رصيف الشمس

[رشا عرابي]

ذنبي مشيتْ من الخُطى دروب سَهله
ظنّيت نور الدرب لو تِعجل إخطاي

لكن جنيت من الأمل روح خجله
وأخاف طول الدرب لو أنظر وراي !

[عبدالله صلال العساف]

خد ن تشارك فيه ناي ن وقذله
وخد ن عكس ضي القمر في محياي

[نورة القحطاني]

أرفع لهم كف الموادع بجهله
وأترك بقايا عبرتي وأمسح خطاي

[عبدالله صلال العساف]

لحن سطا مابين سمع ن ومقله
في صحته نشرب نخب كل نساي

[نورة القحطاني]

الله يجازي كل هم بعزله
ويجازي الفرحة قلوب لها دعاي

[عبدالله صلال العساف]

بمناسبة راس السنه جيت اهنيك
واصافح اسماعك ابأحلا التهاني

[عبدالله صلال العساف]

الشاي يحلا حيل لما تصبيه
يصيرله من ايدك حلا وطعم ثاني

[رشا عرابي]

والصمت يعكس من حلا الروح بيديه
والصوت من رتم الحلا بعد ثاني