{.. ناس محتره !

[شجـن]

http://dc08.arabsh.com/i/01180/0bkvhxd91div.gif (http://arabsh.com)




جلست اهوجس واعيد الفكـر واكـره= واشوف فرق امس عن ذاليوم وشلونه
ولقيت دنياً تجـي بالعكـس مفتـره= ولقيت لي عالمٍ ما هيب ما مونـه
ما يسلم الواحد من النـاس بالمـره= لو كان يمشي الحالـه مـا يخلونـه
لا شافو المسلم اللي كـافٍ شـره= قامو يلفـون حولـه ليـن يوذونـه
لو سج من زر جيب الثـوب مـا زره= سوو هجومٍ على جيبـه يزرونـه
والله مـدري ورى ذالنـاس محتـره= كنه علـى روسهـم دايـم يشيلونـه
هم مكمن الضعف لاذمه ولا سره = بالضبط يعني ذممهم شبه مدفونه
ماتستوي الناس دام الناس مغتره = ذا منبع الطيب ولا ذاك من دونه
والنذل مهما حرصت وقلت بتبره= يضمر لك الكره وينوشك ردى خونه
ناسٍ تعلت وناس اصغر من البره = في نظرة اللي شكت لدار محزونه
من تجربة وقت من دنياي منجره= صوتا كتمته ياعل الكل يوحونه
وانا ادري الوقت مايصفى وله زره= واللي على قد حاله إتبلّوُنه


http://dc05.arabsh.com/i/01181/wg6hd1asjzfq.gif

[عبدالله العويمر]

شجَن
وأصَالَة ُ الشّعْر بِك ِ مُلْفِتَه

مَاقُلْتِيْه واقِع ٌ مَلْمُوس ولايَسْلَم ُ مِنه المَرء فِي مُجْتَمَعاتِنا

سَلِم َ حَرْفُك

[فايز بن جبيل]

من تجربة وقت من دنيـاي منجـره
صوتا كتمته ياعـل الكـل يوحونـه
وانا ادري الوقت مايصفـى ولـه زره
واللـي علـى قـد حالـه إتبلّـوُنـه


شجن صح اللسانك والله يكفينا زرات االزمان

كل التقدير

[أحمد الهايس]

شجن

ردت فعل ذو شاعريه عاليه

لكن ولا يهمك الناس أجناس وهذا أحوال بني البشر لايمكن يرضيهم شي

ولايكفون أحد من شرهم

لو كانت الشريحه الي ذكريتها اخت شجن غير موجوده على الارض لما حست الشريحه الثانيه بالوجود

ودي وتقديري

[سلطان خلف السرحاني]

صدقتي يا شجن

صح لسانك

اعجابي ومتابعتي

[سلطان الوثر]

هوجاس وطرق وحرف وشاعرة قادرة

إبداع وإمتاع مختلف في كل مرة

شكراً كثيرا ياشجن

[شجـن]

شجَن
وأصَالَة ُ الشّعْر بِك ِ مُلْفِتَه

مَاقُلْتِيْه واقِع ٌ مَلْمُوس ولايَسْلَم ُ مِنه المَرء فِي مُجْتَمَعاتِنا

سَلِم َ حَرْفُك

استاذي العويمر

بك وبحضورك النص يرتقي

اشكرك على تواصلك المثري للمتصفح

دمتْ

[شجـن]

من تجربة وقت من دنيـاي منجـره
صوتا كتمته ياعـل الكـل يوحونـه
وانا ادري الوقت مايصفـى ولـه زره
واللـي علـى قـد حالـه إتبلّـوُنـه


شجن صح اللسانك والله يكفينا زرات االزمان

كل التقدير


امين يافايز وصح بدنك

تشرف المتصفح بوجودك اخوي
لاهنت ولاعدمتك