زفرات شاعر.....!!!!

[وليد بن مسعد]

من جور الاحلام واقدار الزمن ويني
يارحلة الصمت ماني بالوضع راضي...؟؟

تعبت من قسوة اوهامي من سنيني
والدمعه اللي تعاتبني على الماضي.....!!!

[وليد بن مسعد]

انا يا ما تجرعت المراره من زلال الغم
وانا رغم الدموع اللي تعاند عزتي رجال.....!

معك ما عدت اشوف من الحياه الا عذاب وهم
امانه جاوبيني لي متى بنبقى على ذا الحال....؟؟

خذيتك للغرام وحلمي الوردي وانا لي كم
اغني لك على شاطى المحبه رحلة ال يا مال....

ترا ماكل جرحن يالحبيبه داخلي يلتم
تعالي حسي بجور الغياب وظلمة الغربال.....!!

[وليد بن مسعد]

يا هالحياه استباحت في سطوتها
واصبحت رجال يسهل جد تطويعه....

صارت همومي تواسيني بقولتها
لو مايطيعك زمانك لازم تطيعه...!!!

[وليد بن مسعد]

كنني ورد يذبل مالقى ساقي
دامني ذقت هجر منشفن ريقي... ؟

خذتي العمر كله وش بعد باقي
من غرورك وكبرك يالغلا فيقي..!!

[وليد بن مسعد]

تبغى الصراحه ترا منك ولا شفت شي
يعني رضيتك على حالي وعشتك وهم...!!

ياللي معك لاني بـ ميت ولاني بـ حي
ان كان ما همك احساسي وش اللي يهم...؟؟

[وليد بن مسعد]

دمـعتي هـي نـوور قمـراي
ضيقتي تسري بي لــ ويـن..!!!

[وليد بن مسعد]

تسولف لي عن ايام الغرام وينتشي ثغرك
وانا قلبي يقول ان كان ذا ياصاحبي حبيت....؟؟

كثر ماكنت اشوف الهجر ياخذ عمر من عمرك
عرفت انك ولافي يوم واحد راح بي حسيت..!!

[وليد بن مسعد]

تـعال يا زهرة ايـامي وريـحة هلـي
سولف فديتك مدام ان الحكي ذو شجون...!

يا من ملى كل هالدنيا بعيني ملي....
يا اكون في قلبك الاول او اني ما اكون....؟