قصيده مهداه لدكتور سعد سويف

[سعد المطلق]

معذور لا والله ما ني بمعذور=يالله عسى ما أمد مدة هزيلة
يا كثرمن مروا على قلبي مرور=ما كلهم وسط العيون الجليلة
مرت سنين ومر من عقبها شهور=والمجد له ناس تبيه وتخيله
غنى حمام الدور يافرحة الدور=وعذق النخل يرقص فرح مع نخيلة
ما جيت أدور في وفاء خافقي شور=الآدمي ياخوي قلبه دليله
أبك أنت عندي شوفتك كنها النور=ظفرت بك من بد غيرك حصيله
كان القصايد ما أبحرت شعر وشعور=شاعرك يعلن للقوافي رحيله
إن كان حرفي ما مدح فعل دكتور=بترك حروف الشعر وأطلق سبيله
ما أقولك عديت من عالي السور=أقول مثلك تفتخر به قبيلة
يفوح من ذكرك شذى عطر وزهور=وترتاح في ظلك غصون ظليلة
يا غيمة من مزنها ينبت البور=تروي عروق من ضماها عليلة
صاحبك لا من جاك ما جيت بقصور=أما كسيته طيب وإلا فضيلة
إن كان راس طويق عالي ومشهور=فأنت الجمل راع الحمول الثقيلة
يا صاحبي ما ني على الكذب مجبور =مثلك ليا شح الدهر ينعنيله
يا ما عبرت بحور وبحور وبحور=تنهل حروف العلم من سلسبيله

[مرعي ونيس]

غنى حمام الـدور يافرحـة الـدور
.....وعذق النخل يرقص فرح مع نخيلـة
ما جيت أدور في وفاء خافقي شـور
......الآدمـي ياخـوي قلبـه دليـلـه





كما هو دليلي قلبي عندما دلني على أن أكون


أول المصافحين والمتصفحين

لهذا الشعر أعلاه


صح نبضك

[نواف العطا]

أبو بندر
فيك الشعر يسمو وبحرفك تزدان الكلمات
وتبتهج القوافي .
شكراً لك على هذا الشعر الجزل وصح لسانك
ودمت دوماً بخير .

[ماجد صخنان العنزي]

يابو بندر
موهبتك مستحيل ان تمر مرور الكرام على الشعر
قصيدة ممتعه جدا
صح السانك