يسأل الليل الصباح

[فهد الغبين]

ما / أصدق

لا وربي .. ماهي إنتي

لونك ..أنتي ..ماتركتيني ..أموت
يا
م
ه
ا

تسمـ عين


يسأل الليل الصباح بـ أي حق اليوم جيت=وكل يومٍ تشرق الشمس وتغيب ..وتبتدي
بي مراسم للعزاء بدفن روحي ..يالمميت=بعد ماكل البراد ..الصفق فيني ..جرهدي
في اسى نزف الشعور اللي بناني فيك بيت=يستحث الليل عنوه ..ينجلي لجل ..الغدي
وش أمر من القرف ..لامر فيك ..وانت ميت=الا انك حي ..تشعر في قرف ..جاك يعدي
يامها ..شفته بعيني ..جاني يركض ..وانتخيت=فيك ..يوم إنه لفاني ..ولا انتخيتي يابلدي
يوه من هذا الشعور المر ..لا ...مر ..ودريت=إن غد الحلم ماهو ..علم جاني ب مرقدي
بؤس هذا الليل ..يكتب ..كل بؤس ٍ ..به سريت=والخوي سهيل ..وانتي ..ياحياتي ..والجدي
كل ليلة حزن غنت ..في لحنها اللي ..بديت=ياصباح المر ..مر ..ومرني ..وانا ..وحدي
من بديت أحس فيني ..ماني فيني ولاحكيت=ومن بديت أحس بالماء ..مالمس ..باطن يدي
عايش بين الغيوم ..أكن غيم ولا نشيت=أمطرت بي ..كل غيمه ..حب ..لعيونه ..فدي
ساعة أحلم ..في غيابه ..كل ليله ..لاصحيت=أصحى والقها بجنبي ..جالسه جنب سعدي
ساعة تمسح بيده فوق شعري ..ثم غفيت=وقبلتي بين حجاني ..واهي تقول ..بعدي
للكلام اللي اقوله ..دون ماشعر ..واستميت=في شعوره قبل اقوله ..وسط ليل ٍ سرمدي
ماعنيت إني اقوله ..لكن إني به عنيت=كل احساس ..يترجم ..كل اه ٍ بي ..ودي
واصحى أصحى من غيابي ثم انظر يم ليت=واتمنى ..قبل لصحى ..إني مت ..ولا وحدي
بس معذور ٍ زماني ..ما ألومه ..لا نويت=انشر الاهات ..منه ..لو خذا ..الثار ..ولدي
يامها ..وين الحياة ..بروح شاعر عاش ميت=ما / اصدق كيف رحتي ..ليش رحتي يابعدي

[نواف بن جارالله المالكي]

فهد

بؤس هذا الليل ..يكتب ..كل بؤس ٍ ..به سريت
والخوي سهيل ..وانتي ..ياحياتي ..والجـدي
كل ليلة حزن غنت ..في لحنها اللي ..بديـت
ياصباح المر ..مر ..ومرني ..وانا ..وحـدي


اشكرك على هذه المرارة الحلوه

سلمت مدداً بلاعدد .

[حاتم منصور]

يافهد

الله يسعد مساك ومساء الشعر اللي يأتي بك
هذا النص لا يكفيني مرور واحد لقرائته
بل الكثير والكثير
فأرجوا ان تسمح لي ان اقرأ دون ان تطالبني برد
فهذا النص اكبر من اي رد


محبك

[نايف الرحيمي]

يامها ..وين الحياة ..بروح شاعر عاش ميت
ما / اصدق كيف رحتي ..ليش رحتي يابعـدي



راائع كما عهدتك يا فهد
تتدفق شعراً .. وإبداعاً

تقديري

.

[الموج]

يوه من هذا الشعور المر ..لا ...مر ..ودريت
إن غد الحلم ماهو ..علم جانـي ب مرقـدي



*

فَهد يا فَهد .. مَن وصّاكْ تَلعب بالجَروووح ؟!
أبْياتَك مرّررهِقَة
:(

[عبدالله صلال العساف]

رااائع الاشراقه يافهد
كالعاده
الجمال مو غريب على الراائعين

[ميــرال]

كل ماهنا متوهج ومبهج
وهذا البيت غناء وحكايات المساء

كل ليلة حزن غنت ..في لحنها اللي ..بديـت
ياصباح المر ..مر ..ومرني ..وانا ..وحـدي

رائع واكثر

[فهد الغبين]

فهد

بؤس هذا الليل ..يكتب ..كل بؤس ٍ ..به سريت
والخوي سهيل ..وانتي ..ياحياتي ..والجـدي
كل ليلة حزن غنت ..في لحنها اللي ..بديـت
ياصباح المر ..مر ..ومرني ..وانا ..وحـدي


اشكرك على هذه المرارة الحلوه

سلمت مدداً بلاعدد .

الغالي نواف

هو البؤس يا صديقي

عندما يزورني في الليل في غياب ..شمس ٍ ..أجزم انها لن تشرق مالم تشرق

شكرا لك هذا النور

دمت بود

[ناديه المطيري]

وينتثر الجمال شعراً على امتداد النص


يامها ..وين الحياة ..بروح شاعر عاش ميـت
ما / اصدق كيف رحتي ..ليش رحتي يابعـدي




مؤلم هذا البيت
هذا ما شعرته تحديداً
ربما لأنني أكره الغياب

جميل يافهد
ممتنة لك هذا الشعر

كن بخير

[فهد الغبين]

يافهد


الله يسعد مساك ومساء الشعر اللي يأتي بك
هذا النص لا يكفيني مرور واحد لقرائته
بل الكثير والكثير
فأرجوا ان تسمح لي ان اقرأ دون ان تطالبني برد
فهذا النص اكبر من اي رد



محبك


حاتم انت النور

فكيف ..لا اسمح لك بالبقاء في هذا الظلام ياصديقي

شكرا لك بك

[فهد الغبين]

يامها ..وين الحياة ..بروح شاعر عاش ميت



ما / اصدق كيف رحتي ..ليش رحتي يابعـدي




راائع كما عهدتك يا فهد
تتدفق شعراً .. وإبداعاً

تقديري


.

الغالي نايف

حضورك شرف لحرفي فشكرا لك

دمت بود