آآآآآآآآآه

[زينة الناصر]

آآآآآآآآآآآآآآآآآآآه

[زينة الناصر]

قصيدتي ..حبرها جرحي..
.. وانفاسها القرطاس ..



وذاك الشعور الي يصيح بداخلي..
دمي ..
ماضمده إلا العمر ..
وانفاس تسقيه الصبر ..
كانت لواهيبي دفاه ..
واحساسي يرويه الضماء ..
وكان الحضن الي يهدي روعته ..
همي ..

وآآآآآآآآآه
ياجرحي القديم ..
من علمك تحكي ؟؟
وتنفض غبارك والسنين..
من علمك أن الدموع..
مفتاحها جفني ..

اكيد راح تبقى وحيد
تحرس بقايا قصتي بصدري

وأنا اطلبك تبقى بعيد ..
أبعد من طيوف الغريق .. لا جل الزمن
يختم نهاية قصتي ...وتسري..
وانفاسي القراطاس ..

[زينة الناصر]

وبعين مين؟؟ ..
ماتت الفرحه ..
ولاشفنا العزاء جابر..
ولاذاك القبر مجبور ..
والفرحه الي ماتتم اشهور ..
تركض ورى فستانها العاثر ..
ياجرح ..يامرحوم ..
من بذكرك لارحت..
دام الحزن قادر ..
قبل الثواني حلم ..
وبين الثواني همس ..
وبعد الثواني ألم ..من طعنة الفاجر ..
وبعين مين ؟؟
ذابت الكلمة من شفاة القسم والنور
وذاك المساء المغرور ..
يضحك على سلطانه الخاسر ..

[زينة الناصر]

مابين نصلك.. والقدر ..
مسافة.. وسكين ..
ودموع عذبها القهر ..واحساسي المسكين
آآآآآآآآه .. ياظلم السنين ..
هي طلعتني للفضاء .. وهيا رمتني انين ..
شب القدر في داخلي جمره ..
ماقدر ت أرياح الليال ..
تمحي لها ذكرى ..
ولاقررت تطفى ..
تلحق بقايا انهيار ..
في روح منكسره ..

[زينة الناصر]

مدري نسيت؟ ..
مدري ذبلت بداخلي ولا نميت..
يمكن غريق ..
في بحري العذب العميق ..
ويمكن سكنت
في بيتي الطين العتيق ..
كانك هنا.. ولا هناك أنتَ بعيد..
أنتَ زمن ولآ وراح ماله جديد
وانتَ محال ..
وانتَ أرتجال ..
وانتَ بقايا من زوال..
وانت الدموع..
وانتَ الرجوع ..
وانتْ الذي أسدال على جرحي خضوع ..
أدري أنا في داخلي برد ودفاء ..
وأدري أنكتب لي بالحياة.
.أبقى على صد وجفاء ..
وأدري من أحساسي عطيت ..
وطبعاً من الحب انتهيت ..
وأدري نصيبي من هواي ..
ابقى على ..
عل... وياليت ..

[زينة الناصر]

صدقيني ياعيونه ..
لو رحل حسك وولآ .. من على حسه اعيش ..
صدقيني ..
لو جفاني الليل مره .. بتجرٌ من سكوني
وانطلق ويا عيوني ..وارشف احزاني رشيف ..
صدقيني
لو جمعت اكوام جفوه..وارتوي صدٍ وقسوه ..
ماستوى ربع لحظة ..عشتها وياليف ..
آآآآآآآآآآآآآآآآآه ..
ياضحكة وجنانه .. حيل يذبحني حنانه ..
ودي لو كنت بمكاني ..
وأسمع لصوته دعاني ..
وانسى اني في زماني ..وأركب اجناحٍ وريش ..
وارتمي بكل الأماكن ..
واعتلي فوق المساكن ..
واصرخ " احبك" واعيش ..
وآآآآآآآه ..
يأكل الحروف .. هو بقى فيني حروف ..
صدقيني ياعيونه .. مالك فقلبي وصيف ..

[زينة الناصر]

ياشبية الطير بعدك؟؟
تنتظر غصنك يطول ..
خان صبري ..
وانتهى الليل بجهاد .. وشفت جنحانك بعيد ..
وانت تدري ..
ياكثير الجرح بدري ..والسماء فيه الجديد ..
ياشبيه الطير بعدك ؟؟
دام نزفك في هطول ..
أرفق بريحٍ تمايل فيك .. والترتيب عيد ..
والشواطي مقبرت جرحك ..
ولوٌح ياكسول ..
ولا تقول الجرح أعمق .. وانت قلبك من حديد..
ماتمنيت النهاية ..
ولا تمنيت الحصول ..
وآآآآآآآآه ..
صوت الصمت هالك .. من عقب ذاك القصيد..
ياشبية الطير قرٌب ..
من يعرفك ..مايقول ..
غير " أحبك" ايه " أحبك"
والمزيد............

[زينة الناصر]

[أتنفسك عمر ] ولا
[احتمي بك وفاء]..
[ يتلعثم الشوق بك] ولا
[.يرتقي بك وقار]..
[نكتفي بالمسافة ] أو
[ نرتفع للسماء]..
[نجتمع كـ الغيوم] او
[دنيتي لك مدار] ..

كم أحس المشاعر في غيابك عمى..
...................وأنت سيد المشاعر ياشبيه النهار..
وأنت رمش العيون ألي رمى وارتمى..
..................وأنت دمع المفارق.. لا ذرف بانهمار ..
لو نفتك الليالي لك عيوني غمى"!!
.................لا ورب الليالي لك عيوني ديار ..

[زينة الناصر]

مامداني أستقر..
ولا مداني أنتظر ..
ولا مداني أحتفي بالغيث .. وأمد النظر ..
أنا اكلت الجمره..
وسأت الاحوال..
أكلتها والنفس.. ترثي الحال ..
من وين جتني القسوه؟؟ ..
وفي داخلي قلبٍ ضرير.. وآآآآهاتي موال..

[زينة الناصر]

في تلاقينا على مفرق شعور ..
................... ماتجاذبنا سوالف ممتعه...
والحديث الي بداخلنا يدور ..
.............. بين سد الضيق ورحاب السعه..
شف ملاذ الصمت في قلبٍ غيور..
.................. غايرٍ ودموع عيني تلمعه..
لو تقابلنا على نفس السطور ..
.................كانت أقلام المشاعر تجمعه..
أزعجك بالحب وانفاسك تثور..
...............احبسك بالليل والصبح اشفعه..
وانزعك بالشوق واحفر لك حضور..
................ وابعثك بالروح واحسابك معه..
تعرف أني في المدى مالي قصور..
.............. وعن ذرى الغيمات مالي مسفعه..
كود أخرف من بقايا الوقت نور ..
................. وازرعه في أرضك الجدب ازرعه..
كود يثمرمن عقبك حزنك حبور ..
................وارتعش في وقت ضايع واتبعه ..

[زينة الناصر]

بتعرفني ؟؟
ولا انا ابعد وصولك.. عن حصولك .
بتذكرني ؟؟..
ولا انا تلميح شوف.. حلمه الأول يطولك..
ماتصدق وش غديت ..
انتهى الجرح ونسيت..
والسنين الي بنت لك الف بيت ..
دمرت لك كل بيت ..
وصار في قلبي مكان..
ولا تصدق هالزمان ..
مابكيت إلا القليل ..
وما تغير فيني شي ..من سهر لليلٍ طويل..

[زينة الناصر]

أحفظ الورق .
قبل مايمطر عليك من السماء لولو ..
ويخطفك الأرق ..

أرسم الحدود ..
واذكر سواليفي أنا ..
من يزرع الريبه جنا ..
"وأنت وانا" ..
"أرض وسماء"..
"حبرٍ.. ضماء"..
وأحساس ماله بالعطاء وارف ..
شكلك كذا ودك تروح ..
شف لك طريق دربك سموح...
مالك من غيومي مطر ..
مالي من بروقك نصيب ..
وإذ انفتح باب القدر ..
خلك من ارواقك قريب ..
خلك من أوراقك قريب ..

زينااااااااااااه

[زينة الناصر]

ليعيد سربي.. يامدى قلبي عليه اذنوب
.............. من صاحب ٍ لي من عرفته ماتركني سدى
سربي ..وطول الطريق اسمعك مكتوب
.................. وعلى أثير القافيه احكي ورد الصدى
خيبة امل حفنة انين ضيق وظلام ادورب
................. وانفاس تلفظ منتهاي وفجرها مابدى

[زينة الناصر]

" ياااااا أرق صاحي "..
مايعرف إلا ضحكتي وجفون ..
ودموعي الصافي ..
والحزن مدفون في عيني ..
وينبشه مصباحي ..

مال الأرق مضمون ..
ينشد عن افراحي ..
والنازف الملعون ..
ملعون ..
ينديٌ جراحي ..

"لو الأرق انسان" ..
ماسره الي كان ..
لو يعرف الاحسان ..
مايسرق الحافي ..

"هذا الأرق فرعون "
ماله شبيه بكون ..
سيطر على المكنون ..
في مملكة قاعي ..
:15:

زيناااااااااااااااه

[زينة الناصر]

ياقلبي الساكن على مفرق الحي..
................. ليه الحزن في كل لاشياء ساكن..
مازادت احزاني على خفقتي شي..
................إلا صدى التهنيد والشوق ماكن ..
دوم الظلام يروح مع مطلع الضي ..
...................خله يروح ودمعتين وكفاكن ..
وياقلبي العطشان ذا منبع المي
.................اشرب قبل تحجر عليه المساكن..
خذ ماعطيت ولاطلبت العطا عي
.................يكفي عطيته شمعتين وطفاكن ..
يكفي رحيل الحرف من دفترٍ لي
................هجره بلا مو عد على بحر داكن ..

[زينة الناصر]

لصاحب الفكر الأسير .. بحدود الورق ..
لصاحب الممتلي .. شعر وفكر واسباب ..
من شيب في مفرقك .. لنقوط العرق ..
باخوض في معضمك... وارجوك لا ترتاب ..


خربشات قديمة..

[زينة الناصر]

آآآآآآآآآآه

الي فيني منك يا اول هوى
يوم تفريغ المشاعر بالديار
وقتها كانت احاسيس وصبا
ماهقيت اتصير لاحلامي دمار

[زينة الناصر]

قل للعيون ألي على البعد اهملو
....................... قل للحطام الي على مرسامك..
ماعاد ليا في الهوى شي ٍ حلو..
......................... غير الحروف وتستلذ الامك..
الغيم ناشف والشبابيك اقفلو..
.....................والموعد المجفي ضماء لايامك..
وش عقب نيران الفراق الي كلو..
...................تالي الشعور وذكريات احلامك..
سألتهم يني وبينك وسألو ..
.................... ليه السؤال.. وشمعتك قدامك..
إن مارويتي حب ..وغصونك علو..
.................... ولا ضميتي من أرق أيامك ..

[زينة الناصر]

ألاياقلبي المهجور ..
نادي علي نادي ..
وانسى عتمة الديجور ..
وانسى ريحة المنفى ..
أنا سميتك العصفور ..
يأجمل من سكن انثى ..

[زينة الناصر]

هي ..عيون الناس ..
تذرف في محيط الأرض يأس.
[والفضاء حساس] ..
مايحتمل هالدمع ..
واختنقت الأنفاس ..
ليه يادنيا الدموع؟ ..ليه في طعمك خضوع ؟
مالعمر إلا سبيل ..
وهالسنين أبيوت ..
والأجل مبهوت ..
مايعرفه إلا الرحيل .. ويحضنه تابوب ..
وذيك الطريق إن ودته ..
مستحيل إن ردته..
[ والأمر حساس ]..
معروف عند الناس ..
إن هالدنيا عجوز ..
فيها إخلاء وحجوز ..
والأمل سلطان ..
جاير وسكران ..
عايش لظلم العباد ..ويعشق النكران ..
والسنين اعجوف ..
والقمر مخسوف ..
والسناء مكسوف
[ والنظر حساس] ..
في عيون الياس ..

في لحظة اشرود الأماني .. يوم حلم الليل قام ..
وغادر النجم اليماني ..
وانتهى الليل بسكوت .. يلفظ انفاسه ويموت ..
[والنفس حساس] ..
في عيون الياس ..

قديمة جداً

[زينة الناصر]

على ذاك البحر مسراء شراعي ..
.........................اجدف بالحروف المستحيله..
رحلت بوحدتي والياس داعي ..
........................ وضيم القلب يشعل بي فتيله.
أذوق بعزتي ذل امتناعي .
....................... وعسى مافل جنحاني واشيله..
الملم عبرتي والخوف ناعي ..
...................... يهز الوجد في عرش الرحيله ..
وبقايا حبي المجروح ساعي ..
.......................على نفس الدموع الي تعيله ..
أحسدك يالشمال الي تراعي ..
.......................أحسدك يالسحاب الي تخيله ..

زينااااااااااااه

[زينة الناصر]

أطلقت .شعثـي.. وأرتمـي بالحـزن..
لني.سمعت إن ..الحـزن خـلاق..
.شرٌعت فبحـور ..الأمانـي سفـن..
وإحساس.. قلبي ..للوطـن تـواق ..
العمر يفنـى بـه كثيـر.. الحسـن..
الحسن.. راحل والألم.. بـي بـاق ..
شِـلااااه ياقلـبٍ.. علـيـك أَتْـكَـن..
كل الجروح.. ومـن بحبـه.. داق ..
أرهيت من روحي ..عليك الأمـن..
حتى وقف.. دمعك ..على الإطـلاق ..
حلمـك كبيـر وأمنيـاتـك سـقـن..
هذا الجفاف.. ألي.. عـلاء الأرواق ..
وانت الحنان وفـي.. يدينـك سكـن..
وياكثر.. ماتصرف.. على الأشواق ..
الفكر سلطـه.. والمشاعـر مـزن..
والخاطر ..السامي.. مع الأخـلاق ..
والخلـق نطفـه.. والنهايـة كفـن..
والعالم.. المخفي.. مـع الإرهـاق ..
والشعـر كذبة..والعذوبـة وهــن.
والشاعر.. الهـاوي.. إلـى الأعمـاق..
ياكثـر مايطـري.. علـي الوطـن ..
وااا / طَيْر.. أطيور ..الأمل وانساق ..
وااا/ لمْ شعثي وارتحل عن حـزن..
حتى.. ولو كان.. الحـزن خـلاق ..
ناظرت يمْ الشمس وانفاسـي دفـن..
بعد .. الضنون ألي.. غوى الأفـاق ..
شرْعت ف/ بحور.. الأماني سفـن ..
وإحساس.. قلبي ..للوطـن تـواق ..

[زينة الناصر]

ياكثرها اللوعات وأنت أول الموسم ..
أجل كيف لاعدى الوسم وأنتَ تبكيني ..
تمعرت في أرض الورق لين إنتهى المِرسَم..
ولاقد كتبت بصفحتي حرفٍ يواسيني.
وخيالٍ خصيب ودمعتي تقسم وفاء واقسم.
.إنك على صحرا المحبين ناسيني ..
ملامح ميٌته بين الشحوب وعفة المبسم ..
مع إن بداخلك رعشة حياة وحب يكفيني

[زينة الناصر]

طال انتظار المسافر زهرة النسرين...
عدى بك الوقت وأنت مثل ما أنتِ
تموزك الحب وأخر غفوتك تشرين .
وانتِ على صدر الحنون اسنين مانمتيِ..
مايدري البعد لكن أعرفك.. تدرين؟ ..
إنك على كثر احتياجك حيل أمنتي ..
وانك على كثر الغصون الميته تغرين
وإنك على جوع المشاعر يوم مالنتي ..

[زينة الناصر]

آآآآآآه يا دنيا التعاسة والشقاء واللهو
وآه ياصبرك على ضجة ميادينك
ماتو مساكينك على هذا الترف والزهو
وأنتي منحتي الأمنيات وطالت أيدينك
يافانيه مآبك على كثر الخطاء والسهو
عمري دقايق غريرة وأنتي بزينك

[زينة الناصر]

قلت أقوم الليل واصلي الفراق ..
يمكن أحساسك يراودني معك ..
ماسمعت القلب يدعي بالغراق؟؟
داخل أعماقك وفيني يجمعك ..

[زينة الناصر]

ماتجاوزت ..بحر .. الثانية ..للدقيقة...
إلا ومبعوث.. الكلام .ومركبه. في صدري ..
كشفت نصف البيت.. وأنصفت.. الحقيقة..
وأرسلتها .. للشرود ..ألي لفا ..في خدري ..
الصمت ..وأشكال الحروف ..وحبرها.. والطريقة
تربت على كتف السؤال ألي غفى مايدري ..
من علم.. الماضي.. يحن وينتشل ..من عميقة..؟؟
تلك الدموع .. وطعنتاه ..وآآهاتاه .. وغدري ..
جلست ..مع بعض الجروح ..وشفها ..بل ريقه ..
كنه يراودني ..الهوى .. واستعصمه .. من قدري ..

[زينة الناصر]

تشبه الحلم في صدر الزمان العنيد .
لانفاه الياس بأطرافه ولا
ماشين نبضه على ماهو يريد .
لا تناسى الخوف واحساسه جلا
كل مايخذله يبصم له اكيد .
. وكل دربٍ فات في عينه بلى

[زينة الناصر]

أنت مثل الصمت تحكيني ولا تشر ....
وكنك الديم لابل الثرى هتان ..
وكنك الطفل لاعانق دفاي افرح .... \
لا تلملمني شعور وأنتثر وجدان ..
شاعري الوجد أرسم للأمل مسرح ....
وَتعلم في فصولك كيف أحب إنسان ..
أنت لي ضفة سكون ورغبةٍ تسرح ....
في مدارات انتظاري وفـ البحر لي دان..
وحبك الصعب البعيد الي عليه أجرح ....
كل دمعات انهياري لو تبي تنسان ..
قلت لي تنوي الرحيل وقلت لك ببرح....
ببرح إلـ لحظة تجيني عاشقي ولهان..
صنتك أبـ آية تعال ورب لا تترح ....
و لو تبي ترضى عيونك التفت تلاقان ..

[زينة الناصر]

شاعري مرهف ولليل القصايد خـذاه ....وكنت اشوفه من اول ساهرٍ كل ليل ..
ودي اسكـن خيالـه واتنفـس شـذاه .....ودي اقضي معه هيمان لليل ٍ طويل ..

[زينة الناصر]

لا يعاتبني على وصلك طريق .. لا يعاتب قلبي الي يتبعك
بتبعك لومابقى بي منك ريق .. لو تذابحنا على وصلك معك

[زينة الناصر]

يامتعب القلب قد عاد المدى للظلام ..
من بعد ماشد المشاعر وارتحل يمك
من عادته يتصل بك لابغاك بكلام..
ومن عادت القلب يجمح رغبته يمك

[زينة الناصر]

آه يانفس السبيل
يا لمنغرس بأرضك نحول وضعف ..
وأشياء من هذا القبيل ..
كم لي وأنا أرضع جفاف ..
جفاف وحف ..
وانادي الليل الطويل ..
... وابلل اقلامي كحل
وقلبي حِمل أسرار
وأشعاري تسيل ..
وأنت تعال وشف يانفس السبيل ..
...كيف المطر واقف ..
وع المرسى قتيل ..
وأرجوك .خف ..
آآآآآه أرجوك خف ..
لاتنهي القلب العليل ..
أرجوك يانفس السبيل ..

زينه الناصر .. مدى الحب
مشاهدة المزيد