[ طـوّل غـيابـك ]

[سلمى فاضل]

يسعد الله أوقاتكم .. ويطيّـبها بالحب

هذا حضوري الأول واللي أتمنى إنه يكون لائق بذائقة الشعر ومتذوّقيه

:

:

:
[ طوّل غيابك ]


http://www.up.7bebtte.com/4-2009/7bebtte_0Me7QnBo1c.jpg





طوّل غيابك.. وانا ملّيت بغيابك
ملّيت أردّد: ( أنا في غيبتك ملّيت )

ملّيت أكذّب على نفسي بأسبابك
وآقول راجع.. وانته ما بعد حنّيت

ملّيت.. أو بالأصحْ ملّتني أبوابك!
واسأل ملامح غيابك في زوايا البيت

ما فيه ركنٍ تركته دون ما جابك!
يا كيف جابك؟ ولا اْدري به.. ولكن جيت!

جيت بصفاتٍ كثيره تشبه أصحابك
أو جيتني في أماني ما بها حسّيت

أو جيتني واصلٍ في روح أحبابك
أو ما بعد جيت ولكنّي أنا تمنيت

ملّيت أرتّب شعوري لحظة عتابك
ملّيت أحاول أسامح وانت ما أخطيت!

ملّيت أحس انّ حلمي عايش أهدابك
ملّيت أبفهم غيابك وانت.. ما ردّيت

ملّيت؟ ملّيتك؟ أو ملّيت أعصابك!
مدري ولكن ترى من جدّ أنا تأذّيت

وانته غيابك ولا اْدري ويش سوّا بك
أو انت في غيبتك يا غايب شـ سوّيت!

طوّل غيابك.. ولا غيره أبد عابك
طوّل غيابك.. ولا غيرك انا حبّيت

طوّل غيابك.. وانا ملّيت بغيابك
شفْ كم غيابك زرع في داخلي ملّيت!

[شمس]

ياهلا والله سلمى
أعجبني حرفك العذب وتشوقت لأقرأ لك المزيد
مساؤك هيل وزعفران وحلا http://www.5foq.com/vb/smail/sm/paint.gif

[فاطمة ناصر]

http://www.dohaup.com/up/2009-08-09/dohaup_1021248435.gif (http://www.dohaup.com/)

طوّل غيابك.. وانا ملّيت بغيابك=ملّيت أردّد: ( أنا في غيبتك ملّيت )
ملّيت أكذّب على نفسي بأسبابك=وآقول راجع.. وانته ما بعد حنّيت
ملّيت.. أو بالأصحْ ملّتني أبوابك!=واسأل ملامح غيابك في زوايا البيت
ما فيه ركنٍ تركته دون ما جابك!=يا كيف جابك؟ ولا اْدري به.. ولكن جيت!
جيت بصفاتٍ كثيره تشبه أصحابك=أو جيتني في أماني ما بها حسّيت
أو جيتني واصلٍ في روح أحبابك= أو ما بعد جيت ولكنّي أنا تمنيت
ملّيت أرتّب شعوري لحظة عتابك=ملّيت أحاول أسامح وانت ما أخطيت!
ملّيت أحس انّ حلمي عايش أهدابك=ملّيت أبفهم غيابك وانت.. ما ردّيت
ملّيت؟ ملّيتك؟ أو ملّيت أعصابك!=مدري ولكن ترى من جدّ أنا تأذّيت
وانته غيابك ولا اْدري ويش سوّا بك=أو انت في غيبتك يا غايب شـ سوّيت!
طوّل غيابك.. ولا غيره أبد عابك=طوّل غيابك.. ولا غيرك انا حبّيت
طوّل غيابك.. وانا ملّيت بغيابك=شفْ كم غيابك زرع في داخلي ملّيت!

[فاطمة ناصر]

::: مساء الوردhttp://*****s.graaam.com/images/smilies/graaam%20%28276%29.gif :::
اجبرني بوحكِ على إعادة تنسيقه فـ لتعذري تطفلي
معاني تنفتح لها القلوب لتغوص في عمق العمق
حرفكِ سحر وفيه عبير الازهار وإشراقة الضياء
والله والله ما مليت وانا اردد لك [ طـوّل غـيابـك ]
لاول مره اصافح هذا النبض ويمر علي هذا الــأسم
جميله جميله جميله
صح لسانك مدد بلا عدد ياغاليه
طبتِ وطاب نبضك الدافئ ..

[عبدالله العويمر]

سلمى
حُضُور أْشبَه مَايُكون بِالعِطْر

نَبْض جَمِيْل
واهْلا ً بِك تَلِيْق

[بَسمَة آلْ جَابر]

:

.’,.سلمى فاضل.’,.

أهلاً بِكِ ومرحى لنْا بِ حبركِ النوّار بينْ الأبعاديونْ .،
مياسينُ نورٍ وزعْفَرانْ
لـِ حُضورِكْ ياسلمى ،
تفضلي :

http://www.ab33ad.com/vb/showthread.php?t=22504&page=2

كوني بِـ القُربِ
ودّي .،

[عبدالرحمن السمين]

سلمى /

وأزاهير الصباح المتنفس بك يجعل الذائقه أكثر نضوجا لتلقي الجرعات الأبداعيه منك !
صح قلبك ونبضك ودمت !

.

[عون القحطاني]

سلمى فاضل


اهلاً بك وبما تحملين من شعر
حضورك الاول .. الغيمة الممطرة

شكراً تليق بك وبحرفك