ليــالي حلم,, أنيـن ودمعتيـن وناي,,,

[متعب السبهان]

شوفي انا حزني يغطيه الحنين
نبضي عذابات السنين

والبرد ,,,والريح الحزينة

وانتي

تصاوير الحزن

تبقين في وجهي ابتسامة

تبقين في عمري سنابل

من غياب

:

:

:

:









انا ادري

مهو بيدي ولابيدك

تعتّق هالحزن فينا

وصرنا نكتب الضيقة
وتكتبنا
حنين جمّع طيور النوارس

على ايدينا

مهو بيدي ولابيدك

تموت اليوم ضحكاتك
وتنثرنا الريح ونتبعثر
على سكة منافينا

ونرد نحب

مهو بيدي ولابيدك

[متعب السبهان]

باصاحب الحزن مالأحزاننا آخر=دام الليالي تصب البرد بيدينا
لاتذخر الدمع وآتا ماني بذاخر=ولا تسرج الذاكرة ماعاد يمدينا
من عام الأول نعتّق شوقنا الفاخر=كنّي مراكب تعب واحضانك المينا

[متعب السبهان]

لو وقفت في اللحظة

عن الترحال,,

ولو فتشت في صمتي

عن الآمال

ترى كله على شانك

:
:
:
دروبي مثل اوراقي,,,

خذاها الشوق للمجهول
دروبي كلها دمعة
انا

دمعة مالقت مرفا
يجغرفني الحزن
واغفى

وترى كله على شانك

[متعب السبهان]

بالله قلّي لأمتلى صوتي كسور=وشلون اغنّي للسهر والمنافي
عمر الليالي ماتقول انت معذور=لو تمشي بجمر الغلا وانت حافي
زفرة حنين وذاكرة حزن,,وعطور=وحزنٍ اشوفه ينزرع وسط قافي
طيّرت لك من شجرة الشوف عصفور=عوّد علي راسم ملامح تجافي
انا الفقير اللي ملا وجهي النور=وانا الغني اللي دموعي لحافي
احباب ,,رحنا,,وامتلى صدري شعور=واغراب,,جينا,,, ماندل المرافي

[متعب السبهان]

يانوت ,,نامي وخليني مع حزني=بعض الليالي تموت ولالقت مينا
بالصدر غصّة شقا يانوت تخنقني=وازفر وهم حلمنا واشهق امانينا

[متعب السبهان]

ذات حزن وبرد





ماعدت انا مثل ماآنا ياعناويني=من ضيقي احس بإني واحدٍ ثاني
(تكفى على شان قلبي لاتخليني)=آخر كلامٍ زرعه الخوف بلساني
خوفي من الليل لاكسّر جناحيني=وخوفي من الحزن لامن صرت وحداني
هذا حنين المواني ساكنٍ فيني=وهذا قطار العمر مرّ وتعداني
وهذا دفا البرد احسّه بين ضلعيني=يعزف مواويله ويكتب ويقراني
تحسب غيابك بسيط ولايبكيني؟؟!!=لا والله الا شربت الدمع وارواني
ماهزت ظلوع صدرك قولتي ويني ؟!!=خابر مكاني وادوّر يمكن القاني
لو الليالي تحس البرد بيديني=ماكان موتي تمنيته ولاجاني
ولو الكرا بس ليلة يورق بعيني=ماشفت وسم السهر منقوش بأوجاني
زرعت مااحبك ولا عاد تعنيني=وقطفت احبك حبيبي لو تناساني
الموت ماهو ليا من بارت سنيني=الموت طيفك الى من طق بيباني
تكفى ,طلبتك,دخيلك, لاتخليني=ماهي مذلة,, طواري خوف بلساني

[متعب السبهان]

ذبل غصن القصيد ولابقى غير السهر يانوت=لك الله يابعد روحي مــ /عادت للشعر قيمة
انا ادري ملاني هالحنين ولابقى بي صوت=ولكن الزمن يدري ,شحيح اصواتنا شيمة

[متعب السبهان]

صاحبي والحزن لاعيا ينام=ولوّحت بالذاكرة كف الرحيل
ارسم احساسك على الظلما مدام=خابر ان الليل لاشتّا طويل
صاحبي والليل عدّاه الملام=(دام له ميعاد مازاره خليل)
صاحبي كم لي وانا ماني تمام=اسألك وادري جوابي مستحيل

[متعب السبهان]

باقي علي دمعتينٍ واوصل المنفى=ماهي كثيرة على عيوني ولاغيابك
مبطي وعمري سفينة مالقت مرفا=متى على الله تضف غصوني اسرابك

[متعب السبهان]

من زاوية وأد الايام لقناعاتي=شفني براس التعب رزّيت راياتي
ياصاحبي والحزن رحلة بلا رجعة=تنخر عظامي واتنقش آخر ابياتي
احلام تمشي على دربك بلا وجهه=تزرع عيوني حنين وتقطف آهاتي
كل المواني تعب وانفاس مزدحمه=كل المواني تجغرف لي نهاياتي
تتمرّد الريح في صدري ولاترحم=والناي غنّى على لحن انكساراتي
لبّسني الحزن طبعٍ ماهو بطبعي=خلاني امشي على عكس اتجاهاتي
لو شفتني في غيابك كيف انا اتكسّر=وانادي الموت مايسمع نداءاتي
مامات شمعي ولا ولّلعت فـ /ظلوعي=وماكان هالدمع يملابي فراغاتي

[متعب السبهان]

انا اللي حرثت الليل ,,ماانبت الغيّاب=وانا اللي ملت وجهي(افا) عقب غيّابي
بعيد الهقاوي لو خذل هقوتي احباب=صبورٍ ولو جتني طعوني من احبابي

[متعب السبهان]

لو الليالي تحس البرد بأحداقي=ماشفتني انكسرت ولا اختلف لوني
طيّرت لك من زوايا الشوق بأعماقي=شمعة وذكرى ودمعٍ شقق جفوني
الشوق,, لو تدري الغيمة عن اشواقي=كان امطرت شوفتك واخضرّت عيوني
ماقول ساحت دموعي وملّت اغراقي=اقول طاحت متوني من على متوني

[متعب السبهان]

كن الليالي ماتبي غير طاريك=وكن الليالي حالفة ماتخونك
حبيبتي وان طاح دمعي على ايديك=طالبك ضمي دمعتي في عيونك

[متعب السبهان]

الليل حضن الجروح,, ودمعة المجفي=ماحاول الضبح يحضنها ويقراها
البارحة ذاب شمعي وانكسر كتفي=واخضرّ عود المدامع وانتثر ماها
برد المنافي تحسّه دمعة المنفي=وبرد المحاجر عيونٍ تقصر خطاها
بالذاكرة صوت يشبه همهمة حرفي=وطفلة نبت اسمي واسمك على شفاها
لو الليالي تحس الحزن في حرفي=مامات حلمي على حيطان مبكاها
امشي وصوت المواجع اسمعه خلفي=يقول حرّة دموعك كيف تنساها
واجيك كلّلي واعوّد فاقدٍ نصفي=وتشيب عيني سهر ويخيب مسعاها

[متعب السبهان]

قولي ياحياتي مــ /انكسر لحني=لازلت اجرّ الليالي لحن لعيونك
ولازلت اكنّك غلا والدمع يفضحني=ولازالت اسراب شوفي تنثني دونك

[متعب السبهان]

ياكثر ماعللتها بصدق الاحباب
نفسي ولكن بالاخير،،خذلوني
وياما من الطعنات بيدين الاصحاب
وآشيلها ،،،واقول ابد ماطعنوني
شاعر وفي ذاكرتي اصوات غياب
راحوا ،،ولاادري كيف راحوا بدوني

[متعب السبهان]

تسأل عن الحال؟!! تكفى وفر اسألْتك=مبطي نسيته زمان الذل والحاجه
كنت انتظر كلمتين وماتخيلتك=تقفي وليل المواجع توقد سراجه