انت صديت وانا بنتظر بكره ...!

[وليد بن مسعد]

قل للمواعيد وجروح الجفا والعتب
البارحه ماتت احلامي ولازلت حي ...

انا رضيت السكوت اللي يساوي ذهب
مدام يــدي بـ نار و يد مثلك بــ مي ...!

خل المساء للجروح القاسيه والتعب
انا دموعي حكت في غيبتك كل شي ..؟





ايه ما اخفي عليك البارح ضنوني
امتلتني هموم وضيقه وحسره ..!

صدتك ذيك والاوهام و وطعوني
تبـتديني دموع وتنتهي زفره ..؟

كيف يهنى منامي واغمض جفوني
كيف ابين سبايب غيبتك واشره ..!

اختلف كل ما بي .. ناظر لــ لوني
صمتي اوهام واحلام اللقا سكره ..

انت فلـيت حزني وانـتثر دونـي
انـت هـيضت جرح ولوعه وعـبره ..

الامل والـفرح مـن غـبت خـلوني
للاسـف خافقي ما عـاد به قدره ..!

اذكر اني ضحكت لكلمة شلوني
ااه يا حالي القـاسي ويـا صبـره ..!

خل عنك الجروح ودمعة عيوني
انـت صديت وانـا بـنتظر بـكره ..!





انت بالله قلي وش اسوي معك
ما انت راضي تبطل هالغياب وتعود

امنعك ..! هو بقى من شي فيه امنعك
اتركك ..! والدروب اللي تمناك سوود

تنتثر وانكسر لك منتشي واجمعك
اضرب الجرح بالعزه وصبر الحدود

كل ما جيت عينن ودها تشبعك
رحت ما كن به دمعه ورجل ووعود

[ميــرال]

.



خل المساء للجروح القاسيه والتعب
انا دموعي حكت في غيبتك كل شي ..؟



كل هذه العذوبه وهذه الدهشه اتت بوقتها
وليد هذا الـ انتظار لايمل ولن
الف شكراً لهذا الحضور وهذا الشعر العذب الأنيق جداً
كل التقدير والـ إعجاب بهذا الحرف

[محمد البدراني]

وسيم الملامح .. !

وجميل الشعر والشعور والنزف

وليد . صح قلبك

[أنثى جموح]

المدخل : جاذب

النص : لا يثمّن بي

أما :


انت بالله قلي وش اسوي معك=ما انت راضي تبطل هالغياب وتعود
امنعك ..! هو بقى من شي فيه امنعك=اتركك ..! والدروب اللي تمناك سوود
تنتثر وانكسر لك منتشي واجمعك=اضرب الجرح بالعزه وصبر الحدود
كل ما جيت عينن ودها تشبعك=رحت ما كن به دمعه ورجل ووعود


فهذا عالم آخر بتضاريس مختلفة تماماً عما سبق
وبقمم تعانق سحاب الودق الثقيل صبحاً خلفه النور !

إعجابي بك أخوي وليد
صح الله لسانك , ولا هنت

[وديع الأحمدي]

وليد بن مسعد ,

هذا النص حديث روح , وتنفس عميق جدا ,
دمتـ ألقاً


تحاياي

[خالد علي اليامي]

اشبعت ارواحنا ياوليد!

بس بالله قلّي وش أسوي معك!

وارف وأكثر

:)

[وليد بن مسعد]

.



خل المساء للجروح القاسيه والتعب
انا دموعي حكت في غيبتك كل شي ..؟



كل هذه العذوبه وهذه الدهشه اتت بوقتها
وليد هذا الـ انتظار لايمل ولن
الف شكراً لهذا الحضور وهذا الشعر العذب الأنيق جداً

كل التقدير والـ إعجاب بهذا الحرف


وكل التقدير والاحترام لشخصك الكريم ولطرائك ....

اتشرف بمتابعتك .....