قصائد مبعثره .. [الأرشيف] - منتديات أبعاد أدبية

أمجد الدبيسي

04-30-2010, 04:04 AM

http://tbn3.google.com/images?q=tbn:A8WvXLr1UUhGJM:http://i219.photobucket.com/albums/cc166/recado/glimboo/tristeza/0032.jpg

اول اللقاء ليس كـ آخره

ريح السواليف

يومه وعدني باللقا ليتني غبت=ولا شفت شيٍ يِتعب اللي يناظرْه

انا الذي في سالف الوقت ماهبت=الا قباله باللقا يوم اخاشرْه

ماكنت انا مجروح ولايوم انا طبت=اصعب شعور يمرني من محاجرْه

تزهر شفاته ورد ومنّه تطيبت=لافاح من ريح السواليف عاطرْه

شربت فيه الوصف لاما تسربت=بين القصيد ولا ارتوت به مشاعرْه

من قصة الاسبوع وابداية السبت=انا خذيت من البدايات لآخرْه

لأجله ورى نفسي بشوقي تلاعبت=اغمض عيوني وبالوصل اسافرْه

وصدقني الموعد وانا فيه كذبت=وبيّحت منه الدمع وضاقة معابرْه

موعد يشتتني وانا له ترتبت=وبعثرت له عمري بشنطة مغادرْه

وقلت بشجن ليلي وياسيدي اذنبت=وقفا .. وانا ذنبه لك الله غافْره

جيت بشبابي لين بموادعه شبت=لني لقيته شي ماني بخابرْه

وآخر اللقاء ليس كـ اوّله

أمجد الدبيسي

04-30-2010, 04:07 AM

http://tbn1.google.com/images?q=tbn:Sx7p223nZxmpOM:http://www.adasaty.com/droos/droos-pics/lightning-1.jpg

الخوف

يسكن بجوفي خوف والخوف نوعين=خوف الفراق وخوف طعم الخيانه

يابو نبيل وصاحبك خاف الاثنين=عزاه ياشيخن تعرض لاهانه

ياليت اوكل للعلاقه محامين=لأطلب من القاضي لقلبي إعانه

حنا خلقنا ياالأوادم ضعيفين=لاتامن القاسي يبين ليانه

والحب مايعرف شيوخ وسلاطين=كنه طفل طارح عليك الميانه

والعاشق اللي يقضي الليل ليلين=اكيد خله غاب واخلا مكانه

ياصاحبي واللي طريقه على الزين=صعبه من المحبوب يفقد امانه

وانا فطين وقادر ألعب بحبلين=واعطي فؤادي مانقص من حنانه

لكني اكره من سقى فكرته شين=وش كان يخسر لو فزع في ظمانه

ياعيشتن تشبه لعيشة مجانين=فعلن اشوفه غير هرج بلسانه

يفز قلبي لا سمعت المذيعين=احساسي ان الغالي مصدر بيانه

ياخلي المزيون قلي على وين=رزقي على الله لكن انها جبانه

يرضيك خلك ضايعن بالميادين=انا ادري انك جاهلن بالبطانه

وأبقى اعيش وفيني الخوف خوفين=خوف الفراق وخوف طعم الخيانه

أمجد الدبيسي

04-30-2010, 04:10 AM

http://tbn0.google.com/images?q=tbn:gYm4gXGtWiUTgM:http://up2.m5zn.com/photo/2009/4/9/09/udtzovhly.gif/gif

القهر مبدع

ماعدت ياضيقي تطيق الازارير=شقيت صدري وابتديت بسهوله
صفيت لي احزان قلبي طوابير=ودمعي على خدي بديت بهطوله
بيّحت سري وانت بعيوني البير=وسارت بك الخطوه لهمي عجوله
في بنك صبري مالقيت التباشير=ولا تنفع لاوجاع قلبي عموله
لو بانت الفرحه على نغمة الطير=يبقى على الاغصان للحزن دوله
ياالله عسى تاليك ياضيقتي خير=سافرت وعزومي تصيح مغلوله
تبغى لرجوعي حظ يقوى المشاوير=وحزني على هالدرب تبكي كهوله
الحزن ويّا الابتسامه مخاشير=كن القهر مبدع وهُم صفقوله

أمجد الدبيسي

04-30-2010, 03:51 PM

http://tbn3.google.com/images?q=tbn:7yE_AfMubHBOfM:http://4.bp.blogspot.com/_yLZbNalj3RA/SdZNHKmfPzI/AAAAAAAAAls/uD4ytD0pyRk/s400/2318342686_1a2f5a92e3.jpg

زمان الطفوله

الله اكبر يازمانٍ فيه كنا بس نغني=((لاتخافي لاتخافي نحن ابطال المطافي))

آه يا ذاك الزمان اللي عطاني قد سني=ايه اخذته عرض وطول ولا دعست الشوك حافي

بسكليت وكمبيوتر والمشاكل يشربني=طفل فاتقها وكنه ما فهم من قال كافي

ومرة ايام الطفوله وانا داله واحسبني=ببقى في جو البرائه لين بانت لي خوافي

اتضح من كان همه بالمصايب يمتحني=ولّ يادنيا العجايب كن ما بالكون وافي

استشرت العقل جاوب قال والله ماشحني=إي و انا اشهد ماشحني يبقى هالطيب اختطافي

لكن اني ببدي علمٍ والقصايد هيضني=واحكي عن قلبي وعن دنيا المحبة والعوافي

لاجل اريّح شعري عن درب العواذل والتجني=ايه انا حبيت والله والحبيبه قلب صافي

طاهره متعاليه والليل يطربه التغنّي=ويعذر القلب المولّع من لها بالعين شافي

التعامل مع حبيبك يجبر الخافق يحني=اختلاف الناس زايل يوم يبدون الطوافي

اقسم بربي من اللي حبته صار متهني=جوها مقهى رومنسي صوتها كاسين كافي

والقصايد لاجل عين الزين دايم يحتمني=والغزل كنه همس لي ابتكر فيها القوافي

وفكري لصوب الحبيبة ماعرف أية تأني=طاير وكني بموتر ساريٍ والنور طافي

وكل ما أسرجت المعاني هالقصايد هن يجني=وابتدي فيها القصيد وللجماهير انتصافي

وياما داعبنا الغياب وضيقي بالخمسه لطمني=وادعي الطيف الحسيني وابتدي معه اعترافي

وانتذكر كيف كنا بالزمان اللي فتني=قبل هذا الوقت قبل الضيق مايبدى إلتحافي

لكن اني بعد اذن الكل بختمها واغني=(( لا تخافي لا تخافي نحن ابطال المطافي))

أمجد الدبيسي

05-01-2010, 05:11 AM

http://t2.gstatic.com/images?q=tbn:qoDCUCJItFH_yM:http://www.oujdacity.net/img/700/data/ocv2/images/20070426-163852-oujda-coran2.jpg

يقول الله سبحانه وتعالى " وَذَكِّرْ فَإِنَّ الذِّكْرَى تَنفَعُ الْمُؤْمِنِينَ"

من واجبات المسلم على اخيه المسلم التذكير .

هنا ابيات ربما كان هذا وقتها ووقت اطلاق صراحها

لن اتحدث عنها لانها تغني عن الكلام

لكم كما هي

.....

الشعر ماهو بس بحرٍ وقيفان=اصله رساله والرساله مثوبه
تخيلوا مْن اليمن جات نيران=والاعور الدجال يبدا هبوبه
ويطلع لنا المهدي على صدق الإيمان=ويسرح بنا الثعبان والخوف صوبه
ثم يختفي الصالح ولافيه قرآن=ويُهدم شموخ الكعبه بكسر طوبه
ويطلع لنا يأجوج ومأجوج الاخوان=ويبدا الفساد وياللعوبه لعوبه
والاّ ابْن مريم ينزل بشوف الاعيان=والنور يطلع للملا من غروبه
تدرون ويش اللي بقوله بالاوزان=مايقبل الله وقتها قول توبه
تدرون ويش اللي بقوله بالاوزان=مايقبل الله وقتها قول توبه
تخيلوا لو نلحق الوقت بإحسان=وكلٍ يكفّر عن سوايا ذنوبه
ينسى الهموم اللي بدنياه الاحزان=الدين ثوب اللي يبي لبس ثوبه
حنا بشر نخطي ونطمع بغفران=وننسى بان الله شديد العقوبه
اللحين ذكرى لكن الغد نسيان=وندري حساب النفس ما احدٍ ينوبه
يا الله يارحمن ياعالي الشان=تهدي قلوب الناس نوبه ونوبه

الذكرى لاتنفع سوى المؤمنين .

لا امانع من نسخها والتذكير بها

فهي لكم

أمجد الدبيسي

05-02-2010, 12:23 AM

........................

يآقصيدي وين رايح ملّت افكاري طريقك=اعكس الدرب وتوكل مطفي الكون بأذيّه
صف جن الليل . داهم . يكفي شعوري بريقك=اشرب المأكول حاول تاكل مْن الشاذليّه
صفق برمشك هويدا وازعج بعقلك رفيقك=انطح التفكير واغنم وارخص الفآيض هديّه
ازعل اشره لاتبالي طبطب بزفرة شهيقك=دندن اذن لاتصلي شرق والقبله خطيّه
غوص في بحر السما خل المسآفه ماتطيقك=واقتل النفس الخفيه ماورى المجنون ديّه
لي متى لبسك تساوى مع بقاياك بفريقك=كم تحظن وجه نورك ليل مايملك هويّه
كم اكيل مْن الكتابه . مآوصلت اول عميقك=كم رفعت الصوت سآكت ماعلى دربك عليّه
يآقصيدي باكسر افكاري توكل بل ريقك=خلني بجلس دقايق او دقيقه او شويّه
القلم وآقف وحآير باتسآعك مع مضيقك=والهوى باربع جهاته شربكه ماهي سويّه
اختصار الموت كله مانجى البآرح غريقك=والصباح امسى يناي ماعلى المجنون ديّه

.................
المكان. ركن الشعر
الزمان. 4/27 فجرا
22/1/2010

مآعلى المجنوووون ديّه

أمجد الدبيسي

05-02-2010, 09:23 PM

سنوات الضياع

مسلسلات الغـرب وسـواس خنـاس=علمـان والعلمـان قـدر الدواعيـس
(نور ومهند) قصـةٍ توجـع الـراس=و(لميس ويحيى) حقهم زود تخسيـس
عزالله ان الـراس مصقـوع بالفـاس=الفكـر جولـه بالرذايـل دنافـيـس
والعقل حطوا فيـه مليـون وسـواس=وش شغلتك يا ابليس غير الوساويـس
عاداتنـا بـأردا التعاريـف تنـداس=وصار التطور بالثـرى والدحاليـس
يامحمد الموضـوع يبقـى بكـراس=وانا نثرت شعور وسـط الكراريـس
حبيبتي حبيبكـي حيـل حـسـاس=وحبيبـي اشعلّـك بليلـي فوانـيـس
هذا هو التفصيـل والوقـت بلبـاس=وانته على مـا تشتهـي ناظروقيـس
جونـا بغـدرٍ يشبـه لغدر جـسـاس=ياجعـل عيـن مأيديهـا غوامـيـس
وياجيلنا ما انت بعلى سابـق السـاس=تحتاج من هدي النبـي زود تأسيـس
ول يا فؤاد اذكرك بالعـام محمـاس=وش وقعك بين العقـول الملاحيـس
هيّه كذا للـي بغـى العلـم نبـراس=ماهو كـلام يخالطـه نهـج تدليـس
بأرض القصايد قلـت ياهـوه يانـاس=تدرون وش صاير بخلـف الكواليـس
الغرب همـه يخلـط السـم بأنفـاس=ويظمنا لأهـل الحظـوظ المناحيـس
ويبغى يبعدنا عـن الديـن باخسـاس=وعقولنـا مـن فلسفتهـم متـاريـس
يامصاحب الخنزير ويامصاحب انجاس=من وين ما وجهة تلقـى الجواسيـس
وتصير في بحر الرذيـلات غطـاس=وتجني مـن الفنـان دق المراويـس
ودمك خذا من دم الانـذال الادنـاس=وما حولك الا وجيه سـود ومعابيـس
ابنصح ونصص كلامـي بالاقـواس=ابعد عن مصاحب عقـول الاباليـس
واجعل لكل اشيائك حسـاب واقيـاس=لاتصبـح بدنيـاك ظمـن المفاليـس
ولاتصبح شفاتك مـن الديـن يبـاس=منبـوذ ياعايـش بدنيـا المطافيـس
ومن ما حصل دقيت بالشعر الاجراس=قصدي يفوق اللي غشتـه الكوابيـس
وسلم على اهل الدين جانين الاغراس=هم رافعين الـروس عـز ونواميـس
وهروجهـم درّن وياقـوت وألمـاس=تهب فـي قلبـي سـوات النسانيـس
واختامها صلوا علـى سيـد النـاس=هـذي نهايـة خطنـا بالكـراريـس

أمجد الدبيسي

05-04-2010, 05:44 PM

http://tbn2.google.com/images?q=tbn:9CmSA0SQkJ-zJM:http://i185.photobucket.com/albums/x79/cotw_2007/My%2520Photos/Photos%2520of%2520all%2520Capitals/Riyadh.jpg

شوف الورد

بين العالم والزحمـه=شفت الزين وينظرلي
ماطب العين الرحمـه=ونيّة قلبـي يهجرنـي
انثر شوقـي ويلمـه=وأحلف انـه آسرنـي
هي جادت فيني امـه=لكـن بيّـه عزرنـي
واضح طبعه من دمه=بنصف الشهر يذكرني
شفت المعطف بيظمه=قلت المعطف قاهرني
جيت اتحايل بآخمـه=بنظرة عينه حذرنـي
شوف الورد بلا شمه!!=قولت غمّض واسهرني

أمجد الدبيسي

05-04-2010, 11:30 PM

باقة الناس للناس

الجادل اللي جيتها طيـر قرنـاس=سجّل عذابي في خفوقـي هدفهـا
زرعتها ورده لهـا روح وانفـاس=وجاها على درب الردى من قطفها
راحت معْه في باقة الناس للنـاس=مجهولتي غيـري بسلمـه عرفهـا
ما للعْمر بيـن المخاليـق مقيـاس=احيان تبقـى روح ميّـت انفهـا
اللي خسر ماينفعه ضرب الاخماس=والخمس مبتـوره بليّـا شرفهـا
سميتها ماضي لـه لسـان مـلّاس=وكل العتب ماهو على اللي ولفها
ولاهو عليها يوم راحت بلا سـاس=على الذي لجروح قلبـه وصفهـا
اغنيتها وطشت يديهـا للافـلاس=عقب الاريج تفوح ريحة سلفهـا
الحقد مايضرب عليها بالاجـراس=الله يهنيهـا مـع اللـي خطفهـا
متكاملـه اول معايـه ولابـاس=قتلـت بابياتـي نهايـة طرفهـا
الورد عاده لاذبل غصب ينـداس=حتى الثرى له حق لـو يلتحفهـا

http://www.ab33ad.net/vb/showthread.php?p=635935#post635935

أمجد الدبيسي

05-05-2010, 12:10 AM

http://t1.gstatic.com/images?q=tbn:urt5f0Euk_AQGM:http://images.vip600.com/msn7a.gif

على المسنجر لو تبي ألف مزيون=سهله!! ولكن وين دينك وغيرتك
يكفي على قوقل يعيش ألف ملعون=وابليس همّه بس ينفخ لجمرتك
يآتحترق يآتكون كذّاب ملسون=وانته على ماتشتهي شوف حيلتك
حنّا بزمآن الضيق والغدر والدون=جرّب تجمّل بس سآمح جميلتك
بتجيك في ظهرٍ من الوقت مطعون=وحآول ماتستغرب لآجت من قرابتك
صآر الوفى نآدر ولا يشكّله لون=مثل الذي كلّفك فوق استطآعتك
بتسوقهآ والنآس مثلك يسوقون=لكن تجوّد يوم تمشي بطارتك
دنيا بها الصآلح غدآ حيل مغبون=يالآخره ودّي بحضرة سعآدتك

http://www.ab33ad.com/vb/showthread.php?t=23694

أمجد الدبيسي

05-05-2010, 08:17 PM

http://t2.gstatic.com/images?q=tbn:tceGlek58dcqvM:http://m002.maktoob.com/alfrasha/ups/u/6668/7525/100857.jpg

انتي الصبح وقت العيد
وانتي العيد وقت الصبح

عايديني
هني الخافق بشوفك
عايديني
خلي الاعياد غيره
واملكيني بالحلاوه
ياحلاوة يوم عيدي
عايديني
خلي الخافق يبشر
عيدي بيدين عيدي
ياطفلتي عيديني ثاني
يوم انا ماسك يدينك
كل عام وانتي. الخير
والخير انتي بكل عام
عايديني
بالثواني والدقايق
عايديني
بدونك الاعياد ماهي
عيد.. والعايد يعيدي
عايديني
يآآحلاوة يوم عيدي

...

http://t1.gstatic.com/images?q=tbn:shqtcXFJPD9THM:http://rafaatdeeb.files.wordpress.com/2009/03/user1363_pic878_1231971422.jpg

العيد روّح وانتي توّك تهنين!!=لاوالله إلا جبتي العيد ثاني
والصدق يوم انك لفيتي تغنين=حسيت بان العيد توّه لفاني
كل عام وانتي بخير ياقرّة العين=وكل عام احبك. ياقصيد واغاني
من بعد غيبة شوفتك وش تضنين=ياروّعة الدنيا وكل الاماني
حذرا تقولي لاهيٍ بين لاهين=والله ماغبتي لو انّه ثواني
غلاكي مخلّد مابين الشرايين=واسمك احلي فيه دوم بلساني
تو ابتدا عيدي مدامك بتبدين=احساس شوفك بالسعاده كساني
والعطر .ضحكة حاجبك. والبساتين=سوالفك . والغيره احلى مكاني
ما نحسب حساب البشر مثل طفلين=توالفوا بين البُكا والحناني
كل عام وانتي بين قلبي ومابين=اغلى السنين الماضيات بزماني
كل عام. وش كل عام بين المحبين=بأموت احبك والحكي شي فاني
العيد هذا العيد يومك تهنين=ومن قبلك اصلا بالفرح ما لفاني

كم هو جميل
احساس العيد بعد العيد
كل عيد وانتم عيد

أمجد الدبيسي

05-05-2010, 08:19 PM

http://t3.gstatic.com/images?q=tbn:AQkTWVYHj6PK9M:http://www.q8romance.com/images2/7zn1/8.jpg

يابنت تدري ويش ضيعك.. فكرتك=وكلٍ على دربه تمشيه الاقدام
ان كان فرقا خلك اسباب دمعتك=انا سبايب دمعتي وضع الاسلام

أمجد الدبيسي

05-06-2010, 10:15 PM

ياغرورك

ياحبيبٍ وقف المحبوب سورك
ياغرورك

ياذرابة شيخ مانقوى غرورك
ياليانة عود مانقوى غرورك

ياغرورك

يامسافة درب ,, مايقوى مرورك
يتراعد ,, كل مايقبل حضورك

ياغرورك

شع نورك في ظهورك ,, واجتمعنا في سرورك
ياغرورك

لو فكوا الاجناب باب ,, واعلن الخير الذهاب
وابتدا ليل اكتئاب !!
يبقى طهرك لي جواب .

يـاغـرورك

مركب غرامي مايبي غوص وابحـار
مركب غرامي مرهف احساس وشعور
واليا صدفتـك يلعـب بداخلـي طـار
واحلا المعاني تلـف بالقلـب وتـدور
وافجَـر افكـاري وابيحلـك اسـرار
واملا حياتك حب واشـواق وزهـور

يـاغرورك

,,, تدري اني بالحب دكتورك ,,,
انا يومك مع شهورك ..
وانا سنينك مع عصورك ..

ياغرورك ...

ياماخذٍ قلبي وطن ماتشوفني زايد امن
عرشك الجذاب حن ومن حضورك يستكن

يـاغرورك

غطى عليهم هالملا نور صبحٍ ما انجلا
وقربك لاحساسي غنى

يـاغرورك

لو يسير الحسن سير !!!
وتقلب الاشكال غير !!!
يبقى شموخك في حضورك .

ياغرورك ...

ياعجيبه ,, يا انيقه ,, ياحبيبة شي اطيقه
الحروف بكلـ شوق
تعطي الخصلات طوق
وينفتح للحسن سوق
.. وتحظن الباقه زهوركـ ...

ياغرورك ...

من لقيــــ في ضميري احتويتك ــــتك
ثم فديتك .
ويامشاركني بقوتي .. لنبض قلبي انت قوووووت
ولو يجي للوقت فوتي عن نون عينك ماأفووووت ..!!!
ويامعدلي مزاجي ... تنكتب فلة حجاجي ... يوم تشعل بك سراجي
وآتلذذ في كلامي
ويعلن الحبر استلامي
واتفــنـــن في غــــــروركـ ..!!

ياغرورك ...

في بسمتك مليون كــلمه
يــضيع المرســـول علمه
آآآآهـ ياوردي ولمه
شفني ضايـــع في غروركـ

ياغرورك ...

استباح الصعب لجلك
وصار كلي فيك كلك
وقلبي جالك يعترفــلك .. تزخـــرف اوصافــك قـــصورك

ياغرورك ...

ياليلة العــشــاق فــيكي
قلب صافــي يحتميكي
ياليتني بيوم انطويكـي
يمكن العالم ورايه تاخذني وياك بحكايه
ويعم خيرك في سمايه
آآآآآآآ هـ ياسطوة غروروكـ

ياغرورك ...

اضيع احيـان وتسعفنـي بشـورك
وافوح بالعقـل وتفـوح بعطـورك
وتلمنـي كلـي وتجبـر زمـاني
وادور في نفسي وارجعلك وادورك

ياغرورك ...

تدري اني يوم اجـــيلك
اتوقـــتك من قبل اثـــورك
وتدري من تطــري واخــيلك
اعشق ترابٍ ضــمت جذورك

ياغرورك ...

روق قلبــي من يروقـــه
وقاف اوقـــه حب آيق
وشاف شوقه من شروقــه
واخلف عروقه ساق سايق ..
وانكبتي في غيابي
وانـــفــجرتــي في غـــروركـ

ياغرورك

؟؟؟؟؟

أمجد الدبيسي

05-08-2010, 05:52 PM

صووووت

ودعتك الله يامسافر على خير=يالله عسى ترجع لنا بالسلامه
ياصاحبي يا ابن الوجيه المسافير=يالله عسا عودك عزيزٍ مقامه
علمك علومٍ للرجال المناعير=ومثلك يا ابوصياح حق احترامه
بصبحك برسالتي تسبق الطير=قلبي يخصك يالغلا باهتمامه
صحيح ماتوفي معاك التعابير=وقلبي فبعدك ماعليه الملامه
تبغى تسافر للديار المناوير=وكلٍ بعدك يعض باصبع بهامه
بوصيك يا امجد لايجي منك تقصير=مثلك ترى نشتاق يوصل سلامه
وانت الوفى طبعك تميز عن الغير=يحفظك رب الكون عن كل لامه

اسامه العروي الجهني
المدينه المنوره

...
صدى

اهلا هلابك يارفيق التباشير=ياللي مع اهل الخير باقي دوامه
محتاج في ردي كثير التفاكير=حتى يكون الرد فيه استقامه
بنات فكري يوم جنّي طوابير=ازريت احصّل مايوفي اسامه
اسمك لحاله يوم جته التفاسير=اثبت لي ان الليث معك انسجامه
وشلون فعلك يازبون المعاسير=عز الله ان البعد عنك ندامه
لو فرقتنا يالبناخي مقادير=يبقا لك المقدار فوق العمامه
غلاك مايحتاج له زود تسطير=في راس عيطا مسكنه بابتسامه
واختامها جتك التحايا المعاطير=عسى الولي ينجيك يوم القامه
امجدالدبيسي الجهني
تبوك الورد

أمجد الدبيسي

05-08-2010, 11:15 PM

http://tbn3.google.com/images?q=tbn:4hsDGlz79hxK5M:http://lazeeez.com/articles/1233749560.jpg

طاعة الله

يانفس كافي كل شيٍ تبيّن=كثر الخطا ماهو عليه اتفاقي
طرد الحياة بعين معتوه هيّن=ومرتاح من هو بطاعة الله شاقي
شخصيتي وسط الحياه .. المطيّن=مثل النخيل اللي بليا سواقي
حاولت في ماض التفاكير .. عيّن=واليوم فيني عزم وزاد اشتياقي
للدين ولاغيره وزيّ التديّن=من قبل يلفي الموت واموت .. باقي
على الجفا والبعد وهم التليّن=ماني بحمل ذنوب منها احتراقي
باقلب دوائر فكرتي للمعيّن=لين الزوايا تنفرج لاختناقي
تحت التراب الوضع ماهو متزيّن=ماعاد فيها . لو . يالت . هاقي
باقابل اعمالي وماهو متشيّن=وفيها يزيد من الفراق اعتناقي
يالله طلبتك كان هالضيق بيّن=تجعل على ماقيل فيه الفواقي

أمجد الدبيسي

05-11-2010, 11:32 PM

يا ذالموبايل غايتي صوت نغمتـك=النغمه اللـي خصصـت للمحبيـن

كل الشعور تفز فـي وقـت رنتـك=وتكثر سموعي لوّهي بـس ثنتيـن

ومع موجة الارسال تنساق رقتـك=يامن هواك القلب والفكـر والعيـن

ونغمة عبادي قالت بـروح دقتـك=طال السكوت وهو متى بس تحنين

وسكت غرامي ماتبي غيـر سكتـك=السكه اللي ماتعـدت علـى الديـن

واللي انعقد من هاجسي فيك مفتـك=وعلمن حصلي في مسا يوم الاثنين

في موعدك والساعه تقول تك ,, تك=تصرخ تصيح بكل شوقي على حين

الصوت في قلبي وشوقي بشوفتـك=وهذا انتظارك ماعرف لحظة الليـن

وانا اخايـل شوفتـك مـع اناقتـك=صعب اتحمل هم مع حالـة البيـن

غبتي وجاني الطيف دخان عفتـك=وتشكلوا في بالي النـاس والديـن

وعقلي خذا فنجال من ثقـل دلتـك=يامن يعوض غيبتك ميـن وياميـن

واقـول لامنـي ذكرتـك بهمستـك=يا ذالموبايل نغمتـك حسهـا زيـن

أمجد الدبيسي

05-21-2010, 08:02 PM

اقل تعبير عن الحب هو التعامل اللطيف
واكثره التضحيه

/

المحبـه يالحبيبـه تطلـب شويّـة غِــذا=يا بجلسه يا بنظره يـا بمرسـول الموبايـل
لاطلبتك شي قلتـي هـذا ياعمـري إذا !!=وآنا في وادي غرامك من عنا الاشواق سايل
قد حلفت اني بدربك مشيتي خلفك حِـذا=لايتعكر صفو حبك .. قد ملكتي قدر هايل
من زرع ورد بخفوقه تخرج انفاسـه شـذا=ومن بنا واخطى اساسه يبشر بكثر التمايـل
صدتك يابعد عمـري ماهـي وربـي أذا=صدتك معنا الهلاك وخيبة رجال القبايـل
جا قساك وجـا عنـادك وابتليتينـي لـذا=باجمع شْموخي وابرحل واعمل فبُعدك عمايل
وان سئلتي ليه ردي كيفي ياحلوه .. كـذا؟؟=يا تجي مثل الحبايب .. يا لحملي ألـف شايـل

/

قد يكتفي الحبيب بالاحساس
ولكنه بشر ويطمع

أمجد الدبيسي

05-25-2010, 07:19 PM

/

سبحان رب الكون قسّام الارزاق
....... اعطى ضعيف النفس مال وحرمني

/

أمجد الدبيسي

05-25-2010, 07:26 PM

/

دكة اوجاع

تركتنـي ياصاحبـي دكـة اوجــاع=فيها اتجمـع صحبـة الهـم والضيـق
متخالفيـن الـراي لكـن بالاجـمـاع=وجوب هلّ الدمـع مـن دون تعليـق
حزني اكيله صاع وآضيـع بالصـاع=ألقانـي وارجـع للعنـا بالطواريـق
واقول يافارد علـى بحـري شـراع=وصّلتـك المشـراف بيـن المعاليـق
وذريتك بغابـة فـرح مابهـا خـداع=ماهـي بمحـدوده بشيـح وزماليـق
ثم غبت ما ادري ذبت من دون مرجاع=وانا الذي مـاذاق ولـو بلّـة الريـق
ان قلت فيني صداع مافينـي صـداع=فيني انهيـاره مـن علـو الشواهيـق
فينـي قفيـرٍ نامـوا عيالـه جـيـاع=وفيني قهـر وهمـوم ليـلٍ مطافيـق
فيني وشو اللي ماهو فينـي وينصـاع=روحتك سوت مـن دوعـي ملاحيـق
ياصاحبـي تركتنـي مـثـل بـيـاع=عنده سلع تحتـاج للخلق تسويـق
تعال او خذنـي ولـو مثـل الامتـاع=معاك فرحة ليـل وصبـح التوافيـق
معاك دنيـا تهتنـي بيـن الاضـلاع=معاك درس احباب والصـدق تطبيـق
ادري رخيت العين وقفلّـت الاسمـاع=مـاودّك بطـاري يـزوّدك تشـويـق
ان كـان دور البُعـد لافيـك بإقنـاع=برثي زمان طويق ومن كان بطويـق
تركتنـي ماتـدري انـي بالاوجـاع=اصافح همومـي ويصفعنـي الضيـق

أمجد الدبيسي

05-26-2010, 03:25 AM

قالت وش اكثر شي فيني تحبه
..............قلت : انتي انتي مثل ما انتي احبك

أمجد الدبيسي

05-26-2010, 10:22 PM

شعور الليل والغربه وضيق الصدر يالغالي=تزول بنظرة عيونك تعال وناظر عيوني
سرجت الفكر بابياتي وجيتك فوق موالي=اناديك بصدى قلبي ولكن خابت لحوني
انا جالس هنا جنبي واوآسي حالي بحالي=عليم الله ضايقني زمان يشيّد ضنوني
ترى من فطرتي اكره علوم القيل والقالي=ولكن صرت ألاحقها مابين العقل وجنوني
اهذري بك بصبح وليل واسئل عنْك جوالي=قسى كل شي ياعمري قسى حتى تلافوني
احبك قد ما ليلي من افواه البشر خالي=احبك قد ماتمشي عيون الناس في كوني
احبك قد ما اشعر بحبك اول وتالي=احبك قد ما احبك دبل ياضحكة سنوني
احبك قد ماحبري يضيّق كل عذالي=احبك قد ماربعي من الغيره تناسوني
احبك قد مالفرحه تحبك دايم فبالي=احبك قد مانفسي تكون اللي ينادوني
شعور البُعد والوحده ودمع الليل يالغالي=تراك انته سبايبها تعال وكفكف عيوني

أمجد الدبيسي

06-02-2010, 12:47 AM

مدخل
بالدار جني وجنيّه=والفكر تتراقص جنونه
يالليل مافيك حنيّه=والصبح مانعرف لحونه

(( وجه وظفاير ))

مليت من غربه وترحال وهموم=ومليت من فكري ومن حال جاير
حتى المكان اللي انا فيه ملزوم=مل التعب كنه يهل العباير
احيان اخاطب ماكويته من هدوم=واسمع صداها بين لعب الستاير
اسكت وعيني شافت علوم وعلوم=ناسٍ تجي وتروح وسط العواير
مشيتها ياما على بالي حلوم=لين اتضح مابين وجه وضفاير
لاياصديق القوم لاتعلم القوم=خل الذي صاير ولاكن صاير
هذا المطر ينزل وحنا له غيوم=والخوف ماله دار بين الزراير
خلك كذا انسان بالحس معدوم=والا تذوق من الدواير دواير
حنا رفاقة درب محتاج لعزوم=ولانحسب حساب العنا والخساير
الصبح كنه من قسى الليل ملطوم=والناس ماعادت تحب البشاير
ياصاحبي مجلاسنا كله نجوم=وذاك القمر واقف ولاهو بحاير
واللي تشوفه صدق لا مانت موهوم=سولف ترى مافيه ضيق وعزاير
ديارنا غربه ومجلاسنا هموم=بنعيش ولو هالوقت بالحيل جاير

مخرج

يالله تفرج عن السهران=اللي قضا وقته يحاتي
مشتاق لمصافح الاوطان=والخوف كله من الآتي

أمجد الدبيسي

06-09-2010, 11:28 PM

http://tbn3.google.com/images?q=tbn:K3fvRfqnX_JgZM:http://arabiclenses.com/gallary/data/505/DSC_10047654.jpg

اهلاً هلابي عدد ماتطلع القمرا=واعداد مايسهرون الليل حّبيبه
كيفي بهلي بنفسي والبشر تقرا=والنذل يبطي ابد مايوم اهلي به
وللدفتر بقيّه

أمجد الدبيسي

06-16-2010, 09:25 AM

http://t2.gstatic.com/images?q=tbn:mZjCKZOp9S08NM:http://www.9or.cc/data/media/71/e93.jpg

اقبلت والخير يدها ساع مدّتها عليّه=صافحتني وابتدت غيرت يساري من يميني
ليت يديني يمين!! او ليتني كلّي يديّه=بحظن الورده مثل ما احظن الصوره بعيني

أمجد الدبيسي

06-21-2010, 08:50 AM

بعد اللقا ومصافح الكف بالكف=اصبحت امد الكف لامرّ طيفه
لا لا تقول الله على العقل يخلف=هذاك ربي ماخلق له خليفه

أمجد الدبيسي

06-23-2010, 04:22 AM

7

7

7

7

لا تشتكي ياقلب ولو حولك احباب=ما احدٍ ضمن وش بآكر يصير ويّآه
هذا الزمن مايعرف اجناب واقراب=حيّر كثير النآس في دآه ودوآه

7

7

7

7

...

أمجد الدبيسي

06-23-2010, 11:24 AM

7
7
7

الرفقه اللي بنتها فلّة حجاجك=احذر ترى تنهدم من نسمة الحاجه
لاضقت لاترتجي من ناسك افراجك=العز لله واطلب ربك افراجه
هذا الصحيح وابد لاتبدي إزعاجك=اغلب رقاب البشر للضحك منعاجه

8
8
8
8

أمجد الدبيسي

06-25-2010, 12:54 AM

الكذب يمكن تستره عين كذّاب
................... مير الحَسد عوره وصعب اتغطا

أمجد الدبيسي

06-26-2010, 02:02 PM

البآرح العآلم كرسمـس=مآبين مرقص وخمـآره
وآنآ على جمرتي واحمس=وأحط بالكيف مسمآره

أمجد الدبيسي

06-27-2010, 02:13 PM

ياقلب ويش اللي تسويه فيني=بيّنت مآتخفيه ذيك الاحآسيس
مآعآد بآقي سر بينك وبيني=وما اقول غير الله يلعنك يا ابليس

أمجد الدبيسي

06-28-2010, 01:44 AM

تعبت اشتاق والغربه جريمه
..................... وطول البعد عمّ العين غبرآ
صحيح ان السفر دقّه قديمه
.................... ولكن مابقى بالقلب صبرآ
بعيش بنيةٍ (بيضآ)سليمه
.................... ولو هو مآ برآ جرحي أببرآ

أمجد الدبيسي

06-28-2010, 04:10 PM

قتل الصبح يآمآكر
بقلبك كذبه وحيّت
وإذآ عن موعدك بآكر
7
7
قبل بآكرك انآ ميّت

أمجد الدبيسي

06-29-2010, 11:20 PM

http://t3.gstatic.com/images?q=tbn:6tVHn1KnsupMBM:http://www.r15r.com/data/media/46/19.jpg

أطرآف شعري تصآفح ثرثرة خوفي=وحْروفي اتلملم شعوري وألملمهآ
يآآآويش ابجنيه من مآتكنز حروفي=مآغير لأعدآء قلبي بس أسلمهآ
تعتآش سود النفوس بكثر مصروفي=ومآهي على حآلهآ سآعة اكلمهآ
السم ثقله على كم وجه مخفوفي=وضحكه لروحي هدفهآ انّه يألمهآ
تعبت منّهآ كثر ما امد معروفي=وموتي كثر مآ تكفنّت بتظلمهآ
باسكت ولو الحزْن للعين مألوفي=والله مآودي العآلم اعلمهآ

أمجد الدبيسي

06-29-2010, 11:37 PM

http://t3.gstatic.com/images?q=tbn:reU3KlCks3N4GM:http://images.alwatanvoice.com/images/topics/5874980100.jpg

الكذب بالبعض يآكثره=والصدق حثنه تجمعهم

وللحسد بقلوبهم صره=يآليتني اقدر اقتلهم

أمجد الدبيسي

07-01-2010, 01:02 AM

تتوه العين والسكّه طويييله=وانفآسي تقول ارجوووك وقّف
وانتي درب مشكورٍ جميييله=قآعه نآر ,, وفي ثلجٍ مسقّف
غشيم ومآخذ عيونك دليله=و(ذآق الضيم) من جآك متلقّف

:08:

أمجد الدبيسي

07-03-2010, 04:17 AM

http://t1.gstatic.com/images?q=tbn:iPep_jfIsxqk2M:http://up4.m5zn.com/9bjndthcm6y53q1w0kvpz47xgs82rf/2009/7/17/02/nifbyolo8.bmp

يالنوق صرتي مع المشهور مشهوره=غطى تواجدك بالشاشه على هيفا.
بالعز متمشيه والخلق مطيوره=اما الحسينه بقت مع اسمها الهيفا.

أمجد الدبيسي

07-04-2010, 02:28 AM

اجمل ورود الكون ورده نديّـه=لاشفتهآ تحتآج بسمـات وتهيـم
واجمل سمآت العين نظره هنيّـه=من قلب يآخذ من صفا لونه الغيم
وأجمل كلآم الحب كلمه خفيّـه=منها تْعرف الريم وش تعني الريـم
وأجمل نفوس النآس نفسٍ غنيّـه=متربيه ع العز ولو فآلهـا ظيـم
وأجمل تعاليـم الخـوي لخويّـه=انه على ماقيـل كلّـه تعآليـم
وأجمل مفآهيـم الحيـآه الهنيّـه=انك تعيش اصلاً بليّـا مفآهيـم

أمجد الدبيسي

07-19-2010, 12:14 PM

فآح العبير وغرّد الصبح للطير=وقلبي على المحبوب فوّح عبيره
تعآل يامن شوفتك بالتبآشير=ترى عشيرك فآقدك يآعشيره

أمجد الدبيسي

07-22-2010, 07:11 AM

سجيت بالبر ورمآله=مع رفقةٍ تشرح البآلي
والجمر من فوّح دلآله=اقفوا حسآفه عن دلآلي
كلٍ يكلم بجوآله=وآنآ اقلب بجوآلي
والله يآشينهآ حآله=كنّي وانآ معهم لحآلي
الفكر من شآل موآله=سمّعت للكل موآلي
احدٍ ضحك منّه وشآله=واحدٍ تلقّى الخلآ الخآلي
مآلي جدآ كود برسآله=وبالشعر خطيت مرسآلي
ومن مآل فكره مع عقآله=عدّلت له فكرة عقآلي

:14:

أمجد الدبيسي

07-22-2010, 07:20 AM

لولا الحيا ومجآلس طوآل الاشنآب=ما اكف دمعي عن غياب المحبين

أمجد الدبيسي

07-22-2010, 07:36 AM

http://t0.gstatic.com/images?q=tbn:0KUwM222RvbK1M:http://kalidng.jeeran.com/9055_1167284565.jpg

كنت احسب ان القصيده تنكتب لأجلك=طلعت كلك قصيده تنكتب لأجلي
ماتشوف قلبي إلا من جيت صفقلك=يامن برمشك إذا جيتك تصفقلي
آتعّب الحبر لاجل اكتب واعبرلك=وفي نظرتك تدخل القلب وتعبرلي
يا اعجوبة الروح كل الروح تُطربلك=والموت كلّه إذا اصبحت تُطربلي
وان كانت الشمس في كل يوم تشرقلك=ابطلب النور منْك وليت تشرقلي

:icon20:

أمجد الدبيسي

07-29-2010, 05:21 PM

http://tbn0.google.com/images?q=tbn:N5jgj67irzvXzM:http://www.q8boy.com/uploads/28d90301e3.jpg

تامرني على شي !!!

لا تقول تامرني على شي وتروح=خيبتني باتفه طلب ياظنيني
لا مابقى غير الشكل فيك مملوح=الخافيه تندب عليها سنيني
تعبت مراسيلي على بابك تلوح=وخليتها مابين قسوه وليني
كنت بحياتي شي راقي وممدوح=كنت اتّمنى دوم تمسك يديني
والباب في دربك على الفكر مفتوح=ان جيت ابسئل عنك اباقول ويني
والقاك صادق كلك افراح ومزوح=واتوه في ضحكك .. عبث تحتويني
اتغيّر اللي كان بالقلب مفضوح=لحظه ورى لحظه ويبدا يشيني
اول ابي عونك وعطرك بي يفوح=واليوم مابه غير ربي عويني
كانك تبي تطلع من القلب مسموح=غيرك ورى البيبان يسئل يبيني
ماكان لك يارهيّف العود مصلوح=مير ابتديت بجفوتك تبتليني
امس الجفى ماهو مع العين ملموح=واليوم سقته سوق بينك وبيني
مات الوفى والا الخطا كان مدموح=حتى ولو ناديت وش له تجيني
من يوم غابت شمسك وجيت بوضوح=وقلت لمتاهت سكتك احظنيني
حسيت بان الشكل باقي بلا روح=وعرفت بإن الحال صعبه يبيني
لاتقول تامرني على شي وتروح=روّح ما ابي حاجه ولا انته ظنيني

أمجد الدبيسي

08-09-2010, 03:50 PM

http://t3.gstatic.com/images?q=tbn:qhCbRdp_vRZXPM:http://www.up-00.com/s1files/9gD35895.jpg

ماجيت عادي لأجل لارحت عادي=وانته فراقك يشبه لصكة الباب
بالامس انادي لك وقلبك ينادي=واليوم صوتك شابه لصوت الاغراب
يعني تبيني اخر الوقت غادي=بدري عليك .. الله خلق غيرك احباب
الليل يتشرّف بساعة رقادي=والصبح يستوفي معي نور الاصحاب
وان شفت منّي بالقساوه تمادي=لاتقول ماكنّا مسا البارح اقراب
انت الذي بالصد أصبحت بادي=وخليتي ابدّل كتاب بكتاب
بآكر تعْرف اشلون مد الايادي=لاشفت طيف اللي من قسايتك غاب

أمجد الدبيسي

08-10-2010, 05:53 AM

مادام ربي خلق قلبك=ولسانك واذنك وعينك
شوف الذي ناسب لحبك=وارسلّه القلب بِيدينك

:34:

أمجد الدبيسي

08-12-2010, 05:34 AM

تغاري .. تسكتي .. تحكي=تهزي الارض مـن تحتـي
وانا لاتهت بك ما اشكي=وما انام ان كان مانمتـي
على جال الفكر اتكـي=واشوفـك لا تمايلـتـي
واقـول الله ياملـكـي=علـى شانـي تسرحتـي
وانا لو بِيـدي اذبحكـي=عشان اضمن اذا رحتـي
تحسبين الهوى ضحكي!!=يموت القلب ما انزحتـي
انا بالـروح اناطحكـي=واضمك كـل ماقمتي
احبك بـس لا تبكـي=هنايـه كـان روقـتـي

أمجد الدبيسي

08-16-2010, 11:50 PM

http://www.alhayrh.com/galry/albums/userpics/alshay3.jpg

نامت على كف الغلا نوم عرسـان=وعقـد المحبـه مالـه إلا نحـرهـا
وزايد حلاها بـدّل العقـل بجنـان=وبدّلت نوم العين >> عشـق لسهرهـا
وملّكتها مابين صدري مـن اوطـان=حتى شعـرت انـي اسيـر لاثرهـا
وغابت على هون التعاسه والاحزان=وانا علـى جمـر الولـه منتظرهـا
ياليت لي سلطه على دعج الاعيـان=ماكان موج البُعـد يقـرب بحرهـا
سجيت وسط البال مع عذب الالحان=وكل فكره لفرقا الهنوف >> احتقرهـا
ومديت كفي اطلب الحـظ إحسـان=لكن سحاب الوصل شـح بمطرهـا
حالة يبـاس مهـدده قلب إنسـان=عقب الحنان وعقب سكرة نظرهـا
بردان ولكن داخل الصـدر نيـران=في ليلـةٍ قشـرا وغايـب قمرهـا
ما اقول انا ياناس ضايـق وزعـلان=هيّه كـذا دنيـاي وآنـا اخبرهـا
اللي كسبته من ورى ظهـر ماكـان=هي ضحكه وحـظ المقـرّد قبرهـا
خلاص روحوا واتركوا القلب حزنان=وانا بعانـق كـل ليلـه صورهـا

أمجد الدبيسي

08-16-2010, 11:51 PM

http://t3.gstatic.com/images?q=tbn:Uv_HlAGDPbeoXM:http://62.img.v4.skyrock.net/62c/soumia55/pics/2129128395_1.jpg

قولي لهم يابنت حنا افترقنا=وإنا عن الحب القديم انتهينا
وإنا .. وصورنا .. والزمان >> احترقنا=يمكن تخف عيونهم لا إلتقينا

أمجد الدبيسي

08-18-2010, 02:27 AM

ربي مصفد برمضان الشياطين=لكن خليفتهم شياطين من انس
واكبر دليل مْسلسلات الملاعين=يالله عسى ماتشرق لعينهم شمس

أمجد الدبيسي

08-18-2010, 08:58 AM

لاتصبّحين القلب يا ام المعاطير=مثلك كذا مخلوق للروح جذاب
انتي صباح الخير والورد والطير=يالنور يا الإشراق يا وجه الاحباب
طلّتك بعيوني سوات التباشير=ولاعاد اشوف إلا البشر جنبك غياب
ومادامك انتي بخير وعيونك بخير=نبغى نشرّع داخل احلامنا باب
هاتي يديك .. وقبل لانمشي نطير=ولاهمنا من كان بالحُب يغتاب
يالغير بغيابك وفي جيّتك غير=انا بزود الشوق طايح ومنصاب
وافكار قلبي لاجل عينك طوابير=وازريت ألملمها من كتاب لكتاب
احتاج لأنفاسك مع شوي تخدير=واحتاج اضيع ان كنت بيدينك انساب
واحتاج اخاوي ضلّك بدون تفكير=واحتاج اضمك صورةٍ بين الاهداب
احتاج لك يابنت ما احتاج للغير=والعين لو دارت من اصحاب لأصحاب
ما اظن يكفيها سوى شوفك بخير=والا عسا ماتشوف من بعدك احباب

أمجد الدبيسي

09-05-2010, 04:04 PM

العيد
من دونك تعاسه
العيد
ماهو عيد لمّة قرايب
العيد
ماهو ثوبٍ جديدٍ وفرحه
العيد
يعني عيد حزنك معايه
العيد
نار وجليد
العيد
آآهـ منّك ياحظي

معقول بعد ايام هالعيد يوصل=وغْياب محبوبي له ايام واصل
معقول اروح المخيطه لاجل افصّل=معقول اعيّد .. ناسيٍ ويش حاصل
معقل ابفرح والحْزن بي تأصل=معقول امر الناس وكلي تئآصل
كل شي جايز .. كل شيٍ بيحصل=إلا غْيابه مايتحمّل فواصل
ب ألبس نهار العيد دمعي واوصّل=وشلون حتى العيد مابه تواصل

أمجد الدبيسي

09-09-2010, 07:23 AM

:o

يعني كذا سافرت والعيد باكر=يعيني نهار العيد مايجيب لقياك
خلاص انا والحزن نبغى انتجاكر=لانك اخذت العيد يازين ويّاك

أمجد الدبيسي

09-09-2010, 07:24 AM

:)

مادام هالاسواق يابنت غثّتك=وانا تعبت ألف وادوّر قياس
لقيت لك حلٍ يناسب لحالتك=ويناسب لحالي ولا يعرف الياس
بألبس نهار العيد حُبك وضحكتك=واكشخ بها قدام هالعيد والناس
وألا انتي زينك ماخذٍ دور كشختك=مشيك اسآور والحكي طوق والماس
خلّك مثل ما انتي ولا اتهون غرّتك=اغتر فيها الراس واستانس الساس
ولو تلبسي خيشه على لون خصلتك=اتصير موضه لانك تحلي لباس
وماني بقايل هاتي الصبح فرحتك=وارمي على كل التعب رفعت الراس
اصلاً نهار العيد يحتاج طلّتك=حتى يكون العيد فرحه واحساس

:34:

أمجد الدبيسي

09-11-2010, 01:52 AM

كل عام وانت بخير
و
كل عام وحسادي تطير

كل عام وانت العيد وفي زينك تزيد=كل عام وآآنآ لك على ما انته تريد
كل عام وانت تعيد لي طلّة العيد=وكل عام واحنا وكل أيامنا بخير

أمجد الدبيسي

09-21-2010, 05:50 PM

مـدامـك جيتـنـي اهــلا بـمـن جـانـي وحيّـانـي
ولك بوسع على عينك ولك بوسه على شفاتك
اذا وحشـآآك بسمـاتـي انــا دنـيـاك وحشـانـي
دخيلـك قـرّب يديـنـك تــرد الــرووووح نسمـاتـك

:34:

أمجد الدبيسي

09-21-2010, 05:52 PM

فاح العطر واستنشق الخافق الروح
يسعدك ربي انت وجيّتك وعطرك

أمجد الدبيسي

09-22-2010, 05:08 PM

يآآآ انت مآتشتآآق او ... زآيد الشوق
عندي ... وخبري فيك بتمووت مشتآق

أمجد الدبيسي

09-24-2010, 02:02 AM

ان قلت احبك يمكن آكون كذّاب=وان قلت ما احبك انا الكذب كلّه
اكثر من آحبك .. احبك .. وارتاب=من فلسفت .. المبتعد ما تملّه
لو المشاعر بابها بين الاهداب=قلبي عما مايشوف ياكود خلّه
غلاك في قلبي يشرّع لك ابواب=وغلاي في قلبك طريقٍ ادلّه

أمجد الدبيسي

09-26-2010, 03:48 AM

احيان اشوفك ذرب واحيان وآآطي
واللي جمع وجهين ماهو برجآل

أمجد الدبيسي

09-26-2010, 03:53 AM

يضحك علي وياخذ اللي خذيته=وانا عليه مْن الدها ميّتٍ ضحك
مايدري اني بألف شي احتذيته=من فلسفة لاتامن اللي يريحك
بس القهر .. ماجيت يوم واذيته=يالطيب هذا الوقت شينه يناطحك

أمجد الدبيسي

09-26-2010, 03:55 AM

لاضاقت الاربع زوايا عليّه=هزيت جدران الكلام بسكوتي
انا الذي اشعل من ايديه ضيّه=وقاسمت ضلّي يوم قفيت موتي

أمجد الدبيسي

10-04-2010, 10:53 PM

حبآآآيب مجآنين

ملكتني قلبك قبل عام يمكن=لكن اشوف اني ملكته من سنين
وهذآ الذي فيه الاحآسيس يحكن=وانا اصدقهآ على طول يآزين
ومآدآمك بعيني يامحبوب تسكن=انقل لقلبي لاتجي تخطفك عين
يكفيني الأشوآق كل يوم يبكن=وكل يوم اكتب لاطرى البُعد بيتين
ركنت كل النآس ويآليت تركن=خوفك من فرآقٍ يجي للمحبين
قلبي على شآنك عليّه تمسكن=وكتبت له شيك المشآعر ملآيين
حتى فسق منّك .. ومنّي تمكن=واجبرني آحبك على العسر واللين
وان شفت منّا هالأحآسيس يشكن=هذآ دليل إنا حبآيب مجآنين

:34:

أمجد الدبيسي

10-10-2010, 10:37 PM

اليوم عشره وحنآ في شهر عشره=وألفين وعشره تكمّلها ويتميّز
يسعد مسا كل من تجمعّهم العشره=ويسعد مسآ من خْذت في خآفقي حيّز

10/10/2010 ميلآآآدي

أمجد الدبيسي

10-21-2010, 12:49 AM

ياغايب آه ياغايب دموع الوصل مفجوعـه وطـول الوقـت شاغلنـي واقـرا فـي مراسيلـك=انا وحبك وماضينا نشوفك دايـم تراعـي مـع الذكـرى وتتركنـا نعـض احلامنـا باليـاس
تعبنـا قـد ماحنـا تعبنـا والعشـم قربك يريحنـا ويشعلنـا بشوفـة صبـحـك وليـلـك=خذيت مْن القسا الصد وعطيت الجرح محبوبك و تجرعت الدموع احساس بحاله مابهـا احسـاس
تردا كـل مافينـي وعينـي تسيّـل احزانـي ودمعـي كـان متأمـل تـرف يدّيـن منديلـك=حسافه ياعذوق الحب ماعاد الشوق ينفعنا علا هونـك تيبستـي وصـار البُعـد مثـل الفـاس
وخلي ماهو مقصّر بدا ضربه على جرحك وانا اللي كنت احسب انه مع يباسـك بـدا حيلـك=تهشمتي من الفرقا وتناثرتي على لا شي وأنا ابعْـدك وادنـي بـك غبـا مـع سكـرة الانفـاس
ياساكن بين رمشيني وكل ماتهت غطنك وش اللـي بـس تامـر بـه وانـا بالـروح اسويلـك=وإذا تبغى اجمّع لك بقايا شـوق متلاشـي ! اجمّعـا واخليهـا تحـط السـاس فـوق السـاس
حبيبي كل احاسيسي سهارى الليل يبكونك وانـا لاشفتـك فبالـي أغمّـض لاجـل اشكيلـك=واقول الناس ماحبت تذرّ رياحك شراعي واقول الناس ..... ثم اسكت ما اشوف الا انت بين الناس
تعال وخلّنا نكسب عشم قلب المحبيني وترخي لي هـوى شوفـك وانـا كـل شـي ارخيلـك=ابرسل بالهوى حبٍ يكفي عالمك كلّـه معـه شـوق وحنـانٍ والغلا يلعب به النسنـاس
بليله مابها غيرك قمر مع نظـرة عيونـك تراعـي لـي وتستانـس وانـا مبسـوط اراعيلـك=احبك بس لاتبعد عن عيوني وأسماعي ترى من غيبتك هذريـت مـع شعـري علـى القرطـاس

أمجد الدبيسي

10-26-2010, 01:14 AM

البارحه وانا على شبة النار=كني تحريتك وكني لقيتك
صورتك بالدخان ومن بين الافكار=حتى ادمعت عيني وغصبٍ بكيتك

أمجد الدبيسي

10-26-2010, 01:16 AM

حآضر وانت غآيب

مره تغيب ومره تكون حآضر=ومره حضورك نسخةٍ من غيآبك
وش ذنب قلبٍ يقضي الليل نآطر=وش ذنب روحٍ طآيحه في عذآبك
كانك تبي آموت .. ماهو بآمر=لاني انا ميت وقدآم بآبك
ما ودي إنآ بالعذآب انتشآطر=ولاودي إنآ باليدين انتشآبك
ولاودي إني عن همومي اكآبر=اللي ابي ماتخيّب اللي هقآبك
انا على شآنك حظنت المخآطر=وادآري احسآسك وحظرة جنآبك
اللي بقوله وانت تقرى العبآير=وتحس باللي بالخفوق اعتنآبك
ليتك دخلت بوسط قلبي تناظر=حتى تعرف اشلون يعني غيآبك

:14:

أمجد الدبيسي

11-10-2010, 01:29 PM

مقطع من .. امسية الاردن

http://www.youtube.com/watch?v=9OSpHAm1hl0

أمجد الدبيسي

01-10-2011, 01:39 AM

http://up.arab-x.com/code.php?load=thumbinal&num=ZxE78966.jpg

( تآله )

باكر ياتاله تكبرين وتحسين=باحساس عمك يوم عمك يناديك
بعد السفر جيت وبي الشوق ثنتين=شوفك وضمك بس جاني تجافيك
ما ادري جهل والا علي اتغلين!=كانه تغلي .. لبا والله تغليك
وكانه جهل .. فالزين كل شي به زين=وساعة بعدت شوي وعيني تراعيك
جرحت قلبي بس جرحه بساتين=شوفك يرد الروح وضحكي يحييك
ولو كان عن عمك بشوفك تصدين=كااافي دلع يابنت احبك واغليك
ان غبت عنك شهْر .. او غبت شهرين=باقي معاي بقلبي احساس يديك
مسكانك بقلبي ومسكانك العين=ماااتسمعي وشلون روحي تسميك
متى على الله تكبرين وتحسين=باحساس عمك يوم عمك يناديك

:icon20:

أمجد الدبيسي

02-23-2011, 11:52 PM

يابوي عبدالله فدتك ألف بوره=ومنك الملوك تغار ولاهي بحولك
كان الشعوب اتجمعت لاجل ثوره=حنا اجتمعنا لاجل فرحة وصولك

أمجد الدبيسي

02-28-2011, 01:39 AM

اسوق الآه قبل الاح
واردد آآخ لو تدري
متى تدري

ياقلبي

انا من يجمع شتاتي .. من شتآتي ؟؟ .. متى تآتي=متى تبطّل تجيني قبل تخطيني ولاتاتي
كثير اللي عرفته بس كل اللي عرفت شوي=مثل تحقيق رغباتي .. ولااا اعرف وييييش رغبآتي
تطل الشمس من خلف المسا ما ادري وش تحسّب=تذكرني باأبوي اللي يعاقبني بزلاتي
ولكن لو تحاسبني على اللي فات واللي جاي=نقول اخطائي انجردت و وفتني حساباتي
اجل ليه الفرح غايب وليه الضحك ناسيني=اجل ليه المحاجر ما تسكّت هذر دمعاتي
وحتى شعري استانس على ترنيمة الضيقه=احاتي ثم افكر ثم افكر قبل ما احاتي
وانا اصلا قضى عقلي .. اخذته بِكر مجنونه=ورغم هذا انا محتار ... واهدر داخل سكاتي
خذت عقلي خذت قلبي خذت صبحي خذت ليلي=خذت ما املكه كله خذت حتى مسافاتي
وش اللي باقي بتاخذ..؟ وليه اللحين ماتفكر=عجب ياغلطت شتاتي .. بعد هذا تبي تاتي

كيبورديه طآزهـ

أمجد الدبيسي

03-16-2011, 06:03 PM

رشفة حياء

قبل ان ارتشف من الفنجال
يجب ان تعرفي ان لا القهوه ولا مشتقاتها الكيفيّف تعدّل المزآج
كما تعدل مزآجي اميريّتك
فيجب ان تسكبي لي قليلاً من الخجل
كي ارتشف حيائُك
بتلك النظرآت واعدّل المزآج
ثم اتفرّغ للفنجال
.
.
.

..
.

:icon20:

أمجد الدبيسي

03-16-2011, 06:39 PM

انستي الخجوله
لماذا كلما قدمتي لي القهوه تسكبيها على ملابسي
لماذا اضطر ان امسك بيديك قبل ان تضعي الفنجان على الطاوله
اليوم لن احرك ساكناً ضعي الفنجان كيف ماتشائين
المهم ان احتسيه لو برشفة احده
ولاتقلقي على انزعاجي ان اتسخت من ملابسي
فمن اليوم وصاعدا لن آتي بلباسٍ واحد كما اعتاد الناس
فخجلك المتفرّد بك عن غيرك لن يقبل
وسيكون قدومي بلباسين
لباسُ آتي بخارجه ولبآس اذهب بداخله
المهم ان لايزول خجلك
فهونكهتك الحقيقيه ياابنت حوى
فاسكبيلي منها دوماً واسكبي ايضاً علي
فانت القهوه والمزاج
ولن يتسخ الطهر
.
.
.
:45:

أمجد الدبيسي

03-20-2011, 03:35 PM

بالمال .. يمكنّي .. بسيط .. فقيّر=لكن باحساسي ملكت العالم

أمجد الدبيسي

03-21-2011, 04:40 AM

http://t0.gstatic.com/images?q=tbn:ANd9GcTp3kmyPC3HuF_3-C5RbZKnRAgjG0I2EwGExNbQDuhg-HbPqPnY

.. النآر وحطبها ..

الدين يبعد عن عيونك عيني=وشلون تبغي تصافحين يديني
تعبت اجمّع بالخفوق ذنوبي=وانتي على الذنب الجديد تعيني
يابنت انا ما اخاف غير الرازق=اللي طلبته بالخفا يَهديني
شومي عن العالم وحب الدنيا=لا اسقيك من كاسي ولا تسقيني
ان غرّك المنصب وكثر فلوسك=انا الفقر ميزه حميده فيني
وان غرّك الزين ونعومة شعرك=لاتنسي النار وحطبها الشيني
من طبعك الخافي يبيّن طبعك=يعني على وجه الحقيقه بيني
واتعوذي من وسوسات ابليسك=وخلّك بحالك .. مثلي .. وخليني
وحذراااك لو تنظر بعينك عيني=وانا بأبعد عن يديك يديني

أمجد الدبيسي

04-13-2011, 01:44 AM

http://images.doctissimo.fr/photo/6804912680/coeur-ombre/tristesse-f27fbd-5606076846.jpg

ياطير عمرك راح بالكون حومه=واليوم شُوفك في بيدين الحناني
ياااطير انا مثلك حبيس النعومه=ولاااعاد ابي .. إلا اكون بمكاني
واللي يبي الجنحان ..! من دون سومه=عَطه ومجآك بذمتي وبضماني
روّح زماني بين لومه ولومه=وبقربها مرحتآآآآح داخل زماني
لكن اذا احتجنا لفزعه وقومه=انسد باللازم وهالعمر فاني
والخلق كلٍ ملتهي في لزومه=ولاهو غريب ان خاب قاصي وداني
وحتى الفضا احيان يبدا سمومه=ويرهي عليك الوقت كبر الهواني
ياااطير خلّك مع كثير النعومه=ولا تنظر اللي صار بأيّت مكاني

أمجد الدبيسي

04-13-2011, 01:45 AM

http://3.bp.blogspot.com/_GCYjSBHk2qo/TIj7tN5Uc6I/AAAAAAAAaeg/BFzp7Ok9o78/s400/81.jpg

يديك ويديني

الحظ قصّر من يديك ويديني=ولولا الامل ماكنت اناظر يدينك
مديت لك يدي ودمعات عيني=وتعبببببت اشوف اللي ابي وسط عينك
اتجمعي بالشوق واتحركيني=واستنزفي طاقة غلاتك وزينك
يمكن يفوق الحال .. يمكن يليني=او يستحي من دمعتينك ولينك
والا انا من يوم قلت احتريني=ألين مااتشفقت بيني وبينك
عيّا البخت لايوقف ويهتديني=وعجزت لا اوصلّك على كل وينك
ياااامن يقرّب من يدينك يديني=والا يقرّب من يديني يدينك