على هامش عمق أنثى جموح

[أنثى جموح]

الصورة رقم (4)
للفنانة :
Louise A. Frechette‏


http://sphotos.ak.fbcdn.net/hphotos-ak-snc4/hs673.snc4/61371_117450364979389_100001432783916_150938_49134 10_n.jpg




وترجع ترتحل فيني ولا أقدر أدلّك وين ...
وتفتح في وسط صدري إلك بابين
بابً تدخله فيني على كيفك
وبابً تطلعه مني على كيفك
وانا سيفك , ولكنك تقطّعني
تخليني قهر يسعد بي الواشين
ويحكون الغرام اللي خسر قلبين
ويحكون الغرام اللي عصى أمرين
أمر قلبي بأن قلبك أبد ما يوم يخليني
وأمر قلبك بأن قلبي أبد ما يوم يعاديني
وانا لك وين؟
وين وين ؟
وترجع ترتحل فيني ولا أقدر أدلّك وين ...!

[أنثى جموح]

http://www.hebaamin.com/images/WomenBook/05.jpg



عمتي يا من لها فينِ ارتكاز=اسمحيلي لا غدى دمعي يسيل

عمتي يا من تحايد بانحياز=اذكريني في وسط غيبة عليل

مرّري طيفك ودفّي الانكراز=احلمي فيني ولمّيني بِحِيل

دعوتي بالقلب للي فيه فاز=دعوتي من قلب حاضن به جليل

دعوتي لك بالشفا يَحْلى نشاز=يا عساني ألتقي بك بعد ليل

تشرقي في طلّتك أبهى طراز=تسعديني ، يا عسى سعدك طويل

عمّتي هذا الأمل للعرق حاز=بسّ دمعي : إسمحيلي لو يسيل!

[أنثى جموح]

http://ima.dada.net/image/1613395.jpg


,



لولاك يا حبي ترى ما ترتسم بسمة شفاي=لولاك ما شافت عيوني ضيّ وما شافت حلا

انت الوحيد اللي أحسّه داخلي ساكن معاي=وانت الذي ربحك يساوي بيعي لْـ كل الملا


,

[أنثى جموح]

سامحيني يا تفاصيل السعادة=واتركيني في بحر دمعي أغيب

إنتِ ياللي في سنا وجهك إرادة=تبتديني لا بدا وقت المغيب

إعذريني لا غدا همّي ( شهاده )=شاغلنّي عن لقا صبحك ( أديب )

إذكريني يوم أنا جنبك وساده=ألتهي في لون خدّك والمشيب

عاتبيني يوم أقصّر في العبادة=علّميني كيف للخالق أنيب

ذكّريني بالصلاة وبالهواده=بيّنيلي وش يشرّف / وش يعيب

سمّعيني آيتين .. وبالإعادة=حفّظيني / واشرحي معنى حسيب

سولفي لي قصةٍ فيها إفادة=سانديني لا طرى الحال العصيب

أسعديني بابتسامتك ( العياده )=ضمدي جرحي وصيري لي ( طبيب )

ياللي كنتي في زهر عمري قلاده=تصقليني كالذهب .. أصلك عجيب

ياللي إسمك مكتمل فيني عتاده=إنتي أغلى من غلا أغلى حبيب

لا تخافي .. راق حبّك في زيادة=

=لا تحاتي
.
.
.
=جدّتي
.
.
.
=هذا نصيب!

كن "موتك" ناطقٍ : " ربي أراده "=كيف أبسلى والوضع صاير غريب

كن شعوري بالحزن رافع عماده=كن وجودي في بعادك شي مُريب

كن غيابك يكتب فروحي إبادة=كيف أعبر عن فراقك بالنحيب ؟

يكفي إنك راضيه .. هاذي إشاده=من لسانك .. يا عسى حالك يطيب

راجيه ربّ البشر يطلق وداده=نلتقي في جنته عمّا قريب

سامحيني يا تفاصيل السعاده=واتركيني من بعد موتك أغيب !







http://3.bp.blogspot.com/_DHcEF6A-BeI/SW0wI0AAEDI/AAAAAAAABCE/imVSYCt4gFk/s400/DSC_0581.JPG







ولا يكفي بحر حبّي حبر يكتب عن اغيابك !

[أنثى جموح]

http://s3.hubimg.com/u/893774_f120.jpg


أين هم ؟
في بذرة البرتقال كنتُ أجدهم
وفي العرق الجاف
على طرف الكرز
ألمحهم
حتى في البثور المتناثرة
على سطح ورقة العنب
وفي اللولبات الأنيقة
أعلى العنقود الحصرم
الـ لا أحد يطوله!

[أنثى جموح]

http://www.muralsforkids.com/images/redflower.jpg

شوف دمعي ما يفارق وجنتي من يوم رحت
لين يومي ما أحس اني بعد موتك وصلت
طحت وطحت
طحت وطحت
طحت وطحت
لين مدري آخر الطيحه أنا حيه ومت
صعبه تسمعني وانا فوق الثرى يوم انت تحت
صعبه توصل أنّتي من شدة الصدمات ضعت
كن دمعي قبل هالمره جهل معنى سهرت
كن قلبي قبل هالمره نسى معنى جرحت
بعد ما غابت نجومك عن سما ليلي وغبت
كيف أنا ممكن أنام ؟
كيف في جنح الظلام ؟
صمت ما عاشر كلام !
صمت أكبر من جبال الهم فالغربه سمعت
صمت أعظم من محيطات(ن) بها ضلعي نثرت
كيف أنا ممكن أقول ؟
كيف أبي أوصف ذهول ؟
شارده مني خيول !
شارده لابعد مسافات ارتحالي لو عثرت
شارده لاصعب مسارات اختيالي ما صبرت
لين أنا كلي نسيت
ظرف وقت(ن) به قسيت
ماطريت
غيبتك ما جت في بالي
لا ولا حتى خيالي
ما لقيت
ما لقيتك وقت كافي لجل أطري بك جراح
ما لقيتك غير وافي حاضرك ما يوم راح
كيف أبي أذكر غيابك ما حييت ؟
نصفي الأول وثاني نصفك الراحل بقيت
ذا هدوئي ما جمح إلا مع اعيونك جمحت
ذا جموحي ما هدا إلا بعد عينك هديت
,
,
كل حبات الرمال اللي مشيناها تئن
كل صخرات الهضاب اللي لمسناها تونّ
كيف دقة خافقي ؟
كيف دقة خافقي يوم ارتحلت ؟
ما تصدق لو أقول أكثر من أنفاسي بكيت
عدّ ما تشهق ضلوعي داخلي زفره وشهقت
قدّ ما دفّت عروقي لمستك بعدك بردت
بس باقي في نهاري شي باقي
رغم آلامي ونار الكي لك زاد اشتياقي
يا عسى نلقى بعض باحلى جنان
ونتبادل تحت ظل العرش نظرات الحنان
يا عسى ألقى بعد خوفي على قلبي أمان
ويا عسى كل شي كان
نستعيده
من بعد رحله بعيده
يا عسى ترجع ملاقينا السعيده
وابتسم
,
,
الله
,
,
من
متى
ما
إبتسمت!

[أنثى جموح]

http://www.stephaniemarzella.com/galleries/images/MoonSurf.jpg

(*)(*)(*)(*)(*)(*)(*)(*)(*)(*)(*)(*)(*)(*)(*)..... ...

أحيـــان ألاقـــي فيك نفسـي وأحيان=ألـــقى شـتـــاتي مـن بعـــادك تنــثّر

شوف الزمـــان شلون ما فـارق أزمان=حتى ( القمر ) لا غـاب نصفه ( تـــــأثر )

شوف الأراضي كيف ما تنقسم ( سانـ=ـــتي متر ) من طــين وتــراب وتحجّر

هذا أنـــا حطيت فـي بـــالي إنســان=نبضـــه وسـط قـلبي .. وقــلبه تخـثّر

أشــره عــلى غيبــات عينه ولا بـــان=وان مــرّ طيـفه جــيت كني مُــسَـخّر

حسبي على لوعات حبي والأحــزان=مـا تجـبـر الخــذلان وخــــاطر تكــسّر

نصفي فقد معشوق والنصف عشقان=يجرح هجيري برد / هـل مــن مُـدثّر ؟

يسقي عــذابي صــدّ وانــام ظمــيان=يـطْـوَل حنيني مــدّ وصـــوبـه يـقـصّر

أحــلــم بـذاته ردّ والــفــيه هــيمــان=واصــحى عــلى ذالجدّ وحدي أفسّر

كيف الغـرام يكون في يوم نسيان؟؟=كيف الغـرام يـصير لحظة تحــسّر؟؟

(*)(*)(*)(*)(*)(*)(*)(*)(*)(*)(*)(*)(*)(*)........

[أنثى جموح]

http://www.designerstencils.com/Merchant2/graphics/00000001/largeview/1483.gif

أحياناً :
تنتهي الأساطير بحكاية حلمٍ مات في كبوتٍ جعله يتنفّس الجرح
ويعشق الاستفراد بوحدانيته حتى لا يطيق إطلالة غصنٍ من النافذة الصغيرة!

http://www.designerstencils.com/Merchant2/graphics/00000001/largeview/1483.gif

وأحياناً :
تتلاشى قصص التاريخ غوصاً في أعماق السنين
وسبراً في علم الأثر يبقى أنينٌ لا ينسى زخرف القول غروراً!

http://www.designerstencils.com/Merchant2/graphics/00000001/largeview/1483.gif

وأحياناً :
لا يبقى مجالاً لذرة لقاءٍ أخيلي , وتحضر الأسود تشييع لذته في ظلامٍ أحلك وحيد
وتتابع المشاهد بصورة متتابعة لمداعبة ملك الغابة , بأوجّ حنان وبقمّة شغب!

http://www.designerstencils.com/Merchant2/graphics/00000001/largeview/1483.gif

وأحياناً :
يطلبني في ذات الأسد لنلتقي
وأطلبه في قوّته وشعره الكثيف!

http://www.designerstencils.com/Merchant2/graphics/00000001/largeview/1483.gif

وأحياناً :
لا زال الصمت يردّد لحن الانسحاب
في فضاءات الواقع الذي تجهله كواكبه
وتخال النجمة أنها تنير لي أملاً في لجة المحيط
لكنها وللأسف ؛ تشحذ همة الذكرى في إرواء المحيطات دموعاً!

http://www.designerstencils.com/Merchant2/graphics/00000001/largeview/1483.gif

وأحياناً :
ضرب الجنون ينطبق , وقد لا ينطبق
حتى أن معجم العرب يتوه في الحروف لإيجاد كلمة وافية
وتغيب وتغيب وتغيب الكلمات حتى لا تجدها في مكتبة أو حتى في الوسيط!

http://www.designerstencils.com/Merchant2/graphics/00000001/largeview/1483.gif

وأحياناً :
أستميحكم عذراً لهذياني بحلم ليلٍ فائت
وزخرفة الزجاج المتحطم تشهده وحدها , وأنتم!

http://www.designerstencils.com/Merchant2/graphics/00000001/largeview/1483.gif