انتي سما لكن بها تجري الخيل

[أمجد الدبيسي]

انتي سما لكن بها تجري الخيل






ماترمش عيـون الغـلا وانتـي اللـول=وماتستـوي إلا مـعـاك التعالـيـل
يابنت وش تبغينـي آقـول .. واقـول=اللـي تبينـه يابعـد كـل ماقـيـل
ان كان غيري ياخـذ الحكـي منقـول=انا اخترع لـك وانثـره لـك تماثيـل
وكان الغلا تبغيـه يآصلـك مرسـول=أقلب لـك الدنيـا قصيـد ومراسيـل
دام الحكي واصل من لسـان معسـول=مالي سوى هالمنهـل العـذب وآكيـل
قلبك ينول وقلـب معشوقـك ينـول=انتي سمـا لكـن بهـا تجـري الخيـل
ياكم قلبت النبـض لاشفتـك طبـول=وياكم عزفت لنجـل عينـك مواويـل
احيـان اقـول انـي بليّـاك مهبـول=واحيان اقول النـاس دونـك مهابيـل
مالك شبه بالناس ولـو كـان بالـزول=وغيرك عشـان يزيـن يحتـاج تعديـل
وليته بعد جُهـده يجـي بـس مقبـول=وانتي الوصايف فيك من ويل لاويـل
الريق قهوة كيـف وشفتـك معمـول=وش عاد ابي في مـدّة البـن والهيـل
والعين وسعة صدر مـن فوقـه خمـول=والخـد صبـحٍ مايجـي عقبـه الليـل
والعنق دربٍ يوصِـل لبـاب مجهـول=والخافيـه تحتـاج مـع همتـي حيـل
ولو قست بيديني مدا العرض والطـول=لاجيت خصرك ترعـد يـديّ وتميـل
وعاد اتساعـك عقبهـا مالـه حلـول=ياكـود تكبيـرٍ مشـا خلـف تهليـل
بالمختصر .. وانا معـك شبـه مقتـول=ويمكن تموت النـاس لاجبـت تحليـل
باسكت عن اوصافك وابا اصول واجول=في بيت يكفي عـن جميـع التفاصيـل
معقول اقول انـك عجيبـه ومعقـول=جنبتك بنات النـاس شبـه الرجاجيـل
يعنـي انـا والشعـر يااعـز مجـمـول=سيلٍ علـى مايشتهـي قلبـك يسيـل
بس قولي اش تبغينـي آقـول .. واقـول=وعسا تكفـي مابقلبـي اقاويـل



:34:

[ثامر البلوي]

*

ورب محمد عذب حد الثمآله .. تجيد العزف على أوتآر الغيم حتى تطوقُ أعنآقنآ بـ أكآليل المطر

لله أنت ياصديقي , وألف صح نبضك

وكل عآم وأنت بخير وأقرب إلى الله :)

[ظافر الهرمسي الهاجري]

أمجد

نفسك طويل وجميل في نصوصك

تدفع الشعر لنا كي نتذوق الغيم وأكثر ونقطف المطر وأكثر

صح كلك يا أمجد

:34:

[أحمد الهايس]

احيـان اقـول انـي بليّـاك مهبـول
ـــــ واحيان اقول النـاس دونـك مهابيـل

أمجد
ماتركت من الجمال شي إلا ووضعته لنا على طبق من الشعر
صح لسانكـ
كل الحب

[أمجد الدبيسي]

اعتذر عن زيادة بعض الحروف في النص

[سلطان الوثر]

يا أمجد يا دبيسي

سلام عليك ومبارك عليك رمضان

وبالنسبة للقصيدة ؛ مثل سابقاتاها رائعة وجميلة بك وانت جميل بها

وانت معوّدنا على كل جميل دائماً

ألف شكر لك ياعذب

[أمجد الدبيسي]

*

ورب محمد عذب حد الثمآله .. تجيد العزف على أوتآر الغيم حتى تطوقُ أعنآقنآ بـ أكآليل المطر

لله أنت ياصديقي , وألف صح نبضك

وكل عآم وأنت بخير وأقرب إلى الله :)

النبيل ثامر
ألا تعلم ان رأيك يشكل نصف القصيده
شكرا لكرمك ونقائك
وكل عام احبك زياده
:)

[عبدالعزيز رشيد]

ماأجمل ترانيم كلماتك ياأمجد ,قصيدة جعلتني أرسم انطباعا حسنا عن شعر:أمجد . المطلع كان في غاية الروعة خاصة في ما عناه البيت بامتناع "عيون الغلا" بسبب "اللول" .
فعلا جميلٌ ماقرأت ومبشّر أيضا.