شبــَّاك الوجــــــــــــــــع

[عبدالعزيز العميري]

تمسك طرف ثوبي واسابق إلى الباب
..........قالت أحس إنك مفـــارق مـفـــارق
رَمـيـتها أذكـــــر بلا ذنـــب واســباب
...........ومن يومها والكون موجع وحارق

[عبدالعزيز العميري]

( رْصاص طائــش )
لمشاهدة النص اضغط على الرابط :
http://www.youtube.com/watch?v=SGObrrOTtI0

مرتبك / خايف / وحيد
وْألتفت
يوم الجهات رْصاص طائـــش
والمدى مابه ملاذ
وحدي الساعة على مرمى حزن
ماغير صوت اقدامِيَ الليله وَخَنْجر من حنين
وانتي مَدْري
أيَّ أرْض تـــــْـــمرَّ بك دوني
واظنَّــك
صار لك اطفال وَاحْلام وْحضِن تبكي عليه !
أو أظنَّك واقفة خلف الستاير
في عيونك
انتظارٍ سرمدي يفضح جنونك
وشيءَّ من خذلان يحْرس لك ظلالك
أو أظن انَّ الحديث اللي أقوله
صار يفضح شيَّ منَّي
شيَّ من ذكرى/ صدى لك / صوت لي :
حبيبتي
مابه ملاذ إلا عيونك
يوم كلٍ سلَّ رمْحه
وْراح يطعن
ماوفت إلا عيونك
كان فيها شيءَّ مني
شيَّ مثـْـل الخوف يحْكي
كيف صار الكون
ر
م
ح
منكسر كلي واصيح بْأكثري :
من يشعل الظلمه وجوه الغائبين ؟!
طحت .. مدري
ولما أقدامي تصالحني وتمشي
ما آلاقي لي طريق
من يصحي طعنة الذنب القديم ؟
غير صوت المذنب المدعو حبيبك
لما يرْجع له صدااااه
وْما أظنَّك تسمعين اللي يغنــــَّي
من ثلاث عْقود ما عنده حياااااااااه !
لا وربَّـك تعرفيني
مثلي اللي خبَّى حلمَه تحْت ظلك يا السحابه
وين حلمي ؟!
أيَّ ذكرى؟! ايَّ صخره؟! أيَّ سمْره ؟!
اشكِيَ لـْمن
هااااااااااااات إذنك ياشــعـــِـر
بآعلـــَّــمك
عن بنْت كانت لي حبيبه
كانـــَــتَ بْآخر محطـَّـات العذاب :

تمسك طرف ثوبي واسابق إلى الباب
..........قالت أحس إنك مفـــارق مـفـــارق
رَمـيـتها أذكـــــر بلا ذنـــب واســباب
...........ومن يومها والكون موجع وحارق
من لي إذا شام العمُر دون اصحاب
............والـبيت ما مرَّه أبــــد يـوم طـــارق
ربَّاه كـــلَّ الارْض ترنيمـةَ غْـياب
...........آشوفهـــا قـــفـرا بــلا غــصْن وارق
كــــم لي بلا قبلة أولَّي ومحراب
...........ضاقت بشمس الحلم كلًّ المشارق
ياكيف تتساوى السماوات بتراب
........... إلا بْـعـيون اللي معَ الحـــزن غارق
كم شارَعَ بْصدري عبَر ينفض احباب
...........وايــام مــرت كــــــنها لـمْع بــارق
ياليتني مـارحْت أَركض إلى الباب
.......... .يوم الكلام رْصاص طائـش وحارق

عبدالعزيز العميري


/

/
/

[عبدالعزيز العميري]

‏صرتي السما
يومٍ انْكسر لي جْناح
لو كنتي المرآه
هذا انا
ما اشبه اللي راح !

[عبدالعزيز العميري]

العمر رحلة كلَّ ما احط القدم فيها اطيح





_________________آحسِّني أعمى وقِف .. محتاج لعْبوره يديك
وينك ترى كل الدروب غْياب وينك .. واستريح
____________________ ياليتني كلْ ما مشيت فْ درب ودَّاني إليك

[عبدالعزيز العميري]

يمرّ العمْر ما عدنا نبي يطول ولا عدنا نحس بْشي
_________________نقول ان السنين هْمومها متشابهة والحـال نفـْـس الـحــال
بخير الحزن يابلادي..وانا احبك.. انا مثل التعاسة حي
_________________بخير انتي؟! وكم باقي منَ اصحاب البشوت لـْـصوصك الانـذال؟!
بعَدْهم ياكلوا لحمك؟؟ بعَدْهم طيبين وْينعموا بالضي
_________________ تحسَّي بي؟! تعبت اصرخ واخاف انك تحطـَّي باللسان اغلال

[عبدالعزيز العميري]

كذا بعد الوداع تْلازم الاحزان
____________تحسّ الغصه في صدرك كثير سْكوت
تصير الارض ماتوسع حزن انسان
____________وترجع دون ظلك ما معك ايْ صوت
تنام وْتهرب بْجرحك إلى النسيان
____________يجيك الحلم ينتزعك وتصحى تْموت

[عبدالعزيز العميري]

ليتها الفرقا وصال
…………………… والحزن مغلوق فمّه
انتي لو قلتي تعال
……………………… كلِّ جرحِ يْلمِّ دمه

[عبدالعزيز العميري]

كذا بعد الوداع تْلازم الاحزان
____________تحسّ الغصه في صدرك كثير سْكوت
تصير الارض ماتوسع حزن انسان
____________وترجع دون ظلك ما معك ايْ صوت
تنام وْتهرب بْجرحك إلى النسيان
____________يجيك الحلم ينتزعك وتصحى تْموت



</B></I>

https://www.youtube.com/watch?v=0V_CXMBNktk&feature=youtu.be