[ متاهات ]

[ناصر حطاب الدهمشي]

السلام عليكم و رحمة الله و بركاته ..

( متاهات )


سلَّمت صوتي متاهات السفـر و ابتديـت
أنضِد مسافات من عمري وسـطْ نبْرتـي



شاعر نخلْت الصدور بغيبتك .. ما لقيـت
صدر أزبنه لا مَلَـتْ ملامحـي حسْرتـي



مرَّيت من بينهن شايل رحيـل و رميـت
بوجيه أهلها كـلام يشابـه إلـْ نظْرتـي



خلِّيتهم ينشدون أرواحهـم مـن مشيـت
منهو يكون النحيل..؟ و جاوبت عثْرتـي:



ما تسمعونه يقول : أنا غريب و غديـت
في قاع ما في أهلهـا خيـر يـا جرّتـي



[ هيا ] فقدتك كثر ما رحت فيني وجيـت
[ هيا ] بَعَدْك السنين استنزفـت قِدْرتـي



البارحة ضاقت الدنيـا علـيَّ و سريـت
من ذكريات الوداع الموجع .. إلـْ كَسْرتي



وزَّعتني في وجيـه العابريـن و نسيـت
أترك قليل إلـْ منافـي تحتـري هذْرتـي



مجهول و لا بالمدينة في غيابـك مبيـت
وش لي بمدينة شوارعهـا تبـي قبْرتـي



ما لي بها من رَحلتي يا هيا غيـر بيـت
كل ما دخلته سرحـت و دنَّقـت عبْرتـي


ليتهم يعلمون ..!

http://www.shathaaya.com/vb/images/f12.gifلكل روح عبرت من هُنا ..
.
.
ناصر حطاب الدهمشي

[ناصر حطاب الدهمشي]

حزني مثل صدري .. نبيل

[ناصر حطاب الدهمشي]

لها .. http://www.shathaaya.com/vb/images/f12.gif


تدرين .. كيف الكلام يْطيح من طولـه ؟
,,,,,,,,,,,,,,, ماني بقايل أخاف إن قلت لك .. طحتـي

ليه أجرحك و أذبحك بغنـاي وشـو لـه!
,,,,,,,,,,,,,,, الوقت ماهو مقصِّر مِعْـك مـن رحتـي

يا الراحلة بي حنين ٍ يـا صعـب قولـه
,,,,,,,,,,,,,,, ودِّي .. ولكـن غيابـك كسَّـر أجنحتـي

هَيَا .. الضِّلال إبغيابـك ضيِّعِـه زولـه
,,,,,,,,,,,,,,, هَيَا الطريق إن مشيتـه يحتـرق تحتـي

هَيَا .. عظامي مـن الترحـال منحولـة
,,,,,,,,,,,,,,, هَيَا .. أبرتـاح فينـي زي مـ ارتحتـي

ملِّيت أكون الغريب ..و لآ حـد ٍ حولـه
,,,,,,,,,,,,,,, و ملَّ الحنين إيتساقـط بـي إذا لِحْتـِي

هَيَا .. بي إنسان مُوْرِق .. وجهك إفصوله
,,,,,,,,,,,,,,, ضاقت ضلوعي عليه ومات ..مـن رحتـي

ليتهم يعلمون ..!
.
.
ناصر حطاب الدهمشي