[cartier]

[مي اللاّفي]

رغّبتني فـ النشر والحين تمنعني !!
.. .. .. أنت السبب , لاتجي في صدرك الضيقه


لو شفت تصفيق من يدّيك يِشْبِعني ,
.. .. ..[ مارحت أدور من الجمهور تصفيقه ]

[مي اللاّفي]

حبيت لي طفل علقني ودلعته ’
.. .. .. وقبل الدلع لا يجيه احسنت تربيته


ارهيت له بالشعور وجيت طآيعته
.. . .. .. .. كم ليلةٍ ضيق نآداني ولبّيته



والله ولا يوم كلمني و [ سمعته
.. .. .. كلمآت ] من خآطره تسحب تنآهيته


علّمته إشلون يآصلني وقآطعته
.. .. .. .. من حكم الايآم والا ما تمنيته


هو درب دليت خلآّقي وضيعته
.. .. .. هو ذنب كل مآ اقترفْ طآريه خبيته


لو آدري انه بيشبعني ليا جعته
.. .. .. مآكان عآنيت من حزني وغنيته


لو آدري انه بينفعني ليا طعته
.. .. .. إن كآن خليت خلق الله وضميته



.

[مي اللاّفي]

هدوئي معك , لا يعني ( رضيتك )
.. .. .. وصدّي عنك ْ , لا يعني ( كرهتك )


[ أنا محتااااجه أرتاح وجفيتك ]
.. .. .. ولو طال العنا بي ماندهتك ْ

ولكّن : لاتخاف إنّي نسيتك ’
.. .. .. لأنّي كثر ماأخيلك ( شبهتك )



’

[مي اللاّفي]

( لا تجبرون اللي نزح عن حبيبه ’
.. .. .. يرجع ) لو إن الشوق جار ولعبّه


لا تحسبونه خان كارِه نصيبه ’
.. .. .. يمكنّه أصلا ً كان خاين لـ ربّه


وتذكّر اللي من عذابه يصيبه ’
.. .. .. [ وأستغفر الله ] من ذنوبه وكبّـه

[مي اللاّفي]

هـ الدمعتين أستحي لا جيت أبـ مسحها ’
.. .. .. مادامها حدّرت منّي على شانك

و

لجل أحترم صدقها ماني بـ شارحها ’
.. .. .. بعض الشعور أصدق إن جاهرت كتمانك

ودّي على حبسها وأخاف لا أجرحها ’
.. .. .. وأنا أدري إن قصدها بـ تريِح خلاّنك ,




.

[مي اللاّفي]

إلي متى بسمتي فـ غيابك بـ تنسرق !
.. .. ..[ تقهرني لا شفتها في وجيه عذّالي ]

وأصّد ما كنّي المسروق وآنا أحترق ’
.. .. .. وإن سولفت دمعتي ماروّقت بالي ,

هي زحمة أملاح وإن حاولت ماتنزرق ..
.. .. .. تجرح جفوني وأنا تعبان من [ حالي ]

[مي اللاّفي]

اللي جبر خافقي يجفاك من بدري
.. .. .. تساقِطْ الدمع من عينك وأنا أشوفه

أنا وأنا بنت قل ّ الدمع من قدري
.. .. .. وشلون رجّال يبكي لي من ظروفه

ياهيه تشكّايتك ماضيّقت صدري
.. .. .. لكَنْكْ رّجال والـ رجّال له نوفه

ماقول كن شخص بالإحساس مايدري
.. .. .. لكَنْ رجّال يقوى حملي إكتوفه

ألعب معه ويحسب إحساب ٍ لـ صغري
.. .. .. وإن جيت أبسابقه يتركني آطوفه

[مي اللاّفي]

قصايدي فيك طل ّ الصبح ماتمّت
.. .. .. أغفى على حرفها متحضّن أوراقي


صديقة الحزن غير الضيق وش ضمّت !
.. .. .. إرفق على حزنها وإن جيت بـ تلاقي


صدر ٍ يضمّ الفضا لو ضيقتك عمّت ’
.. .. .. وإحساس لا أعطاك مايسأل عن الباقي !

كم بنت ٍ أحكي لها حزني ولا أهتمّت !
.. .. .. وأنا اللي أدرى لها لو شانت أخلاقي ’

سمّيتها بـ إخت ْ لكن : ليه ماسمّت ..
.. .. .. فعايلي [ طيب ] صارفته لـ خلاّقي !!

[مي اللاّفي]

أحيان ودّي أنحرم من حاجه ’
.. .. .. عشان أقرّب لا بغيت أطلبها

أحبّ أقرّب لا عقد بـ حجاجه ’
.. .. .. لو تنسكب لي دمعته بشربها

والمشكلهْ إنّه دمعته ماْتواجه
.. .. .. اليا جلس في خلوته يسكبها

وأنا دموعي بـ شوفته درّاجه
.. .. .. مايحتضنها محجري وأغصبها

وتطيح في كفّه وهي تحتاجه
.. .. .. ثم ّ أحترمها وأبتعد مااقربها

[مي اللاّفي]

كانك ترجّى بيت شعر أكتبه فيك !
.. .. .. فـ أنا ذخرت الشعر للي خذيته ’

والا ّ أنت وهم ٍ كل ماحل ّ طاريك ’
.. .. .. أستغفر الله خوف ذنب ٍ جنيته

عوّدتك إنّي لاتأزمّت ماجيك ’
.. .. .. قبل الذي لاضاق صدري نصيته

لنّي كثر ماعشت في حلو ماضيك ’
.. .. .. ولنّي كثر ماليل حبّك سريته ...

بقول لك شيٍ ولا ابيه يخفيك ’
[ ماأرتحت ] لنّك ذنب همت ورضيته ’

[ وضميري اللي في حناياي ينبيك
.. .. .. عن ذنبي اللي لا أختليت وبكيته ]

[مي اللاّفي]

مدام الـ جرح مايشفق لـ طبّـه ..
ـ ـ ـ ـ ـ ـ و لا يبْكِـيني الا ّ اللي أحبّـه ..

يافرح ْ الوقت مالي فيك حاجه ,
ـ ـ ـ ـ ـ ـ علام الدمع ماأغرقني مصبّـه !!

تنرفزني تفاهات الـ توافه ..
ـ ـ ـ ـ ـ ويضيق الـ بال دون أدناة سبّـه ,

والى كشّرت في وجه ٍ ضحك لي ..
ـ ـ ـ ـ ـ صرخ في داخل ضلوعي منبّـه :

( مهب ودّه يكشّـر فيك لكن ...
ـ ـ ـ ـ ـ ـ ـ ياكم ْ حزن ٍ لفح وجه ولعبّـه )

[مي اللاّفي]

أنا أدري إن الشِعـِر ْ لا جاك مايغري ’
.. .. .. لكَن ْ غير الشعر ماعاد لي حيله !


أهديت لك فرحْ [ خمس سنين ] من عمري ’
.. .. .. وعجزان تهديني الفرحه في هـ الليله !!


ليل العنا لا دخل بـ سكات مايسري ’
.. .. .. قل شي ؛ خل ّ العنا يكتم مواويله


تعبت من [ حاجتي ] بس أنت ماتدري ’
.. .. .. وإذا إنتبه خافقك ْ ماقال : وش هي له ؟!


أخاف يادمعتي لا يلْحِقِك ْ قدري ’
.. .. .. وأعيش طول العمر ذكرى وأغني له !

[مي اللاّفي]

ياليت مالك في ّ عرق إيتحرّك ’
........ عشان أسوّي كل شي ٍ طرالي ..


مااقول يمكن هـ السوايا تضرّك ’
....... وأصّد عنها دون مااْشعر بـ حالي ..


لَكَنْ [ حرصي ] لو تشوفه يسرّك ’
........ ودّي زرعته في خفوق ٍ بدالي ..


وأشوف مثلي هـ الأوادم تبرّك !!
....... والا ّ لـ حالي معتبرتك ْ حلالي !!

[مي اللاّفي]

ياليت كل المكان يضيق من حولي
.. .. ويصغر ويصغر ويصغر , يصغر ويصغر


يصير حجمه علينا وطوله بطولي
...... تحاول إتروح عني شوي [ ماتقدر ]

[مي اللاّفي]

أعترف لك : ( مابكيت لـ حال جدّه )
............ لن ّ مالي في شوارعها [ حبايب ْ ]
و
صب ّ دمعي للـ رياض وزاد حدّه
........... يمكن أقضي لو تبكيّها الـ مصايب

[مي اللاّفي]

تخـاف يلحقني التقصـير
اليا خذيته وهو يدرس ْ !


يدرس ولَكـَـنّ ماجستير
والاّ أنت جندي ومتغطرسْ


http://www.tfasel.com/vb/images/smilies/smail.gif

[مي اللاّفي]

محد ٍ وقف جنبي يساعدني [ آعيش ] ..................
واليا وقف / وقفه تحرّض على الـ/موت !!

[مي اللاّفي]

قل ْ العطا : يقتل حماس العشاشيق ’
... وكثر الخطا : يدمي عروق المودّه


ومحبوبك إنّ زوّد مشاكل وتضييق ’
... نصيحتي يومين بـ سكات صـِدّه


يشتاق لك وأنته من الشوق بـ تضيق ’
.. .. .. .. ومردّك بـ ترجع عليه ومردّه ...


... يزفر تنهّاد التفاهات ويفيق ’
... [ ويمد لك كف الوصال وتشدّه ]