابعد راسي انت

وكفو والله

عبدالله العويمر

02-01-2010, 10:22 AM

عبدالله العويمر

مبدع بهالفكره والله !

جداً جداً جميله وربي !

وشكراً لك ولبندر :)

يابعد قلبي انت والله ياسعيد

خلك معنا وامطرنا بارتجالياتك

لاهنت

عبدالله العويمر

02-01-2010, 10:28 AM

سلام يابندر وياسعيّد الذيب

،،،،،،،،،،،،،،،،، سلام ماطاله سوى شخص عالي

وانتم بكم كل الفرح والتراحيب

،،،،،،،،،،،،،،،، وجودكم يطرب له اليوم بالي

أعضاء من نور ولكم بالوفا طيب

،،،،،،،،،،،،،،، وابعاد فيكم جوها لي خيالي

ولايهونون البقية ، وباجيب

،،،،،،،،،،،،،،،،،، كم بيت عندي بالمسمى ارتجالي

البارحه مرّت وانا افيق واغيب

،،،،،،،،،،،،،،،،، وصوت الألم بالكتف موجع وعالي

لاالليل ليل ، ولاحلى النوم ، والعيب

،،،،،،،،،،،،،،،،، لو طاحت الدمعه من اللي جرالي

:14: