عبدالله الصقري
06-01-2006, 08:25 PM
بسم الله الرحمن الرحيم
الشعر وهيه نادر اللي يشيله = والقاف محكور ٍ على اللي ينميه
ونا كتبت أبيات في بحر ميله = أمواج شعري ماتلاطم مباديه
الفكر هايج في علوم ٍ طويله = في ساحة الشعار يظهر مواريه
أركب بيوت ٍ على الكيف أحيله = واركب الثاني وادور تواليه
لا لاح لي برق الشعر ارتكيله = وأرسم من الابيات ماحل طاريه
ابيات شعري من معانن ثقيله = مايخف وزن القاف لثقلت معانيه
ياصاحبي لاجت غيوم ٍ قليله = تنذرك في سحب ٍ قويه أثاريه
الشعر يعرفني وعارف خليله = والكل منا مايتعدى مخاويه
لاحاورن شخص ٍ ويلعب بذيله = ويكتب من الابيات منهو يجاريه
ارسله القيفان مايهد حيله = عواصفن سوداء تحطم قوافيه
ماني من اللي سارق ٍ قول جيله = ولاني من اللي يجمعه من شواطيه
الوايلي لاقال قوله يكيله = يثبت وجوده في مواطن معاديه
ونا احمد الله من سلايل قبيله = يعرف بها التاريخ وتعرف مجاريه
من العماير من سلايل نبيله = وكورنا بروس الجبل في عواليه
حنا الحرار اللي ماترضى السفيله = حنا الصقور اللي تمسك بعاليه
منخاتنا بويضا ركوب ٍ اصيله = خيالها الصقري مرهي مواطيه
خصيمنا نسقيه من الحنظليله = ودخيلنا نحميه بكبرت بلاويه
يكم شخص ٍ تحت حمر النثيله = ويكم شيخ ٍ ماتهنى بعلابيه
لو اكتب التاريخ محصي قليله = ولو ابدع الاشعار ماظن اوفيه
هذي بيوتن صغتها بحسن قيله = ابوعهد لاقال قوله يكفيه
والشعر وهبه نادر اللي يشيله = وكلن من الشعار يعرف خطاويه
وختامها صلوا في كل ليله = على رسول ٍ طهر الله اياديه
وسلامتــــــــكم
الشعر وهيه نادر اللي يشيله = والقاف محكور ٍ على اللي ينميه
ونا كتبت أبيات في بحر ميله = أمواج شعري ماتلاطم مباديه
الفكر هايج في علوم ٍ طويله = في ساحة الشعار يظهر مواريه
أركب بيوت ٍ على الكيف أحيله = واركب الثاني وادور تواليه
لا لاح لي برق الشعر ارتكيله = وأرسم من الابيات ماحل طاريه
ابيات شعري من معانن ثقيله = مايخف وزن القاف لثقلت معانيه
ياصاحبي لاجت غيوم ٍ قليله = تنذرك في سحب ٍ قويه أثاريه
الشعر يعرفني وعارف خليله = والكل منا مايتعدى مخاويه
لاحاورن شخص ٍ ويلعب بذيله = ويكتب من الابيات منهو يجاريه
ارسله القيفان مايهد حيله = عواصفن سوداء تحطم قوافيه
ماني من اللي سارق ٍ قول جيله = ولاني من اللي يجمعه من شواطيه
الوايلي لاقال قوله يكيله = يثبت وجوده في مواطن معاديه
ونا احمد الله من سلايل قبيله = يعرف بها التاريخ وتعرف مجاريه
من العماير من سلايل نبيله = وكورنا بروس الجبل في عواليه
حنا الحرار اللي ماترضى السفيله = حنا الصقور اللي تمسك بعاليه
منخاتنا بويضا ركوب ٍ اصيله = خيالها الصقري مرهي مواطيه
خصيمنا نسقيه من الحنظليله = ودخيلنا نحميه بكبرت بلاويه
يكم شخص ٍ تحت حمر النثيله = ويكم شيخ ٍ ماتهنى بعلابيه
لو اكتب التاريخ محصي قليله = ولو ابدع الاشعار ماظن اوفيه
هذي بيوتن صغتها بحسن قيله = ابوعهد لاقال قوله يكفيه
والشعر وهبه نادر اللي يشيله = وكلن من الشعار يعرف خطاويه
وختامها صلوا في كل ليله = على رسول ٍ طهر الله اياديه
وسلامتــــــــكم