استسقاء / وبل الثريا

[عبداللطيف المانع]

http://mud.mm-a4.yimg.com/image/1240411846

يالله يامحـي العـظـام النحـايـل =عـد بالحيـا جميـع نجـد العذيـه
من مزنـةٍ ماهـي بكـل المخايـل = علـى حكـي شيباننـا عقربـيـه
يصبح مطرها فـوق روس النثايـل = يملى المصامـد بالسهـل والحويـه
وبعد شهر والعشب بالقـاع مايـل = تشابـك أزهـاره تقـل مزهـريـه
ومن نجد تنصا ديـرة أولاد وايـل = كامـل ديـار الـعـزوه الوايـلـه
كبار البيـوت و محتميـن الدبايـل = خصّيتهـا مـن واقـع العنصريـه
ومنهم تروح ايمين والسيـل هايـل = على الطوال اللـي جنوبـي بصيـه
ديار الضفيـر معطريـن النصايـل = مزبان من ضاقت عليـه الفضيـه
ويضفي على الصرار دار الحمايـل = عجمان يـا بـار الخـوّي بخويـه
هم حقنـا يـوم الدخـل والدخايـل = وقفاتهـم مـا هـي علينـا خفيـه
و باق المطر يشمل جميـع القبايـل = على الحجـاز و تنحـدر هيدميـه
ووبل الثريا يندفـق فـوق حايـل = من سقف حتـى ينتهـي بالحنيـه
وحدقان لينـه بالحجـر والمسايـل = ويمشي حدور وينتهي فـي رحيـه
يشمل علـى دار الجـدود الاوايـل = من قلعـة الهـادي اليـا اليعربيـه
ويضفي تلول الباج و السيل هايـل = والعيث والبوثـه هذيـك و هذيـه
وواد الحمر والحضر قبل امس سايل = و اليوم تردعـه السيـول القويـه
وعسيله اليمنـى مطرهـا هوايـل = وبعـاج والمومـي و عبطـا بنيـه
ويضفي ديـار متعبيـن الاصايـل = كامـل ديـار العـزوة الشمـريـه
قلته وانـا مالـي نيـاق و رحايـل = بالعلومـه و اخبارهـا العالمـيـه


عقيل المنيس الشمري

http://holylandimages.com/medium/hi91-109.jpg


اللهم آمين ..


عقيل المنيس


أحييك على هذه العنصرية / المنصفة



... وإستسقاء أكثر من رائع

[اورنس الهذال]

ابو جمال

ياهلا ويامرحبا

صح لسانك يامبدع

لاتغيب طويلا ...

وعوداً حميداً

بإنتظارك بشوق

دمت بخير

[العـنود ناصر بن حميد]

.
.


قصيدة لها رائحة المطر

عقيل المنيس

أهلاً بك دائماً

[عقيل المنيس]

اختي العزيزة اصيلة المعمري

الف شكر على المرورالعطر ولهجتي البدوي هي اصلي

ولا احب التصنع واعجابك شرف لي واتمنى

ان اسجل ما يرتقي لمستوى ذوقك الرفيع

وشموخ القصيدة هو من مرورك الشامخ لها

تقبلي شكري وتقديري ....... عقيل الشمري

[عقيل المنيس]

الاخ العزيز والشاعر المميز

مبارك ابو ظهير

الف شكر على المرور واتمنى ان يستجيب الله لدعانا معا

وصح بدنك والابداع الحقيقي هو مرورك على مشاركتي

واعجابك شهادة نجاح للقصيدة وشاعرها

اخوك ابو جمال

[عقيل المنيس]

اخي العزيز سعود سالم

الف شكر لمرور الكريم وصح بدنك واتمنى ان اسجل ما يرضيك

اخوك عقيل سعود سالم الشمري

[عقيل المنيس]

اخي العزيز محمد الضويحي

شكرا لمرورك وتقبل الله دعوتك

واتمنى ان تكون هذه الحمية للخير دائما

اخوك ابو جمال

[عقيل المنيس]

اخي الغالي راشد لايح

الف شكر لمرورك الكريم

والروعه هي تواجدي بين هذه القلوب الطاهره مثلك وشرواك

والابداع الحقيقي هو اعجابك بهذه القصيدة رغم خصوصيتها

واعجابك وسام شرف على جيد هذه القصيدة

اخوك اب جمال