محمد فرج
12-13-2010, 08:06 AM
يا حبر سافر بي على بيض الاوراق = خذني على موجك لهادي شواطيك
صحيح بي ضيقه من الوقت وارهاق = لكن ابيع الوقت لا ضاق واشريك
يا حبر ما جات الهقاوي بالاوفاق = لو اذرفك واحس لا ماك واوحيك
خذني شقا حرفٍ شكا بعد وفراق = ضاعت خطاه ووجهته في محاريك
قل للسحاب اللي تراكم بالآفاق = ليلة ثمان من الشهر وين اوديك ؟
خلك كذا ، لا تحرق فوادي احراق = لا هل ماك بواديٍ غير واديك
يا حبر ويش يوسع الصدر لا ضاق ؟= الا هجوسي يوم اسافر بها فيك
أخلصت لك ، ماغيرك ادرى بالاعماق = خذ ما تشا منها وعطر مواطيك
وان شفت حلمٍ من زمانين مافاق =خله الين يبين صبحه ويأتيك
خايف عليه يروح مع كل براق =ولا تطوح به ظنونه ورا ( الشيك )
ماكل حلم ينمشي له على ساق =بعض الحلوم تغيب وتغيب ، وتجيك
وانا هواية خاطري كل ما لاق= اصوغها واسجها بين اياديك
المسأله ماهيب غايات واذواق =ولا طموح شيوخ ولا صعاليك
المسأله بعض العرب يطبق اطباق =يقول لك هذي ، وهو مقصده ذيك !
يطلق عنان البينه بالهوا اطلاق = وان قلت وين عنان ملحاك يا ( بيك ) ؟
يشيلها لك في ضميره بمعلاق =حتى يطالع منك غفله ويرميك
ولا يسوي لك على دربك انفاق =يعني على ماقيل موذيك موذيك
خله يولي ، جعله بألف طقاق =صمتك يعذبه وتواطيه يعليك
صحيح بي ضيقه من الوقت وارهاق = لكن ابيع الوقت لا ضاق واشريك
يا حبر ما جات الهقاوي بالاوفاق = لو اذرفك واحس لا ماك واوحيك
خذني شقا حرفٍ شكا بعد وفراق = ضاعت خطاه ووجهته في محاريك
قل للسحاب اللي تراكم بالآفاق = ليلة ثمان من الشهر وين اوديك ؟
خلك كذا ، لا تحرق فوادي احراق = لا هل ماك بواديٍ غير واديك
يا حبر ويش يوسع الصدر لا ضاق ؟= الا هجوسي يوم اسافر بها فيك
أخلصت لك ، ماغيرك ادرى بالاعماق = خذ ما تشا منها وعطر مواطيك
وان شفت حلمٍ من زمانين مافاق =خله الين يبين صبحه ويأتيك
خايف عليه يروح مع كل براق =ولا تطوح به ظنونه ورا ( الشيك )
ماكل حلم ينمشي له على ساق =بعض الحلوم تغيب وتغيب ، وتجيك
وانا هواية خاطري كل ما لاق= اصوغها واسجها بين اياديك
المسأله ماهيب غايات واذواق =ولا طموح شيوخ ولا صعاليك
المسأله بعض العرب يطبق اطباق =يقول لك هذي ، وهو مقصده ذيك !
يطلق عنان البينه بالهوا اطلاق = وان قلت وين عنان ملحاك يا ( بيك ) ؟
يشيلها لك في ضميره بمعلاق =حتى يطالع منك غفله ويرميك
ولا يسوي لك على دربك انفاق =يعني على ماقيل موذيك موذيك
خله يولي ، جعله بألف طقاق =صمتك يعذبه وتواطيه يعليك