عون القحطاني
11-19-2010, 01:39 AM
مساؤكم ود ومحبة ..
مجموعة من النصوص القصيرة
جمعتها في متصفح واحد . للتواصل لا اكثر .
[ المهاجر ]
لا اتّلفّت يالمهاجر = ماحصل للنور طاري
من يضوّي هالدياجر = كل ما مريت ساري
بين صوتك والحناجر= عتمه .. وعجّ وذواري
وبين جفنك والمحاجر= مانثرت الا العباري
وبين جرحك والخناجر= والعطش .. نزف السواري
ان سكتّ الحزن فاجر= وان شكيت الصوت عاري
لا اتّلَفّت يالمهاجر= مابقى للنور طاري
[ ضيعت الدروب ]
غني الهوى ياراعبيات الهبوب =ناي العطش في مرقبك غنى لها
هذا انا .. والشمس مالت للغـروب = كن الشفق عجلٍ على مقبالها
ياصاحبي .. والليل ما منّه هروب = ونجومك اللي غيّرت منزالها
سهيل اليماني مالقينا له جنوب =والا الثريا مـا رقت مدهالها
والا شمال القلب ضيعنا الـدروب =انــدوّر الوسمي على همالها
[ على الاطلال ]
اخاف الليل لا حس وتنبّه =يعاتبني على حروفٍ قراها
بعد ماكان له نجمٍ يشبّه =ونجمه .. يلعب الغي بسناها
دروبٍ موحشه .. وهموم غربْه= ثلانينٍ فقد حلمه وراها
على الاطلال ودّعت المحبّه = وعزّيت القصايد في هواها
ونذرت الشوق للذاري يهبّه = عسى ربي يعوضني غلاها
وعسى هالليل لا حس وتنبّه = يمر الليله اللي ماسراها
[ طيفك ]
طيفك .. بقايا نـور = مصبوب في مصباح
في قصرك المهجور= امعلـقٍ ما طاح
بـ أخر زوايا السـور = تضوي به الارواح
وهذا الظلام يـدور = حـوله ابـد ما راح
عينه على المستور = كل ما عتيمـه لاح
[ اشتاق لك ]
لويشتكي الناي .. اصبعي = ماضاقت انفاس القصيـد
لاجلـك بغنـي مطلعـي = واعيده ان قلتـي اعيـد
انتي هـواي ومطمعـي = انتـي قديمـي والجديـد
ياللـي احبـك اسمعـي = نبضات قلبـي والوريـد
اشتاق لك وانتـي معـي = واشتاق لك وانتي بعيـد
[ ساعة الوقت ]
في ملامح وجهها ..حزن السنين = من عجاج الوقت .. لثّمها الغبار
وعقربينٍ كل ماتركـض يميـن = شمسها تركض على صدر النهار
لين غابت .. والقمر عيّا يبيـن = والخطاوي .. صعب تتبعها يسار
في محانيها نزَف جـرحٍ دفيـن = وصمتها اللي مالقى اي اعتبـار
مايحـرّك قلبهـا لـو نبضتيـن = ولا قدح مقباسها لو هو شـرار
[ جفته الوسايد ]
يوم قلبك يحــدّه = والليالي شدايد
شاعرك باح سدّه = لين بكى القصايد
كن هالارض خده = وكن هالشعر جايد
كل طيفٍ يعده = لابسات القلايد
وكل نجمٍ يوده = واقرب الناس نايد
يسهر الليل وحده = من جفته الوسايد
.
.
دمتم بخير .
مجموعة من النصوص القصيرة
جمعتها في متصفح واحد . للتواصل لا اكثر .
[ المهاجر ]
لا اتّلفّت يالمهاجر = ماحصل للنور طاري
من يضوّي هالدياجر = كل ما مريت ساري
بين صوتك والحناجر= عتمه .. وعجّ وذواري
وبين جفنك والمحاجر= مانثرت الا العباري
وبين جرحك والخناجر= والعطش .. نزف السواري
ان سكتّ الحزن فاجر= وان شكيت الصوت عاري
لا اتّلَفّت يالمهاجر= مابقى للنور طاري
[ ضيعت الدروب ]
غني الهوى ياراعبيات الهبوب =ناي العطش في مرقبك غنى لها
هذا انا .. والشمس مالت للغـروب = كن الشفق عجلٍ على مقبالها
ياصاحبي .. والليل ما منّه هروب = ونجومك اللي غيّرت منزالها
سهيل اليماني مالقينا له جنوب =والا الثريا مـا رقت مدهالها
والا شمال القلب ضيعنا الـدروب =انــدوّر الوسمي على همالها
[ على الاطلال ]
اخاف الليل لا حس وتنبّه =يعاتبني على حروفٍ قراها
بعد ماكان له نجمٍ يشبّه =ونجمه .. يلعب الغي بسناها
دروبٍ موحشه .. وهموم غربْه= ثلانينٍ فقد حلمه وراها
على الاطلال ودّعت المحبّه = وعزّيت القصايد في هواها
ونذرت الشوق للذاري يهبّه = عسى ربي يعوضني غلاها
وعسى هالليل لا حس وتنبّه = يمر الليله اللي ماسراها
[ طيفك ]
طيفك .. بقايا نـور = مصبوب في مصباح
في قصرك المهجور= امعلـقٍ ما طاح
بـ أخر زوايا السـور = تضوي به الارواح
وهذا الظلام يـدور = حـوله ابـد ما راح
عينه على المستور = كل ما عتيمـه لاح
[ اشتاق لك ]
لويشتكي الناي .. اصبعي = ماضاقت انفاس القصيـد
لاجلـك بغنـي مطلعـي = واعيده ان قلتـي اعيـد
انتي هـواي ومطمعـي = انتـي قديمـي والجديـد
ياللـي احبـك اسمعـي = نبضات قلبـي والوريـد
اشتاق لك وانتـي معـي = واشتاق لك وانتي بعيـد
[ ساعة الوقت ]
في ملامح وجهها ..حزن السنين = من عجاج الوقت .. لثّمها الغبار
وعقربينٍ كل ماتركـض يميـن = شمسها تركض على صدر النهار
لين غابت .. والقمر عيّا يبيـن = والخطاوي .. صعب تتبعها يسار
في محانيها نزَف جـرحٍ دفيـن = وصمتها اللي مالقى اي اعتبـار
مايحـرّك قلبهـا لـو نبضتيـن = ولا قدح مقباسها لو هو شـرار
[ جفته الوسايد ]
يوم قلبك يحــدّه = والليالي شدايد
شاعرك باح سدّه = لين بكى القصايد
كن هالارض خده = وكن هالشعر جايد
كل طيفٍ يعده = لابسات القلايد
وكل نجمٍ يوده = واقرب الناس نايد
يسهر الليل وحده = من جفته الوسايد
.
.
دمتم بخير .