قصــيره !

[سعيد الموسى]

يازهرة الُفل ياحيّي
يااحلى من الورد وانفاسه !
الحب ضيع معك غيّي
الماسة ٍ تحضن ألماسه !
اقول: احبك تقل :خيّي!
لاتنشل الحب من ساسه
توي صغيره وابي فيّي
قلبي يبي ينصف احساسه
تهمني سمعة آبيّي
ترضى علي أحتطب راسه ؟
صحيح أحبك وذا شيّي
بخفيه عني بكرّاسه !
http://www.shward.net/vb/images/icons/icon-n30.gif

[سعيد الموسى]

بيضاء / خجلا
رشششة أنثى !

أنثى لا لا !
غيـــمه يمكن !

أو لا.... لالا !
غيــــمة موطن !

[سعيد الموسى]

ياحنضلك : كيف أسفكك !؟
كيف أشربك ثم أرتبك ؟
كيف أبتئس من بسمتك !؟
كيف أبتسم من قسوتك !؟
كيف ابتدي في آخرك !؟
أو آخرك لو يبــدئك !
.
.
ياحنظلك ’ يامعبقك !
طاح المسا في دفترك !

[سعيد الموسى]

شالك فقير من الريال !
غصنك مره ربّت عيال !
صانتهم بشرشف صلاه !
ردوا لها الصبر ب / عصاه !
شالك : نده طاحت يده !
فز البياض لأورده !
ماخانك الشال : وكفى !
خانك طفل داخل حشى !

[سعيد الموسى]

سدل جفن المنام لعين سلمى !
وانا بين الغموض ارسم حروفي !
ياويل الليـل يشربني واضمى !
على الدفتر رسمت اردى وصوفي !
يعين الله آجا صار ضلمى !
على حد النظر : ياعين شوفي !

[سعيد الموسى]

لوعرفتي الحزن في عين الطفلْ !

ـــ ماانثنى قلبك ويحمل خنجــره !

إيه ياقُبله على رفّ الجبــل ْ

ـــ مازرعتي غير حضن المجزره !

سلهم التنين في خَـدّ الرملْ !

ـــ هات حزنك وسط ناري بزفره !

مهزله لو مدت الدنيا حبــلْ !

ـــ وانتي اقرب : والمسافه / مإزره !

اقطعي ثوبي , على رك ّ النحلْ !

ـــ يمكن اقدر / ابتسم من سُكـّره
.
.
.

شتات ياشعري شتات !
ـــ من قِلّة الماء وجـدب ْ !
ماصاحت رماح النبات !
ـــ لاتبتئس / أرضك : هدب ْ

[سعيد الموسى]

ابي أنزع من ايديني : علامه !
ــ نزعت خطوط كفي للـ سلامه
أنا رجال تحرقني جفــاوه !
ــ سلامه ! فوق راسي بس سلامه !
عطيتك رفقة النشمي وهنتـه !
ــ اجل لاهنت ياكـفّ الملامـه !
سلوم رجال ياخيي ونفـهم !
ــ سوالف نوره لضبع الندامه
هياط الزعزعه ماهو لمثلي !
ــ تفضل وانزع بوجهك لثامه !
عليك من الوفاء لوّك عدوّي !
ــ اصون العهد لو ينزع حسامه !
يانسل الطاهرين اللي حقـرهم !
ــ حذاري يفلت بأمرك زمـامه !
تطير لغيمة الشّح وتجـيني !
ــ ولكن : طاح بالسيل إحترامه !
أجل سلّم على قلب الشعيبي !
ــ وقلّه : سهمنا صوّب ظلامه !

[سعيد الموسى]

كثير أشياء !
في صمت الزوايا !
كثير وجوه
مليانه حكـايا !
تشاطرني رغيف الحرف
صبرك !
أنا محتاج للمــا
والمرايا !
ياوجه الليل
ياغصن وافكار ورساله !
ياجفن الآهـ
تحتاج لـ برايا !

[سعيد الموسى]

ماني بااحبك , ولا قد قلت مغرم بك

انا من اقصاي حتى ادناي بك غارق !

[سعيد الموسى]

هنت ياقلب ٍ يبيع اشرف صديق
ــ لجل قطعة شال مرمي ع الرصيف !
اذكر ان العز ّ في كسب الرفيق !
ــ لو يخون الوقت يكسره العطـيف !
لي صديق ٍ مات في سدّ الغريق !
ــ لجل ينقذ شخص شاركه الرغيف !

[سعيد الموسى]

حياكة حزنك أشبه بالحكاية !
ــ تمد ايدينك وتسدل غمامك !
يجاوب رمشك الناعس كفايه !
ــ حرام الدمع في حضرة لثامك !
تجّر البسمه الخجلى .. نهايه !
ــ تطق اصباعك وتنبت عظامك !

[سعيد الموسى]

تثقل الدنيا ...
وانا شايل سما !
يهمس القمري !
وانا صدري طن !
خالفتني / وانتحت !
ـــ لاحت بصدق وبهت !
اوجعتني !
واستـــحت !
اكرمتني !
وبخلَت !
صاحبي !
او صـــاحبي !
او
شقيق أحلى سنين !
ماذكرت من الفقر !
غير الشرف !
وماذكرت من الشجر !
غير الهدف !
كم شريت احلى عطور !
مافهمت العطر : روح !
.
.
قلي الليل أبتئس ...
او يجافيك وعبس !
صاحبي من هو انا ؟
لونهرته واختشى !
اعتبر قلبي بحر !
واعتبر صدري وطن !
واعتبر يدّي دول !
وابشر بغير العقــل !
صاحبك جنسه رجل !
لكن أضلاعه جبل !
ليش اشوفك منزوي !
وأنت هامات وتلال !
يااكثر اكثر من حكي !
واقدر
اقدر للفعل !
ليش احس انك ضعيف !
لجل اوراق الخريف ! ؟
وش يضرك لو سقطت !
بعدهــا شمت ووقفت !
اوقف !
وربك رحيم !
ياكريم
ابن الكريم !
انفث شتات الرمل !
تعمي رموش
العذل !
مو لأنك صاحبي !
بس
ابي اسمك : رجل !
:34: