~ شيخ وحرآس [ صوتيه ] ~

[شجـن]

http://www.snnam.com/upload/uploads/files/snnam-b676d5d417.mp3


اذا مابتشتغل خبروني / لانها عندي شغاله

وهنا رابطها

http://www.movn.net/voices-action-listvoices-id-336.htm




كم واحد ٍ يشكي ضروفه على الناس = وأنا لغيرك مااشتكي له ضروفي

جيتك ألم كلي تعابير واحساس=جيتك عزيز ٍذلني كثر خوفي

خوفي من اللي غيره قول الانجاس=الصاحب اللي لاتباطيت يوفي

شفته وانا في واقعي شي منحاس=أسهر وأفكر ليه كذَب حلوفي

يوم الغلا مابيننا شهقة أنفاس=اليا تعب آسهر يداريه شوفي

يوم الصراحه بيننا لمعة الماس=اليا زعل ترضيه لمسة كفوفي

يوم الوفا مابيننا يكسر الفاس=اليا غلط فيني يداريه روفي

يوم الامانه والثقه كلها ساس=أكذِب أمي فيه وأشهر سيوفي

واليوم جا والقلب به دقت أجراس=مـن دوّهـا تحـرق معاليق جوفـي

قمت أتذكر يوم جيته بمجلاس=حط الحواجز فيه والغى حروفي

كني مكلم شيخْ احاطوه حراس=لامن قربت شوي زعزع صفوفي

والحين باذوقْه من علقم الكاس=اللي سقاني منه واطرِب دفوفي

وبعلمه أفهم ترآ الناس أجناس=شوفك فرضته .. وأنت آحقر ضيوفي

[سلطان العتيبي]

يوم الغلا مابيننا شهقة انفاس

الله الله ياشجن
استمتعت جدا بسماعها صح لسانك

شجن عندي ملاحظة لو يتسع لها صدرك
حط الحواجز فيه ورد حروفي
اذا انا سمعتها صح ناقص شوي ويخل بالوزن لانه يخرج الى طرق ثاني اللي هو الحدا
ايضا
كني اكلم شيخ ومن حوله حراس >> الهاء زائدة على الوزن
صح لسانك والله واللي ذكرت لاينقص من جمال النص
الف شكرا والف تحية