احاسيس شخص / قد تهم احد

[صالح العرجان]

قوم وتعوذ من الشيطان و أحظني
مافيه شي ٍ بيبعد بينك .. و بيـني

أنت الغلا وأنت قطعه فيني .. و مني
لا والله الا .. تـووفـي .. وكل .. مافيني

ما عاد أبي شي لا تشرح و تزعجني
الله لي يخلـيك .. والله لك يخليني


لو صار ماصار .. ما اخليك تتركني <<
>> بالطيب بالغصب تبقى لآخر سنيني .. ؟!

[صالح العرجان]

آتجمّل في وصآله ويتجمّل في وصآلي
جمّل آلله حآل منهـو عآدته رد آلجميله ..؟!

[صالح العرجان]

الحب ما يسكن قلوب ومحاني
الحب أسمى عاطفة تسكن الروح

يا حبك إلي كل ما أظمى سقاني
سراب لال ودرب مهجور ونزوح

ما اقول منك إللي لفاني كفاني
لاني أحبك هجر وعناد وجروح

إن غبت عني طال عمر الثواني
تقول عمر الثانية من عمر نوح..؟!

[صالح العرجان]

يطيب فال القصيد ويستوي جوه
لاصرت معنى كلامه وابتساماته

خلك معي يا..غلاا..تو الحكي توه
توه بدا بك فصيده يدفي اسكاته ..؟!

[صالح العرجان]

يبي يبقا الحزن مادام باقـي ( للجفـن ) دمعـات
يبي يبقى ( الالم ) ايلين عمـري ينهـي كتابـه !!

يبي يبقا " الشعر " مادام باقي ( للحديث رواآت )
مدامك " رمز تحريك الهجوس " وطيفك ثيابـه !!

يعيش الحرف في صدر المعاني .. والحيـاه ابيـات
ويموت الشعر لو مافي ( سمؤك ) يرفـع طنابـه !!

يحظر ( الحزن ) بغيابك ..( وتنكس للفرح ) راآيات
مثل مافي حظورك ( حشد حزني ) يحنـي رقابـه !!

[صالح العرجان]

إذا كان الفرح يرسم على وجـه الشقـي حالـه
علام الأرض ماتقوى تحمّـل مشيتـي وخْطـاي



غشى بحر الفرح صدري وخذاني اليوم في جاله
وبديت آحس ما بالكون يسكن عاشـق ٍ شـرواي .. ؟!

[صالح العرجان]

سلهمة حرفك ترسم بروحي أعماق .. ؟!

[صالح العرجان]

الضحكة اللي توزعني وتجمعني
تاخذني ابعد من حدودي وترميني

هي تدري ان ابتسامتها تقطعني
وشلون اجل يوم تضحك بينها وبيني

لو انها بس لا ونيت تسمعني
والا تشوف الحنين ان مرّ في عيني

كان عرفت كيف لا حبّت تدلعني
تسمح ليدها تصافح لهفة يديني

مع انها في طريق الياس تزرعني
لكنها اللي ولا يمكن تخليني

تغيب عني واحس اني مضيّعني
واذا رجعت لي عرفت اصل عناويني

هي بس تضحك ! وضحكتها تسنعني
الى ضحكت .. جعلها فالنار ترميني