[ ليلة برد ]

[ناصر حطاب الدهمشي]

السلام عليكم ورحمة الله وبركاته .. http://www.shathaaya.com/vb/images/f12.gif


[ http://www.shathaaya.com/vb/images/f12.gif ]


يا الليل لو تستحـي مـن آدمـي مثلـي
.................... ما كان خليت برد البـارحة بي يحـوم

لا تخدعك هيبتـي.. أو يخدعـك شكلـي
.................... انا اكثر انسـان بالدنيـا يطيـح ويقـوم

نبيل .. لكـن زمانـي ماعـرف نبلـي
.................... وش ذنبي إنِّي خِلِقْت إنسان طيِّـب كتـوم

عالم تبينـي اعيـش وعالـم الـْ قتلـي
.................... ما تذخر ايَّات حاجة ميـر ربـي رحـوم

لا طحت ما فيهـم اللـي فكَّـر ابْـنقلي
.................... وان قمت طاحت عمايـم واستدارت خشوم

يا الليل تدري وش اللي فـارق بْـثقلي ؟
.................... إني عن اشياء واجد في حياتـي أشـوم

مير اقترب من ضلوع الشاعـر المبلـي
.................... اسمع كلامه ما دام الشعر فيهن يـزوم

شاعر ولاني بحاجـة بــرد يشهـد لـي
.................... فيني من الشعر أكبر من سحاب وغيـوم

خذني بحضنك مـدام اريـوف مستجلـي
.................... اغيابها في عيـون استعذبتهـا الهمـوم

عطني دفا من حنين العام ..او شف لـي
.................... ايَّت طريق اسلكه به من مدادي رسـوم

وش عاد لو زمهرير الأرض واقف لـي
.................... ما عاد تفرق نهايـة بـرد وإلا سمـوم

ملِّيت من خِـفَّـة الأيام .. مـن ثقلـي
.................... مليت حتى من اللي في ضلوعـي تحـوم

قم حوِّم البرد وان قمت ارجف افهق لـي
.................... فصل الشتا لين الآقي للصـدر ذا هـدوم


http://www.shathaaya.com/vb/images/f12.gifلكل روح كريمة عبرت من هُنا ..



خاص لأُختي ميــرال http://www.shathaaya.com/vb/images/f12.gif
الف الف حمدًا لله على سلامتك يا خيَّة ..
والله لم أقرأ خبر العارض الذي ألمَّ بك ِ إلَّا الآن .. http://www.shathaaya.com/vb/images/f12.gif
فعذرًا يا قريبة والف حمدًا لله على عودتك وعافيتك
.
.
ناصر حطاب الدهمشي