[ برود >> أبـعـاد << كاست ]

[صالح العرجان]

كلك ذوق يابوعبدالله


الذوق أنتِ منبعه بس لا تشطحين الله يخليك :)

وصباحك أحلى من الريناد المعلق على صدور الاميرات

[صالح العرجان]

سالفتنا غير عـن قلـب وتألـم
لاشكى معذور من لاهب غرامه

سالفتنا ضربـة استـاذ ومعلـم
شتتت فكر التلاميـذ ونظامـه

لكن اسمع قبل اقول اسلم وسلم
كل رجالٍ وله بصمـة ابهامـه

صاحبي بالحق لاتسكـت تكلـم
لاتحسب حساب لباس العمامـه .. ؟!

[صالح العرجان]

خل ليلك خيال وخل شرحـك يطـول
ياصعيـب المنـاوي طولـه طولـه

أحسبن الجمال إليـا طغـى مايهـول
لين شفت الدلـع والسحـر بمهولـه

بين شط الردوم وبين طرفن خجـول
ضاعت السالفـه وعلومنـا الأولـه

ضامك الحمل ريح ياكبيـر الحمـول
وارتو السلسبيل ومن روى .. رولـه



ليه ؟!

[صالح العرجان]

بي وجد من صحي على سامر البرق
على ديـاره عقـب ماهـو تجلـوى

او ونة اللي ناض يوم اونس الحـرق
وعلى عضوده يابس الحبـل يلـوى

وقاس ِ الحديد ايليين من كثرة الطرق
والمر يطفح كنـك معطيـه غلـوى .. ؟!

[غاده]

ودي أفهم

ليش اذا دقيت ريوس
كل اللي معك بالسيارة يلتفتون ورى

^ فزعه مثلآ
و لا مافيه ثقة
ههههههههه

[صالح العرجان]

ودي أفهم

ليش اذا دقيت ريوس
كل اللي معك بالسيارة يلتفتون ورى

^ فزعه مثلآ
و لا مافيه ثقة
ههههههههه



ما بقى أحد بالمكتب ما قط معي وقعد يناظر شاشة الكمبيوتر من كثر ما ضحكت :)

[صالح العرجان]

ضيّعتني ما بيـن (إيهـك) و(لائـك)
حتى تساوت عندي ال(لاء) وال(إيه)؟

أحيـان تثبـت للمحـبّـه ولائــك
ونفس الولاء بغمضـة العيـن تنفيـه

كريم فـي بخلـك ، بخيـل بعطائـك
تاخـذ ولا فكّـرت معطيـك تعطيـه

وش حيلتي لا صار صبحك مسائـك
مساك صبح وصبحك الليـل ممسيـه

[صالح العرجان]

مليـون مـرّه قلـت لـك لا تنـاور
سلمْ الهوى معروف في كـل ديـره

بعض الحقايـق ثابتـه.. لا تشـاور
كالعمر فانـي .. والكُـره مستديـره

والحب متمركز على أربـع محـاور
شوق ، وغلا ، واعتاب . وآظن غِيره

ولاّ الهدايـا والصـور والأســاور
غالـي ثمنهـا بـس تبقـى صغيـره

ومواصـل الخـلاّن عبـر التـزاور
جسـرٍ يكمّـل للمحـبـه مسـيـره

والصـدّ بيـتٍ للمواصـل مجـاور
مالـه مواجيـبٍ ولا حـق جِـيـره

والحـظ مابيـن النفـوس مـتـداور
إن قام خِيره وإن قعد قلـت : خِيـره .. ؟!