محمد آل مبارك
06-15-2010, 04:29 PM
السلام عليكم ورحمة الله وبركاته
الأخ الغالي سعد سيف الموقر
شكراً لك على الدعوة ... لا حرمني الله من طيبك
اخواني الشعراء والشاعرات ... اتمنى ان اكون خفيف الظل هنا
لا حرمني الله منكم ..
الهم
الهم يا صاحبي ما يحسب احسابه= يمضي وكنه ولا لحظة تبلاني
ما كني الا عزيز وخانو أصحابه=الين ما صار في هالعمر وحداني
اقطف ثمر نيتي والنفس غلابه=من زود طيبي احس الذل غطاني
طبع الوفا ما بقى والناس مرتابه=بين الأمل والوهم ضيعت وجداني
أصحاب وقت الرخا وتعدهم لابه=كل شخص فيهم يقول إنْه ايتفداني
وان جيت للجد كلٍ قافلٍ بابه=ما لوم حظي اذا في يوم خلاني
يا صاحبي والعزيز اللي ركز نابه=في جوف قلبي وظن الموقف انساني
لا ما قتلني .. ولكن بيَّن كتابه=صحاني أكثر عشان اختار خلاني
لأني ولأنك ولأنه في وسط غابه=إن ما غديت الأسد بالعيشه تعاني
الكون هذا عباد الله تسعا به=وكلٍ على أكل عيشة ينهش الثاني
لا تسأل القلب عن هالضيق واسبابه=وانت بعيونك تشوف أسباب احزاني
انسان لجل المصالح يهجر أحبابه=وإنسان في فرحة العيد ايتناساني
خبري به إن جيت يمه زاد ترحابه=من زود طيبه احسه يربط لساني
لكن تغيَّر عليّ وقلوا اقرابه=خلاه همه يصير الهادم الباني
الهم يا صاحبي ما يحسب احسابه=جاني وهاجر ولا كنه تبلاني
محمد آل مبارك
الأخ الغالي سعد سيف الموقر
شكراً لك على الدعوة ... لا حرمني الله من طيبك
اخواني الشعراء والشاعرات ... اتمنى ان اكون خفيف الظل هنا
لا حرمني الله منكم ..
الهم
الهم يا صاحبي ما يحسب احسابه= يمضي وكنه ولا لحظة تبلاني
ما كني الا عزيز وخانو أصحابه=الين ما صار في هالعمر وحداني
اقطف ثمر نيتي والنفس غلابه=من زود طيبي احس الذل غطاني
طبع الوفا ما بقى والناس مرتابه=بين الأمل والوهم ضيعت وجداني
أصحاب وقت الرخا وتعدهم لابه=كل شخص فيهم يقول إنْه ايتفداني
وان جيت للجد كلٍ قافلٍ بابه=ما لوم حظي اذا في يوم خلاني
يا صاحبي والعزيز اللي ركز نابه=في جوف قلبي وظن الموقف انساني
لا ما قتلني .. ولكن بيَّن كتابه=صحاني أكثر عشان اختار خلاني
لأني ولأنك ولأنه في وسط غابه=إن ما غديت الأسد بالعيشه تعاني
الكون هذا عباد الله تسعا به=وكلٍ على أكل عيشة ينهش الثاني
لا تسأل القلب عن هالضيق واسبابه=وانت بعيونك تشوف أسباب احزاني
انسان لجل المصالح يهجر أحبابه=وإنسان في فرحة العيد ايتناساني
خبري به إن جيت يمه زاد ترحابه=من زود طيبه احسه يربط لساني
لكن تغيَّر عليّ وقلوا اقرابه=خلاه همه يصير الهادم الباني
الهم يا صاحبي ما يحسب احسابه=جاني وهاجر ولا كنه تبلاني
محمد آل مبارك