محاولات شعريّة

[محمد أبوالروس]

الله يزيحك عن دروبي وتنشال
ياحزن متولج خفوقي وباليه


من بعد ماني مع هل الحلم رحال
سلمتني سلطة غلاه وتغلية


والحب وش يعني بلا جرح وآمال
نزوة ولعب عيال والوقت يميحة


والحب مايعرف كرامة ولا أبطال
حتى ولو ياكل حقوقك بكفيه


ان قلت با اكابر وبا اصير رجال
يومين والثالث بـ تشتاق وتجية


المرجلة .. تكبير راسك..واخو عيال
ماهيب خيراً للحبيب ومساعية


والفاتن اللي كل ماقال يغتال
اسايرة واشوف موتي على إيدية


يشوف دمعي من عنا وقتنا سال
ويعين طعناتة بقلبي ويشقية



مافيه حيلة لو تمينت تحتال
هذا قدر والدرب نعرف حراوية


ان قال مابي قول حاظر بكل حال

عاد انت بـ اسلوبك تغيّر مباديه


واذا صمل بالراي ثابت ولا مال
حارب ترى حروب الغلا ما تأذيه




شكك بحبة.. (والتهم).. بعد.. واهمال
وخله يجسد فيك كل مايحس فيه


ابعد وقول ان الغلا راح وانزال
واليا زعل لمة.. وشمة.. وراضية


ترا الزعل بين الحبايب اذا طال
يومين والثالث بـ تشتاق وتجية

[محمد أبوالروس]

كـان بـغـيابي ماذكـرت أحـزانـي
. . . . . أنـا بـغيابك شـاهـدلـي إلـساني

مـاغـير أسولف عـن غـلاك وحبك
. . . . . يـاطب جـرحي ويـاحزن أغـوانـي

دايم تـغيب وماتـشوفك عـيني
. . . . . . بـس المهم إنك وسـط وجـدانـي

تـطري عـليّـه بيـن لحظه ولحظه
. . . . . ,وحـتى وانا سـاهـي خـيالك جـاني

وحـالي بـغيابك يشبه لـعدوانـك
. . . . . شوف الـحزن فـي غـيبتك خـاوانـي

وكـانك تـبيني ومانـسيت الـعشره
. . . . . نـاظر وأكيد إنك تـبي تـلقـانـي

دور عـلى محمد وتـلقـى نفــسك
. . . . . وسـط الخـفوق الموحش الوحدانـي

تـسكن بـحالك وأنت منت بـ (حالك)
. . . . . تـفرح لـفرحي ويـزعلـك هجـرانـي

وكـانـك تـبي تـهجر وتـرحل عـني
. . . . . وشـماعـتك رمح الزمـان الـفـانـي

الله مـعـك والله يســهل دربــك
. . . . . وربــي عـن أصـحاب الـرخى يـاقـانـي

لـكن قـبل تـرحـل تـسمـع مـني
. . . . . بـيـت ٍ يغنـيه الشـقا وغــنـانـي

بـعض الـرفـاقه فـرحتـه من فرحـي
. . . . . وبـعض الـرفـاقـه فـرحـتـه لـ أحـزانـي

[محمد أبوالروس]

ياليتني اصحى وألاقييه كابوس
اللي حصل تجسيد لـ الواقع ... ( الجرح )

وان كان ماهو حلم مزعج ودبوس
إنشك في خصر المحبة وهدم صرح

إمسح من أفكارك محمد أبوالروس
لاصرت ناوي تروح ماينفع الشرح

[محمد أبوالروس]

بتنام ياللي تمسيني على أهاتي
. . . . . تصبح على قلب مغرم فيك ويردد

إن كنت خايف من التغيير لتحاتي
. . . . . كل يوم يكبر غلاك بداخل محمد

[محمد أبوالروس]

ياحسين وألامك رسوم وعلامات
. . . . . طريق مبطي ما لقى من يدلة

حزنك فرح بعيون غيرك وأبيات
. . . . . . إبداع رغم إنة لـ ضيقك مْضلة

شف كيف إحساسك يوزع عبارات
. . . . . . عكاظ بـ أبياتك لقى من يجلة

والشعر لو يطوي طوال المسافات
. . . . . . ماشفت من يشكي سكاكين خلة

والضيق لو ندري بعدة إبتسامات
. . . . . . ماكان شفتك تنثر الحزن كلة

ولو كان ما لـ الناس مقصد وحاجات
. . . . . ماقد عرفنا شي إسمة مذلة

ياصاحبي لي صاحبٍ حيّ مامات
. . . . . . لكنْ حسة مات وأضناه أجلة

إليا رضى يحيّي مشاعر ولذات
. . . . . . مدري القمر ولا القمر نسخةٍ لة

وإليا زعل يزعل شعوب وحكومات
. . . . . . عاد أنت دوّر هـ الزعل من يحلة

هم فرقونا مفرقين الجماعات
. . . . . . اللي لهم تفريق الإثنين ملة

بعده كرهت اللي يسمى علاقات
. . . . . . أي حال حالي بعد حسة وصلة

جرحٍ بنى نفسة بنفسة على الذات
. . . . . . . لا قال ذا دمة ولا قلت خلة

[محمد أبوالروس]

يا وقت قلي ليا متى تتعبّني
. . . . وليا متى وأنا أسير أحزاني

ماودّر سنيني ولا غلّبني
. . . . إلا اني أتخيّل بأن تنساني

من صغر سني والدهر جلّبني
. . . . مرة معي وعشرة مع عدواني

والغالي اللي في غيابة أبني
. . . . ذكرى مواقف راسخة بوجداني

مليت أصدق انه معذبني
.. . . ومليك أكذب انه بـ يلقاني

كل ما أجية لمشرقة غربنّي
. . . . وكل ما أغّرب عن عيونة جاني

ياوقت قلة كانة يجربّني
. . . . ماله غنى .. وغيرة وفلا يغناني

وياقت قلة لا بغى يسيّبني
. . . . نيابتاً عني وعن إلساني

كاني خطيت بحقة يعاتبّني
. . . . لا يكتب أعذارة على جدراني

[محمد أبوالروس]

أصبحت شاعرها وأنا مو شاعر
. . . . إلا بمدى قربك يانن عيوني

جتني بـ أناقتها وأسود فاخر
. . . . وأفخم بعد يادنيتي ياكوني

سميت بـ إسم الله عليها مجاهر
. . . . وسمى عليها وأسلم الماروني

معها جنوني الخافيّة تتظاهر
والله يلوم اللي يلوم جنوني

[محمد أبوالروس]

ياضيق ياللي فوق راسي تهاويت
مع الفجر واقبلت تطفي سراجة ؟*

ياللي على فقري وجوعي تربيت
وانت اتعرفني كل معثر اواجه*
*
اقفي عسى تقفي بك الريح لا اقفيت
كثرت مخاواتك جروحي سماجة

احتاج واتوارى عن الناس وازريت
نظراتهم للفقر فيها انعواجة

واقعد مع نفسي اردد شطر بيت
( عزي لمن يرجي ورى الناس حاجة )

[محمد أبوالروس]

اول ماعندك وقت تفضي لغيري
ماتنشغل عني ولا فيه فاصل

واليوم من وقتك تحدد مصيري
حتى الثواني تعتبرها مواصل. ..!!!

[محمد أبوالروس]

في غيابك مافتحت الواتس آب


حاجتي له تنتهي مع طلعتك

[محمد أبوالروس]

لا قلت لي تصبح على خير كنك
تاخذني لـ موتي وتاكل حقوقي*

انا فدا "روحك" "وعينك" "وجفنك"
منك صباح الخير تحيي عروقي

[محمد أبوالروس]

ياللي زعلج يعلم العالم الخوف
يجمع غنج نادر وتقوى وهيبة

تقول لي ماراح احاجيك وتشوف
الشوف من بعدج انا وش ابي به

[محمد أبوالروس]

ثورة وتحطب نفس مطلبها السلام
اضعوف شعب وبالحقيقة ابطالها

ثورة على طغيان حقبة من ظلام
تشبعوا من ضيمها وسلالها

ثاروا ولا يلحق مطالبهم ملام
حرية ً ساقوا مهرها عيالها

كن الرصاصة ضيف يبحث عن مقام
من طيبهم كلن يقول انا لها

من الفجر تكبير ( واسقاط النظام )
الله يحيّي ( اصلها وإرجالها )

لابد يأتي نور يقشع هالظلام
تباشري ياسوريا وأبطالها


محمد ابوالروس

[محمد أبوالروس]

منى منى يسعد صباحج ويسعد
منهو صباحه يبتدي بشوف عينج

تدرين شـ اكثر شي يفرح محمد؟
جمبي ومرتبكه وايديني بدينج


[محمد أبوالروس]

ياللي تساومني تعال احتويني
مليون مرة قلت لك لا تساوم

رحت وغيابك غيّب أشياء فيني
لا آكل ومـ اشرب ولا اقدر أداوم*

[محمد أبوالروس]

نامي وانتي واثقة يا بنيّه
ماغيّرتني احداثي اليوميّة

ولا يطري فـ بالج بأن محمد
ممكن يخفف من غلاج شويّة

واللي حصل واضح وشوفة عينج
تقدير لأجل ظروفج القهريّة

ماهو زعل ولا خيانة ولا
اي حاجةٍ او فكرةٍ سلبيّة

انتي محمد يا خلف جدانه
وانتي الانيقة الناعمة السحريّة

انتي "منى"ويكفيج انج "انتي"
يوم ان غيرج ما لقت شخصيّة

انتي خيال الشاعر المتمكن
وانتي جمال ابياته الشعريّة

وانتي صفا جوه وياملهمته
غلاج يكفي الكورة الارضيّة

*انتي وكم انتي جملية طلة
ياحاضر محمد ويا ماضيّة

وانا مواليدي سنة معرفتج
وانتي اساس احلامي الورديّة





@M7poet

[محمد أبوالروس]

احرقتني بـ مفارقك ولا ترق
واعجبك شكل النار فيني بـ ازدياد

ماعاد فيني جُزء باقي ما احترق
إلحق علي ياشين لا اصبح رماد

[محمد أبوالروس]

يا حزن لو تحشم عريبين الأنساب
ما كان ذا حالي ولا فيه فرقا

ارقى سما قدام عينك ولا أهاب
وتدق خشمي بالنهاية وترقا

[محمد أبوالروس]

هذي هي الحزة وهذا هو الوقت
لا قامت همومي علي اتزارق

ياصاحبي لا تضيق ان شفتني ضقت
الليل يعني " موت " للي مفارق

[محمد أبوالروس]

لا يزعجك حالي يا يمة وتضيقين
ما ينفع بجرحي مطوّع ولا طب

الله يعديها على خير واتزين
ذا حال من فارق عقب حالة الحب

[محمد أبوالروس]

سياسي وناقد وشاعر وصعلوك
تجمعن فيني،، وانا ما اتجمع

في مجتمع كله دبابيس وشبوك
ان جبت له طاري الحكومة تروّع

[محمد أبوالروس]

يا راعي الريتويت رتوت هالأبيات
يمكن مع الريتويت توصل لـ خلي

أبو ملامح فارسيّة وشامات
عساه يقراهن ويبطّل تغلي

[محمد أبوالروس]

ياخي ترا مليت شوقي وحنيني
ومليت من ظلم الغياب وظلامه

ان كان ودك بالأجر لد فيني
عوّد وأجرك أجر كافل يتامى

[محمد أبوالروس]

نامي وانتي واثقة يا بنيّه
ماغيّرتني احداثي اليوميّة

ولا يطري فـ بالج بأن محمد
ممكن يخفف من غلاج شويّة

واللي حصل واضح وشوفة عينج
تقدير لأجل ظروفج القهريّة

ماهو زعل ولا خيانة ولا
اي حاجةٍ او فكرةٍ سلبيّة

انتي محمد يا خلف جدانه
وانتي الانيقة الناعمة السحريّة

انتي "منى"ويكفيج انج "انتي"
يوم ان غيرج ما لقت شخصيّة

انتي خيال الشاعر المتمكن
وانتي جمال ابياته الشعريّة

وانتي صفا جوه وياملهمته
غلاج يكفي الكورة الارضيّة

*انتي وكم انتي جملية طلة
ياحاضر محمد ويا ماضيّة

وانا مواليدي سنة معرفتج
وانتي اساس احلامي الورديّة

[محمد أبوالروس]

أضعفتني وأنت تعرفني قوي باس
وتدري على فرقاك مانيب قاوي

وشفيك ترميني على منة الناس ؟
وشفيك ما ترحم رفيقك وتاوي ؟

[محمد أبوالروس]

بيني وبين السهر قصة غراميّة
اتناه لا غاب وان ما جيت يتناني

بأسباب منهو تركني دون ماويّة
اللي استباح الغياب وزاد بأحزاني

ابو ملامح عجم وإسلوب كردية
قولوا له اني جريح الحب وأعاني

اما رجع لي وزاد الشوق حنيّة
وان ما رجع علموه شلون يرثاني

[محمد أبوالروس]

لله امرك ياحزن ياللي على جرحي قويت
تعال عن برد الشتا بضلوع صدري واستقر

لا يزعجك منظر ركام بداخلي وإحطام بيت
ما دمره غير الغلا وكبر الهقاوي والفقر

ياقلب لو ماهزتك كلماتها ،، منها انكويت
اقسم فلا تهزك رياحٍ عاتية ولا مطر

اووواه ياذيج الوصوف الساكبة ع النار زيت
تفيض لج كل المساحات بخفوقي وتنغمر

أصدق غلا واعذب غلا ماخانته وانا وفيت
احبها كثر الاماني وحلم عمري والبحر

اللي تكافح هجتمي بقوة دفاعٍ مستميت
تصنيفها تحفة ثمينة راقية ومما ندر

مدري اذا الاقدار حدتني على الضيق ومشيت
سواتي سواة العزيز اللي من الذل انتحر

قولوا لها بغيابها ما قد رقدت وما اهتنيت
قولوا لها محمد على الفرقا ضعيف وماقدر

قولوا لها من عقبها كم هزني الشوق وبكيت
قولوا لها كل ثانية من بعد شوفك يحتضر

قولولها بفراقها اني حزين وما سليت
الا مع صورة وقطعة خام وبيوت الشعر


محمد ابوالروس

[محمد أبوالروس]

تكرم مدينة لاجل شعبي (بسيطة)
تنقال من باب الدعاية والإعلام

للي يشوف الشعب طوفة هبيطة
يخوض بالامثال تسليك وأوهام

يزعج مسامعنا بفحوى شريطة
كلام مستهلك ومن غير ارقام

ويرسل خلاياه الغبية العبيطة
منشان تقنعهم بأضغاث الاحلام

لكن ابو سلمان في راس عيطة
محمد اللي تعرفونه ليا حام

جرح المواطن في يدينه يخيطه
يوم ان غيره يفتق جروح الانام

صادق مع نفسه وفاهم محيطه
وبينه وبين الشعب ما يرفع الجام

مبداه لأجل الشعب تكرم خريطة
وبشوت وبيوت ومناصب وحكام

تشوف فعله قبل تسمع شريطة
مغنيه فعله عن تزلاف الاعلام

ما مسك شؤون البلد للسقيطة
وما استورد ابواق وبهايم من الشام

يدحم بمتنه متون ماهي بسيطة
وراه شعب ان قال قدام .. قدام

وخلا عدوه يصدم بعرض حيطه
الحيطة اللي من صدمها فلا قام

وياكم من ألسن خبيثة سليطة
من خوفها حطت على حلوقها لجام

يكفيك كلب الضاحية من فحيطه
صلى على سلمان جهراً بالاعلام