يمّــه

[ساره بنت محمد]

بسيطة ..تقبلوها كما هي !





تدرين ..وش سوا غيابـك عـن الـدار=وتدرين..وش حالي وانـا فيه...يمّـه؟
البيت موحش..موهـن الحظ..محتـار!=وانــا بدمعي..هالـزوايـا تلـمّـه!
يشتّـد مابـي تالـي الليـل ..وانهـار=اذكـر فـؤادي يختـرق فيه..هـمّـه!
يمّه ..تعالي وانظري الحال ..وش صار؟=بعدك وربـي مـا ابـي غيـر ضمـة!
ضمـة وفـاةٍ ..أو بلاهـا ..بمقـدار!!=كـل المعانـي تصـغـر الآن يـمّـه
لاتتركيني مثل قلبي ...وما اختار!=لاتخذليني مثل هالناس جمّه
اقول آحبـك !!أو انـا دونـك اسـرار=اخفـي وفـاءك فـي خفوقـي وألمّـه
افقـد وجـودك والهـدايـا والانــوار=وقولك(ياساره لاتشيلين ...غمّه)
ياليتنـي اقــدر اشيـلـه بـمـدرار=هذا التعـب الـي نشـر فيـك سمّـه
يالله تكفى..كفي مرفوع لـك ..بـار=اصـرف مقاديـر الالــم والمطـمّـه





ممتنة لحضوركم

[نواف العطا]

ساره
وهذه الشجنيه النابعه عن الوله والشوق لست الحبايب
راقت لي لروعتها وحسنها وصدق كلماتها ورقه ألفاظها
فلكِ كل الود ياراقيه ودمتِ بود .



والله يشافيها ويعافيها ويردها لكم بصحه وسلامه
ولا باس طهور ولكِ كل الود .

[ظافر الهرمسي الهاجري]

سارة

للأم مكانة عظيمة ، وقد تم ترجمتها هنا بأرق المعان وأجلها وأطهرها

صح الله ألسانك يا بنت محمد

[نايف السميري]

.
.
مثل هذا الشعر يجعل من اللحظة مواسم
انسانية بيضاء نحتاجها لنكون اجمل واكثر انتصاراً وإبصاراً ..!

رائعه / ساره ..

دمتِ متوهجه ..




تحاياي

[فاطمة ناصر]

حروف ومشاعر منثورة كما الزجاج
أجبرتني على الوقوف هُنا طويلآ
ياغاليه
جددي الأمل بالله في قلبك وأدعي الله لها كثيراً وسيكون الغد أجمل
دعواتي الصادقه لكِ ولها :icon20:

[بندر الخزمري]

أتعبتي قلبي يا ساره