لاينفتح في غيبتك باب هـ /الليل:(

[داليا العنزي]

مدخل


خذني كما طفله صغيره تبي الشيل=وإحضني ودي يمسح الدمع كمك
مابه سواك بطلة الصبح والليل =يطري علي ويشغل البال همك




بقلوبكم أقرئوني يا آحبه فربما غفرتم لي طول الغياب
.
.


يامن عقب عشقي غرامه نساني=تكفى طلبتك ماأبي عتمة الليل
ابك انت نور العمر وانت الاماني=وشلون تهجرني وتهدم بي الحيل
بك نظرتي عيت تفارق زماني=عيت تهز قدرك جروحٍ محاصيل
مـ / زريت حب ازرى ينادي لساني =يقول هد الحيل كثر المواويل
ياشيخ روف وعود تكفى عشاني=ماهوب لاجلي /لاجل ذيك التفاصيل
يعني يهون الضحك ويا الاغاني=يعني تهون بعينك احلى المراسيل
طيب دقيقه.!!بسألك لو أعاني=وأوصل حدود الموت / يجرفني السيل
عادي اموت وتفرح الموت جاني=ودوني تكمل هالليال المقابيل
ياحلم عمري عود لي الاولاني=وأوعدك لألقى لشين الأطباع تبديل
وافتحلك احضاني تدفى بحناني=وارويك عشق /أسقيك من منبع النيل
تكفى طلبتك بس تريث عشاني= لاينفتح في غيبتك باب هـ / الليل
واضّيع بفقدك جميع المواني=واتوه في بحر الجفا وانده الويل
ويتعلق بقشة طيوفك كياني=وتقوم تغدربه مع ميلة الميل
شف غيبتك طالت وانا في مكاني=وشلون ترضى الهم يهدم بي الحيل




مخرج..

قلبي عن صنوف الرجاجيل معمي=وأحلام عمري شفتها مقبله فيه
ماكنت احلم بس هو صار حلمي=وأجمل حقيقه أنتظرها تغنيه

[محمد عوده البلوي]

مثل هذه لا تقرأ الا بالقلوب


جميله جداً ويُملاء حضورها كل زوايا الغياب الموحشه



صح قلبك وكلك


تحياتي لك وتقديري

[عبدالله صلال العساف]

خذني كما طفله صغيره تبي الشيل
وإحضني ودي يمسح الدمع كمـك
مابه سواك بطلة الصبح والليـل
يطري علي ويشغل البـال همـك

الراائعه داليا
مدخل راائع
لقصيده جميله
من شاعره اجمل

[محمد بن شتير]

من المدخل

وانا استبشر بالمطر وفعلا كان لي ذلك


/




\





/



يـاشـيـخ روف وعـــود تـكـفـى عـشـانـي
ماهوب لاجلـي /لاجـل ذيـك التفاصيـل


( التناقض بين الصدر والعجز خدم البيت اكثر من ما يعتقد البعض !! )








..




و حتى انتهت بالمخرج كانت جميله يا داليا




بوركتي وبورك بوحك الجميل

[محمد الغشام]

,

داليا العنزي
نبض راق لعاشقه


عاطِر التحايا

[فاطمة ناصر]

الْسَّلام عَلَيْكُم وَرَحْمَة الْلَّه وَبَرَكَاتُه
مَسَاء الْوَرْد


مشاعرْ جميلة وإحساس يقطر من قلبكِ يا داليا
لا شيءَ يجيدُ إخضاعَهم لمشاعرنا سوى كلماتٍ من القلب
أقسم أني وجدتها هنا

طيـب دقيقه.!!بسألـك لـو أعانـي
وأوصل حدود الموت / يجرفني السيل

عادي اموت وتفرح المـوت جانـي
ودونـي تكمـل هالليـال المقابيـل

منذ ذاك الحين وانا ارددها
ما أجملكِ يابهيّة
http://www.shamsdubai.net/vb/images/icons/smile35.gif

[أكرم التلاوي]

الكريمة داليا العنزي

وحضور كهذا يشفع للغياب بلا شك
نص جميل واحساس وراف

صح قلبك ولا هنت ِ

[شمس]

أبدعتِ ي داليا العنزي ... ماشاءالله تبارك الله في منتهى الشاعرية والجمال