صباح الحب

[العنود الشيباني]

جديده للتواصل

علّها ترتقي الى ذائقتكم





صباح الحب ياعمري .. نسيمه عطره الأحساس =صباح ٍ غارق بشوقي .. قطف ورده على شانك
ضياه الطهر باعماقك .. يانبضي ياهوا الأنفاس =مــلامح طـلـتـه تاخـذ مـن شـمـوخك وسلطانك
خذ السكر من شعوري وحلّي يابعد هالراس= مرارة قهوتك واشرب بعض مني فـ فنجانك
ابي منّك تَرَشْفّني على مهلك ياأغلى الناس =وُمعه تغمّض عيونك وابيك تشوفها أوطانك
تمعن كيف لك عالم على صدق الوفا له ساس= بنيته بالغلا قصرٍ لجل حبك ووجدانك
تعال وخلنا نثمل محبه كاس بعده كاس =ويثمل وقتنا معنا ..من احساسي في احضانك
وننسى جعبة الماضي .. ونطوي مابنا من ياس= ونبدا بالهوى سيره وانا ازرع ورد بجنانك
شذاه الحب مايعرف نهاية حد وإلا قياس =و اريجه يملا أجوائك ...حكاياته بعنوانك



عذب التحايا للجميع

[نواف العطا]

العنود
صباح معطر بالحب والشعر والجمال
كتبتي فأحييتي الكلمات لتتراقص ثمله
بحسن صياغتك وبديع حبكك .
رائعه يا العنود فكوني بخير .

[بندر الصقر]

رسائل شوق جميلة يا عنود ..

صح لسانك .

[محمد فرج]

خذ السكر من شعوري وحلّي يابعـد هالـراس
مرارة قهوتك واشرب بعض منـي فـفنجانـك
ابي منّك تَرَشْفّني على مهلك ياأغلـى النـاس
وُمعه تغمّض عيونك وابيك تشوفهـا أوطانـك

صباح القهوة المحلاة بهكذا دعوة
صباح جميل بلا شك ، أن يكون مذاقه شعرا وقهوة .
العنود :
صح لسانك ،

[ماجد العيد]

بسيطة و مليئة بالشعر ..
العنود شكراً ..

[خلف المهيلان]

العنود صباحك سلاسه ومرونه وحب
رائع هذا الشعور
كوني بخير

[عبدالله العويمر]

تِلْقَائِيّه جمِيْله يالعَنُود

سلِم حرفك