هبي فلنتاين

[نفاع العنزي]

.
.

هبي فلنتاين على شان الأحباب = مع إني أجهل ياالغلا ترجمتها
لا ياينفتح يا غالية للعتب باب = بعد الأماكن .. صورتك ما محتها
تبقين مابين المحاجر والأهداب = لوحة غلا .. ريشة غلاك .. رسمتها
بلاش لعب.. وفلسفة حرق الأعصاب = ترى ..(وغلاتك ) مدمنٍ فلسفتها
يا غالية .. ما جيت غاوي ولعّـاب = ولاهمني .. كل الدروب ألتفتها
أبيك ( نوت ) .. اللي تغنابها ( عقاب ) = اللي دروب المهزلة .. ما مشتها
حبٍ على وضح النقا فوق الاعجاب = قصة هواهم .. للخلايق روتها
وأييك حبٍ تنحني دونه رقاب = يا من أحاسيس الفؤاد احتوتها
وأبيك جملة ياالغلا مالها إعراب = تبطي نحاة ربوعنا ما أعربتها
وأبيك صورة ينطوي دونها كتاب = وتبطي وكالات النشر ما انشرتها
هذي ثلاث سنين وانا احسب حساب = يا من هواجيس القصيد احكرتها
غيابهم عادي مثل أية غياب = وغيابك أنتي سم حالي .. نحتها
هبي فلنتاين على شان الأحباب = مع إني ( أكره ) يالغلا ترجمتها
.
.
.

[شمس]

غيابهـم عـادي مثـل أيـة غـيـاب
وغيابك أنتـي سـم حالـي .. نحتهـا
الله الله يا نفاع
مشاعر جميله
ما أجمل هذه الإشراقة وما أعذب هذه اللباقة
ابدعت ابدعت نفاع
ماشاءالله تبارك الله

[نواف العطا]

نفاع
أحساس شاعري جميل وكلمات جميله
لك كل الشكر ودمت بود .

[وديع الأحمدي]

جميل يا نفاع ..


نوت وعقاب ... ورموز جميل جدا


مع الفلنتاين ,,,

جميل بـ :

كل الود / الورد


تحاياي

[عبدالرحمن السمين]

نفاع

\

... صح قلبك ونبضك جميل ورائع
مودتي لك .