الطموح

[سليمان عشيان الرويلي]

بسم الله الرحمن الرحيم







http://www4.0zz0.com/2010/12/23/06/549897332.jpg (http://www.0zz0.com)



غروب الشمس وادعته وصافحت المساء نده=رمى ثوبه على وجه السماء وإرخى مناكيبه
وضوح الكون يطغيها مسافات السما حده =لفى مثل الحشيم اللي كسى بنته عن الريبه
ترا !! لو الشعر يشكي ضلامك مالك الصده=انا من مر في ضلمك واعاني منه واحكيبه
خطاك انك تنوم عاشقي ملهي على خده=أجل..! تدري فداك اللي جهل وشي عذاريبه
تسمع للخفا ...للبوح واقوله من بعد مده=هذاك انسان وبرغم القسا مابدل الطيبه ؟
بدايته قلم يكسر سطور البوح ويمده=يبي يكتب قصيده مالقى من علمه عيبه
طموحه يلمس الجوزاء ولاكن الثرى شده=تواضع وأقتنع رجله بعلوه في مراقيبه
كبر وتفجر بصدره مواهب واشتعل يده=لو ان الأرض له صفحه خذاها من مكاتيبه
كره خوه على شده (عشق فنه على الشده)=تولم للقصيد وعانقه جرحه وتعذيبه
ألى من كان يقطف من صدور المبهمه وده=الى وجه ً تكسر منه بياض القمر خيبه
ألى ذاك اللي يتباهي بشي ٍ ماعرف قده=خذا شاعر تربي من صغر سنه على الهيبه
عطاه شعور من جوفه ولوانه طلب رده=ولا كن اخذته كانت سياسه من اساليبه
(بعد ماحشم افواه البشر وصراخها ضده=عرف ان الغلا راسه عذاب ويده مصيبه)
عرفته يالمسا من هو ..هذاك اللي فـ . بحر جده=شكى همه على موجه وبلل دمعته جيبه






وسلامتكم

[أكرم التلاوي]

الجميل سليمان الرويلي

نص جميل واحساس عميق
راقت لي قرائتك واستمتعت كثيراً

تحياتي وودي

[سليمان عشيان الرويلي]

الجميل سليمان الرويلي

نص جميل واحساس عميق
راقت لي قرائتك واستمتعت كثيراً

تحياتي وودي


أكـــرم
أهلابك وأهلا ً بإطلاله التي لابد منها
أتمنى أن حزت على أرضاك

[سليمان عشيان الرويلي]

سليمان الرويلي ..
مقدرة رائعة تترجم الشعر وفق معايير الربيع ..
أشكرك كثيراً ..

ماجد
وأنا أشكرك أكثر
لقد أسعدتني جدا ً