غيـاب الفصـول ..!

[عبدالرحمن السمين]

مساء الورد , وأعتذر عن غيابي .
نص متواضع جداً جداً يستأذنكم المرور ...!

.






كم لي وأنا أحايل الجمـره عـروق الثمـام=وأردع عيوني نظرهـا وأتهـادى فضـول
سولف لك الطاري المأمـول بـرد وسـلام=لأخر حدود السوالف وأنت عينك تقـول !!
أترك طريق المساء وأرسـم بريـش الحمـام=أول مدى للسحاب اللي بعث لك عـذول
وين أنت من سالفتنا قبـل عشريـن عـام ؟ =وين أنت قبل الحزن ياخذنـي أول ميـول !!
وين أنت يا أول حمامـه عنـد ذاك المقـام=وين أنت يا أنبل جروحي في غياب الفصول
وين الشيّم والقيّم واللي يسمّى أحترام = حتى لو أصمت بليا لوم مالي قبول !!
معقول وَصلتْ دموعـي فيك للأنقسام =ومعقول غابت مواني رحلتك فـي ذهـول
يعني لو أسافـر لوصلـك يكـون أنهـزام=يعني كذب حظي العاثـر بوجـهٍ خجـول
مليت أضم النوافـذ فـي عنـاق الظـلام=ومليت أحبك كذا من دون حتـى أصـول
ومليت أبارك لهجـرك فـي غيـاب المـلام=ومليت أرتبّ صدى صوتي طلوع ونـزول
لو تدري اش كثر يخنقني ضجيـج الزحـام=ماكان غبت وتركت الأرض تزهـر ذبـول !!
شفني على أول بزوغ الحلـم مانـي تمـام=وشفني مدار الأنين اللي نبـع بـي سيـول
تدري وش اللي بقالك قبل مـوت الكـلام=سكينْك اللي رست بينـي وبيـن الحلـول



.
.
.


وسلامتكم

.

[سلمى الغانمي]

"











يآه يا عبدالرحمن , ظلمت هذا النص بكلمة متواضع
هذا مامر مرور الكرام , هذا انبسط بالمكان وأفترش مساحات الكلام
واستكان
استكان
استكان


شاهق جداً , مُمتليء جداً , عذب جداً يستعمر الألحان في شجاعة حق إليه -تبارك الرحمن-
سأخذه لقلبي , وأترك له ظرفاً بصندوقي ,








سلمى ,

[عبدالله العويمر]

مليت أضم النوافـذ فـي عنـاق الظـلام
ومليت أحبك كذا من دون حتـى أصـول
ومليت أبارك لهجرك في غيـاب المـلام
ومليت أرتبّ صدى صوتي طلوع ونـزول
لو تدري اش كثر يخنقني ضجيج الزحـام
ماكان غبت وتركت الأرض تزهر ذبول !!
شفني على أول بزوغ الحلم مانـي تمـام
وشفني مدار الأنين اللي نبع بـي سيـول
تدري وش اللي بقالك قبل مـوت الكـلام
سكينْك اللي رست بينـي وبيـن الحلـول



عبدالرحمن
وأنْت الثّريّ شِعْرَا ً وشُعُورا ً

أقْرَأُك بِفَرح ٍ.. دائِما ً
محبّتي

[بندر الخزمري]

من أجمل ما قرأت هذا المساء

شكراً لهذا الجمال

[ميــرال]

ماكـان غبـت وتركـت الأرض تزهـر ذبـول !!

قمة الحزن والشوق والرقه
حين يكون العتب بهذه الوجدانيه حتما سيكون الشعربمنتهى الشموخ هذا الشطر فاتن بكل خيالته وبعده ورائحته الفواحه بالحنين

[نايف السميري]

.
.
ومداك كما هو دائماً / ياعبدالرحمن ،
مزن من شعر وسفر من بهجه ..!


بهي ..


كن بخير ..



تحاياي

[هـيـفـااللاّفـي]

ونص باااذخ الجمال
وشاعر يصب الحرف في القلب كماء زلال
صح وريدك شاعرنا الجميل

[نواف العطا]

عبدالرحمن
كعادتك تأتي محملاً بالجمال والعذوبه
فلك كل الود .

[خلف المهيلان]

رائع عبدالرحمن متجلي الشعر بهذا النص
زميل مازلت اراهن على ذوقه وتميزه بين هذا الزخم الهايل
كن بخير ود

[أكرم التلاوي]

الأنيق عبدالرحمن السمين

وإن عُدت للغياب وأنت تحمل كل هذا الشعر والإحساس الأنيق فـ" تباً لك "
هذا النص أنيق جداً يا عبدالرحمن وليس هذا بجديدٍ عليك
أبعاد تفتقدك وانا كذلك

أهلاً بعودتك أيها الجميل