دعــــوة المظـلــوم

[سعد المطلق]

عشقت السهروأشوف عيني طرحها النوم=أعاف المنام وطاحت العين منهده
تعب.ضاق صدري والحكي واصل البلعوم=تلوج السوالف وسط صدري لها مده
ذكرت الخناجر والخناجر وراها رخوم=رخوم الردى ماهي رجالٍ على الشده
رجالٍ اليامن مرهم صاحب منجوم= تضًيع مداه وتكرب الحبل وتهده
ماهي مشكله لاطاح بالمهزله موهوم=بلاك البشوت اللي من الكذب منقده
أعرف السوالف كلها والسلوم سلوم=وأعرف الغصون النابته وين ممتده
نمت بالشمال وجابها جايب المقسوم=ولكنها تركز شمالي بحر جده
زمى الخبث يمي مانفع به عتاب ولوم=قريت الرموز وبين مسيلمه جده
الا وجد حالي وجد من صادفته هموم=غشين على عقله وجارت هل الرده
يقولون راس الداب لامن قربت يهوم=وأقول البشرعن نيه الخير منلده
أيا ناصر الظالم تلوح بسماك غيوم=ترى الناس ماتمشي على الظلم منحده
عسى كل ظالم تلحقه دعوت المظلوم=عساه الخبيث اللي يجيله مع الغده

[فهد الصقري]

نص أقل مايقال عنه مدهش بمعنى الكلمه

صح لسان ولا هنت

[عبدالله العويمر]

ذكرت الخناجر والخناجر وراهـا رخـوم
رخوم الردى ماهي رجالٍ علـى الشـده
رجالٍ اليامـن مرهـم صاحـب منجـوم
تضًيـع مـداه وتكـرب الحبـل وتهـده
ماهي مشكله لاطاح بالمهزلـه موهـوم
بلاك البشوت اللي مـن الكـذب منقـده



سَعْد
حُضُورك َ حُضُور الشّعْر
مَحبّتي

[صالح اللذيذ]

سعد المطلق

حضور قاسي بقسوة الظلم ومن يعانونه

وشعر حقيقي يحتفى به

اترككـ لما فوق الابدااااع
.

[شمس]

أبدعت الأستاذ سعد كل الشكر والتقدير
بارك الله فيك